Ŋúnuyi 127:2 - Cebaara Bible 2010

² Yele i sɔ̀ɔ́ ni yìrigí nyǐngi nyɔ́ɔ na, ní i mɔngi sìnzinɛ ni, ní i fɔ̀rɔgí ní náa i yaliiri taagi ni líi. Yele i koro myɛ kpéʔele gbanzan. Wi i wi syɛɛn-nidaanmaw kaangi, àlí bi wi yaʔa ŋúnɔmi na.

Ŋúnuyi 127:2 Iomraidhean Croise

Zyɔbi 11:18

Mɔ a nyìn nànzorori na níì cán sɔ̀ngumɔ tɛɛtaʔaga a pye yaà. Mɔ a wéle bi miyɛɛ màʔa, si sínɛ yɛɛ̀nyinge na.

Ŋúnuyi 3:5

Mii i yákpogbɔɔlɔ wáa Yawe kurugo, n wi yaʔa wi nyanbe-nyunjǎngi na, wi i lúro mii ma. Ŋɔ́ndaala

Ŋúnuyi 4:8

Mɔ i fundaanra nii mii ni n sɔ̀lɔ pe yaliinɛʔɛri taala, ní be dùvɛɛnfɔnw nɛʔɛnɛ fundaanra na.

Ŋúnuyi 60:5

Mɔ n kagbanya tɛ̀ɛn mɔ syɛ́ɛnbèle na, mɔ n yɛɛwɔɔ̀ dùvɛɛn kaan wolo ma a wo gbaa.

Kàseegèle 10:22

Yawe dùbaw wi syɔɔn kpéʔele yarigaa fɔ́lɔ, wi o fɔ̀rɔgɔ faala fàrá wi na í.

Syɛɛnjóow 1:14

Mii n fáliw myɛ nyaa, wee wi kpéʔele lè tári na. Wéle, gee bee myɛ i nyɛ gbanzan, ní bi taʔa káfalaga na da nɛnɛ.

Syɛɛnjóow 4:8

Wéle, syɔɔnwaa i nyɛ wi nibin, wàa o wi siin wóo í, nànbile wàlá senyɛnnɛ o nyɛ wi ma í, láʔala si o nyɛ wi fáliw na í, àlí wi nyapiigèle o tíngi lɔ́ri na nyáana í. Wi si o wiyɛɛ yíbe í bi jo: Wìí ma mii báara, níì mii pǐli kún fundaanri na? Koro wɔ́ɔ i nyɛ gbanzan, ní kapeʔe.

Syɛɛnjóow 5:12

Mii n bɔ̀nɔkpɔɔɔ nyaa tári na, woro wi nyɛ: Lɔ́ree di kàfɔw kpóʔoro lè, á ti baa wɔʔɔlɔ cáan wi na.

Syɛɛnjóow 6:7

Syɔɔn faligbanw myɛ i nyɛ wi nyɔ́ɔgi kéele na, wi yákpodirigi si sèʔé o nyìngí í.

Zyeremii 31:26

N fàra gee bee na mii yìri ŋúnɔmi na lè, a mii gi nyaa mii ŋúnɔmi maa tɛ́nɛ!

Ezekyɛli 34:25

Mii a yɛɛ̀nyinge joogaanna kpéʔele ní be ní, mii a sìnbirigi yaweere kwɔ́ɔ bi yirige tári ni. Pe a tɛ́ɛn yɛɛ̀nyinge na sági fìími tára ni, sáā ŋúnɔ kɔ́liyi nínge ni.