Ŋúnuyi 127:1 - Cebaara Bible 2010

¹ Njogi lúgufɔɔlɔ ŋúnugo, Salomɔn wógi. Kapye Yawe o kpáagi faanri í, bele be gi faanri lè, pe i báara gbanzan. Kapye Yawe o kěgi kpáa wéle í, wee wi gi kpáaw wéle lè, wi i syɔ̀ɔ́n nyɛ̀nɛ na gbanzan.

Ŋúnuyi 127:1 Iomraidhean Croise

1 Fànʔafɔbèle 5:12

Wi n kàseegéle selebinnɛ ní saala kagunɔ wáa, wi ŋúnuyi si i nyɛ saala kagunɔ ní kagunɔ.

1 Cányi kèlē 28:10

Ki córo tɔ́ɔliw ni mi cán Yawe n mɔ nyɛ́nɛ n wòlo, koro ga pye mɔ í kpaʔa faan gi pye tɛɛcànga. Nìrimɛ le, máā báara.»

1 Cányi kèlē 28:20

A Davidi wi jáaw Salomɔn pye: «Nìrimɛ le, mi lòmaana le, máā báara. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Níì cán Yawe Kolocɔlɔɔ wi lè mii Kolocɔlɔw, woro a pye ní mɔ ní, wi a tée mɔ yaʔa í, wi a tée láʔa mɔ na í fwɔɔ bi taa fáliw myɛ wi nyɛ lè Yawe kpáagi kéele na, wi ba kwɔ́ɔ.

1 Cányi kèlē 29:19

Fungo kaan mii jáaw Salomɔn ma, gee gi nyɔɔ n foro lè, koro ga pye wi mɔ kajoodɛɛngèle ní mɔ lalwaw kèlē ní mɔ kajoogèle cò, sáā ge myɛ kpéʔele, si kpaakpɔɔgi faan, gee kéele na mii yáriri sámaga n yaʔa lè.»

Ŋúnuyi 120:1

Njogi lúgufɔɔlɔ ŋúnugo. N mii yaʔa fɔ̀rɔgi ni, a mii yákpoli wáa Yawe kurugo, a wi lóʔo mii ma.

Ŋúnuyi 121:1

Njogi lúgufɔɔlɔ ŋúnugo. Mii a mii yɛ́ɛgi yìrige bàā wéle yaà nyanbeleyi ma. Sán mii dɛ̀ɛmɛni a yìri?

Ŋúnuyi 122:1

Njogi lúgufɔɔlɔ ŋúnugo. Davidi wógi. Pe ga mii pye: «Wo kári Yawe kpáagi ma,» mii n pye fundaanra na!

Ŋúnuyi 123:1

Njogi lúgufɔɔlɔ ŋúnugo. Mɔ má mii mii nyapiigèle yìrigí ni wéle, mɔ wee wi nyɛ lè wodɛ́ɛɔn ní nyɛ̀ʔɛni na.

Ŋúnuyi 124:1

Njogi lúgufɔɔlɔ ŋúnugo. Davidi wógi. Kapye Yawe da fàra wolo na í, Isirayɛli ye n yɛlɛ bàā gee bee nyuu si jo:

Ŋúnuyi 125:1

Njogi lúgufɔɔlɔ ŋúnugo. Syɛ́ɛnbèle bele pe be sɔ̀ngumi taʔa Yawe na lè, pe i nyɛ àmɛɛ Siyɔn nyanbelegi nyɛ lè. Yafyɛn a gbǎn gi cúngo í, ki a pye yaà làla o làla.

Ŋúnuyi 126:1

Njogi lúgufɔɔlɔ ŋúnugo. Lǎli ni Yawe Siyɔn wóbèle yirige púlori ni a be lúru n pan lè, wolo maa pye mɔ a jo ŋúnɔgɔ na wolo nyɛ.

Ŋúnuyi 72:1

Salomɔn wógi. Ee Kolocɔlɔɔ, ki n yɛlɛ mi mɔ kútiiw kèlē cɔɔnriganma kaan fànʔafɔw ma, mɔ sínni kaan fànʔafɔw jáa ma!

Ŋúnuyi 78:69

Wi n wi tɛɛcǎngi faan a gi pye àmɛɛ ǹjoʔo ma tɛ́ɛyi nyɛ lè, mɔ a jo àmɛɛ tári nyɛ, dee kàpɔɔn wi sámaga n le n yaʔa lè nya làla o làla.

Kàseegèle 16:9

Syɔɔn fúngi i wi kólogi kèlē tímana, kàjáa Yawe wi wi nyɔ̌ngèle sámagi ni yéregi.

Syɛɛnjóow 9:11

Mii n wɔ́ɔ níì gi nyaa tári na bele be fé lè gbanʔama, kàfyaali fàndaara o nyɛ bele bee wóro í, kapɛɛnni fàndaara o wɔ́ɔ̄ nyɛ nànniribèle wóro í, sícilibèle ban pe be yaliiri taagi kelekele í, cánnɛʔɛni fɔ̀ɔlɔ ban be lɔ́ri taagi í, kacànna taala o nyɛ kacánbèle wólo í, níì cán làrijǎngèle ní làribeegèle i nangi pe myɛ na.

Ŋúnudaangi 3:3

Kpaàwelebèle n mii fàra n nyaa, poro bele be kěgi nyaari ni máari lè, a mii jo: «Wee kéele li mii dɛ́nɛ mii fúngi ni lè a yele wi nyaa lé?»

Ŋúnudaangi 5:7

Kěgi kpaàwelebéle be kěgi nyaari ni máari lè, a poro mii fàra n nyaa. Pe n mii kpúmɔn, pe n mii kpàli, tǒw kpaàwelebéle n mii fàniwáaw syɔɔ mii na.

Ezayi 27:3

«Mii Yawe, mii wi nyɛ gi kpaàwelew, mii i gi fɔɔnri làla o làla. Mii i gi kpáaw wéle n yébiligi pínɛ cángi ni, jàngó pe a kɔ́ gi kálagi í.

Ezayi 56:10

Isirayɛli kpaàwelebèle myɛ i nyɛ fúunbéle, pe o yafyɛn cángi í. Pe myɛ i nyɛ pɔn-bobooyo, yee yi lè yi o gbàn ni nyàʔá í. Pe n sínɛ ni ŋúnɔ ní ŋúnɔyɔ ní. Ŋúnɔmi n be dɛ́nɛ.

Ezayi 62:6

Zyerusalɛmi, mii n kpaàwelebéle télege mɔ tobèle ǹjoʔo ni, pe ga yɛlɛ bi pyèri nyáana í n cángi pínɛ yébiligi ni. Yele bele ye Yawe sɔ̀ngí ni taagi Zyerusalɛmi kéeli na lè, yele a kɔ́ ŋɔ́n daa nyáana í!

Zyeremii 51:12

Ye dirapo yìrige Babilɔni tǒbèle kánma na! Ye kàa fàra kpaàwelebèle na, ye kɔ̀rɔsiifɔɔlɔ télege, ye pèle làriga paa sigi. Níì cán kakɔrirɔlɔ i nyɛ Yawe ma, gee wi joo Babilɔni ye kánmi na lè, wi i gi forogi.

Zyeremii 51:31

Kàfyaavanw i fé ni kàfyaavanwaa fàrá, tundunw i fé ni tundunwaa fàrá bi sa gi joo Babilɔni fànʔafɔw ma si wi pye pe n wi kěgi syɔɔ n taa kàbanyi myɛ na.

1 Korɛnti ye 15:14

Kapye Kirisi ga nyán í, ye gi cán wolo wojoori i nyɛ nyùngo fun, yele tágali si wɔ́ɔ i nyɛ nyùngo fun.

1 Korɛnti ye 3:7

Gee bee na ti lùgufɔw o nyɛ yarigaa í, ti fɔɔnfɔw o wɔ́ɔ̄ nyɛ yarigaa í, fwɔɔ Kolocɔlɔɔ, woro wee wi di kaan ti i leegi lè.

Galasi ye 4:11

Mii i fɛ̀ɛgí yele kéeli na, ní i gi sɔ̀ngí n jo, dɔ̀ʔɔ́ mii maa báara yele níngi ni gbanzan.

Làlwaw Kaanziin 8:18

Sɔ̀ngi mi taa Yawe mɔ Kolocɔlɔw na, woro wee wi lɔ́ri bee taala sée kaan mɔ ma lè, koro ga pye nyɔɔfaligi wi kpéʔele mɔ tofɔlɛɛyi ma lè, wi gi kpéʔele nya àmɛɛ gi nyɛ lè níjanʔa.

Zyozuwe 2:2

A pe gi joo Zyeriko fànʔafɔw ma níì jo: «Wéle, Isirayɛli wóbèle pèle n pan naa yébiligi naa ni bi ba tári saanri wéle.»