Ŋúnudaangi 8:2 - Cebaara Bible 2010

² Mii a dée mɔ kɔ́ri kári, mii a dée sa mɔ lége mii nɔ́ɔw kpaʔa ni, mɔ si mii tama. Mii si mɔ kaan mɔ í gbaa nùndaanni dùvɛɛn na, wi lè mii girenadiw lɔ̀ʔɔ.

Ŋúnudaangi 8:2 Iomraidhean Croise

Kàseegèle 9:2

Pi n bi yaweeri kpóo, ní wɔ́ɔ̀ bi dùvɛɛnw nyáʔami n kwɔ́ɔ. Pi n bi lìíli tàbali yérige n kwɔ́ɔ.

Ŋúnudaangi 3:4

Mii tɛ́nɛ̀ sɔ̀lɔ be na lè terire, wee kéele li mii dɛ́nɛ mii fúngi ni lè, a mii fala n wi nyaa. A mii wi cò, mii si a ní wi yaʔa í, bi taa mii í kári ní wi ní sa lége mii nɔ́ɔw kpaʔa ni, wee wi mii fícɛnni taa lè woro kpaafungi ni.

Ŋúnudaangi 4:10

Mɔ tamagi n tɔ̀nɔ n tɛ́nɛ, ni senyɛnjaà, ní ni pìcaa! Mɔ tamagi n tɛ́nɛ n sɔ̀lɔ dùvɛɛn na, mɔ nundaanni sìnmɛ núngo n tɛ́nɛ n sɔ̀lɔ nùndaanni yárira myɛ wóʔo na!

Ŋúnudaangi 7:12

Da maa, mii nànnidaanmaw, wo kári sìnbirigi ni, wo sa ra syɔ̀ɔ́n kèpiigèle ni!

Ŋúnudaangi 7:9

Mii n jo: «Fwɔɔ mii í lúgu sɛʔɛtiigi ni, mii a gi yasanyi cò.» Mɔ yíregèle n yɛlɛ ge pye àmɛɛ ɛrɛzɛn jɔnjɔnyɔ nyɛ lè, Mɔ ŋɔ́ngari nùndaanna si pye àmɛɛ pɔ́mi wólo nyɛ lè,

Ŋúnudaangi 8:1

Ee! Mɔ ga maa pye mii senyɛnnɛ, wee wi ŋɔri mii nɔ́ɔw yíregéle na lè, mii ga maa mɔ fàra n nyaa kàfugi na, mii a dée mɔ wáa mígi, pe si a ra mii faari í.

Zyan 5:39

Kolocɔlɔɔ syɛɛnsɛbɛri yele wéle ni nyuu lè ní lòmaana ní, ní i sɔ̀ngí bi sìibangwɔɔw taa di ni, dee bee wɔ́ɔ i nyɛ mii séera.

Galasi ye 4:26

Kàjáa ǹjoʔo ma Zyerusalɛmiw i nyɛ wɔ́rɔɔ, ní i nyɛ wolo nɔ́ɔw.

2 Timɔte 3:15

Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.

2 Pyɛri 1:19

Koro na kanyaajoobèle syɛ́ɛnrɛ di nyɛ wolo ma lè, kàa n fàra di fíligeli na, ki n yɛlɛ yele í da syɛ́ɛnri bee kɔ̀rɔsíi, ti i nyɛ mɔ a jo fètinnɛ lii, lee li nyín ni yirigi lè yébilimɛ tɛ́ʔɛ ni bi taa nyìndaliŋɔni í ba folo yele fúnyi ni, gbɛ̀ɛ́nmi si cèlege.

Tɛ̀ɛnnɛ 19:10

A mii fala n too wi taana jàngó bi wi kpɔ̀ʔɔrɔ, a wi mii pye: «Tíi, mɔ a kɔ́ koro kpéʔele í! Níì cán mii i nyɛ mɔ ní mɔ senyɛnbèle púlonyɛnwaa, poro bele má Zyezu séeraw nyɛ lè. Da Kolocɔlɔɔ kpɔ̀ʔɔrɔ́! Zyezu séeraw wi nyɛ kanyaajoori joolo nyúngo.»