Ŋúnudaangi 8:1 - Cebaara Bible 2010

¹ Ee! Mɔ ga maa pye mii senyɛnnɛ, wee wi ŋɔri mii nɔ́ɔw yíregéle na lè, mii ga maa mɔ fàra n nyaa kàfugi na, mii a dée mɔ wáa mígi, pe si a ra mii faari í.

Ŋúnudaangi 8:1 Iomraidhean Croise

Ŋúnuyi 2:12

Yaa jaafɔw syɔɔnri syɔɔnri, koro ga pye wi fúngi a kɔ́ tanʔa í, yele si kɔ́ kùu kólogi na í. Níì cán cɛɛri ga pye wi fundanʔari a cò àmɛɛ naà nyɛ lè. Bele myɛ be làra wi láari ni lè, poro i nyɛ dùba pìibēle.

Ŋúnuyi 51:17

Ee Kàfɔw, mii nyɔɔwari sánʔa mi yaʔa koro ga pye mii nyɔ́ɔgi a ra mɔ kpɔ̀ʔɔrɔ́ da láʔala.

Ŋúnudaangi 1:2

Ki n yɛlɛ waa mii syɔɔnri ní wi nyɔ́ɔgi syɔɔnrigéle ní! Níì cán mɔ tamagi i có n sɔ̀lɔ dùvɛɛnw na.

Ŋúnudaangi 7:13

Nyǐngi nyɔ́ɔ na pɛɛn pɛɛn, wolo a ra yirigi bàā syée ɛrɛzɛn séyi ma, bi sa ra gi wéle kapye a ɛrɛzɛn tíriri kɔ́ ni wâburo yirigi, a fyɛ́ɛnri cabara, kapye a girenadi tíiri kɔ́ ni fyɛ́ɛnrɛ kpéʔele. Nɛɛ bee mii a ra mɔ nyaana.

Ŋúnudaangi 8:2

Mii a dée mɔ kɔ́ri kári, mii a dée sa mɔ lége mii nɔ́ɔw kpaʔa ni, mɔ si mii tama. Mii si mɔ kaan mɔ í gbaa nùndaanni dùvɛɛn na, wi lè mii girenadiw lɔ̀ʔɔ.

Ezayi 60:14

Bele be fǎngi gbàngí mɔ na lè, poro jáabèle a ba ra peyɛɛ jɛ́rɛgi mɔ yɛ́ʔɛ ma, mɔ faʔafɔbèle myɛ a ba ra tíri da tuun mɔ láari ni, pe a ra mɔ yiri Yawe kěgi, ní Isirayɛli Wojanw Siyɔn.

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Ezayi 9:6

Fǎngi a ra caragi da syée, bàngwɔɔ yɛɛ̀nyinge si kaan Davidi fàngoli, ní wi fǎngi ma, bi gi báriga, si gi sígi yérige kányɛɛgi, ní sínni báriga ni, bi séli lǎli naa na bàā syée yaà làla o làla. Koro gi nyɛ Nyɛ̀ʔɛni Sùlasiibéle Kafɔlɔ Yawe fúngi ni, wi a gi kpéʔele.

Agizye 2:7

Mii a syɛɛnfeleyi myɛ cúngo. Syɛɛnfeleyi myɛ lɔ́rɔ a pan, mii si kpáagi naa nyìn nìjanri na,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Malasyii 3:1

«Wéle, mii a mii tundunw tun. Wi a sa kologo wòlo mii yɛ́ʔɛ ma. Kàfɔw a ba foo jée wi kpɔ̀ʔɔrɔli kpaʔa ni woro wee yele caa lè. Joogaanni tunduɔn kéele li nyɛ yele fúnyi ni lè, woro wi maa wee,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Luki 10:16

Wee wi ga ni lúro yele ma lè, wee bee wɔ́ɔ i lúro mii ma. Wee si wi ga yele cée lè, wee bee n wɔ́ɔ̀ mii cée. Wee si wi mii cée lè, mii Tunvɔw wi wɔ́ɔ̀ cée.»

Luki 12:8

«Mii a gi joo yele ma, syɔ́ɔnwee faala wi ga fɔ̀lɔ mii na lè syɛ́ɛnbèle nyɛ́nɛ na, Syɔɔn-pya a wɔ́ɔ fɔ̀lɔ wee bee na Kolocɔlɔɔ tundunbèle nyɛ́nɛ na.

Luki 18:9

Syɛ́ɛnbèle bele pe be sɔ̀ngumi taʔa peyɛɛ na ní i sɔ̀ngí poro n sín lè, pe si o wozanbèle córo yafyɛn í, a Zyezu kàseeli naa wáa bele bee ma níì jo:

Luki 2:38

Lǎli bee wonijanna ni a wee bee wɔ́ɔ̀ nan yaà be na, níì bariga kaan Kolocɔlɔɔ ma, ní i pìíw kéele nyuu bele myɛ ma be Zyerusalɛmi syɔɔli sige lè.

Luki 9:26

Níì cán wee wi ga ni fɛ̀ɛrɛ kpéʔele mii kéeli na lè, ní mii syɛ́ɛnri ní mii joo lè, Syɔɔn-pya a ba fɛ̀ɛrɛ kpéʔele wee bee kéele na lǎli ni wi ga ni maa lè wi tiimaa nìjangbɔɔri ni, ní wi Tóow nìjangbɔɔrɔ, ní wi tundunjanbèle wóro ní.

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 13:3

Zyezu si maa gi cán Tofɔw Kolocɔlɔɔ n yáriri myɛ le woro kɔ́yi ni, ní wɔ́ɔ̀ gi cán Kolocɔlɔɔ má woro yìri yaà n pan, woro si a ní lúru kári wi ma.

Zyan 16:28

Tofɔw má mii yìri n pan dulunyanw ni. Tɔ́ɔliw ni mii si a ní yiri dulunyanw ni bi lúru kári Tofɔw ma.»

Zyan 3:13

Syɔɔn faala ga kɔ́ɔ̀ lúgu yaà nyɛ̀ʔɛni na í, kapye wee ban wi yìri lè nyɛ̀ʔɛni na n tìgi naa tári na í, woro wi nyɛ Syɔɔn-pya, wee wi nyɛ lè nyɛ̀ʔɛni wóo.

Zyan 8:42

A Zyezu be pye: «Kolocɔlɔɔ ga maa pye yele Tóow, mii kéeli mǎà dée yele dɛ́nɛ, níì cán Kolocɔlɔɔ ni mii yiri n pan. Mii ga pan niyɛɛ báriga ni í, woro tundunro na mii nyɛ.

1 Korɛnti ye 1:28

Mɛ́ɛpiigèle fɔ̀ɔlɔ, ní bele na dulunyanw syɛ̀ɛnnɛ còʔoró lè, ní bele be lè syɛ́ɛnbèle o be córo syɛ̀ɛnnɛ í, Kolocɔlɔɔ n bele bee nyɛ́nɛ n wòlo jàngó dulunyanw syɛ̀ɛnnɛ í pye gbanzan,

Galasi ye 4:26

Kàjáa ǹjoʔo ma Zyerusalɛmiw i nyɛ wɔ́rɔɔ, ní i nyɛ wolo nɔ́ɔw.

Galasi ye 6:14

Mii si na, ki ga yɛlɛ mii í da niyɛɛ gbɔ́ʔɔgi í, kapye ní wolo Kàfɔw Zyezu Kirisi tiiparigi kéele ní ban í, woro bárigaw ni pe dulunyanw kèlē kóri tiiparigi na mii ma, ní wɔ́ɔ̀ mii kóri dulunyanw wòʔolo kabaan na!

Filipikaʔa ye 3:3

Níì cán wolo bele wo Kolocɔlɔɔ kpɔ̀ʔɔrɔ́ lè wi Pǐli báriga ni, ní i nyɔ̌ngbɔɔlɔ táanri àmɛɛ wolo nyɛ lè Kirisi Zyezu ni, níì wolo sɔ̀ngumi láʔa céri kèlē na, wolo wo nyɛ kɛ́nɛtelew kpéʔelefɔɔlɔ.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.