Ŋúnudaangi 7:5 - Cebaara Bible 2010

⁵ Mɔ yatiigi i nyɛ àmɛɛ sogànʔana kpaataʔa-tɔ́nɔgɔ nyɛ lè. Mɔ nyapiigèle i nyɛ àmɛɛ Hɛsyibɔn lǒgi wéeye nyɛ lè, Bati-Arabimi kpàánweeli nyɔ́ɔ na. Mɔ fínaani i nyɛ àmɛɛ Liban kpaataʔa-tɔ́nɔgi nyɛ lè, gee gi kpáaw wéle lè Damasi kàbangi na.

Ŋúnudaangi 7:5 Iomraidhean Croise

Sélimɛ 32:26

A wi ga gi nyaa woro a fànʔa taa Zyakɔbi na í, a wi wi kpúmɔn cèsiinyungi na. N Zyakɔbi yaʔa gbɛ̀ɛcori na, a wi cèsiinyungi wɔ̀rɔ.

Ŋúnuyi 68:24

koro ga pye mɔ í mɔ tɔ́lɔyi cùrɔ sìsyaanw ni, koro ga pye mɔ pɔ́nbèle nyíngéle í taa mɔ nigoobèle na.»

Ŋúnuyi 87:2

Siyɔn kpàánweegèle kéele n Yawe dɛ́nɛ n sɔ̀lɔ Zyakɔbi tɛɛ̀tɛ́nɛyi myɛ na.

Kàseegèle 5:19

Sɔ̀ɔ nidaanmaɔ, wogaà, wee wi nyìn kpɔʔɔrɔ na lè, wi yíregèle n yɛlɛ bi mɔ yɛlɛ làrigèle myɛ ni. Wi tàmagi í da fundaanra kaangi mɔ ma làrigèle myɛ ni.

Ŋúnudaangi 1:17

Wolo kpaatɔn-tiipalayi i nyɛ sɛdiri tíiye, wolo tiinyiligèle si i nyɛ siipirɛ wòʔolo.

Ŋúnudaangi 4:1

Mɔ n tɔ̀nɔ n nyɔɔ, ni pínɛnyɛnjaa, mɔ n tɔ̀nɔ nyɔɔ! Mɔ nyapiigèle i nyɛ kàtogèlē mɔ nyundɔn-fàniw láara ni. Mɔ njoori i nyɛ àmɛɛ sikegboolo nyɛ lè, bele be fé ni tíri Galaadi nyanbelegi tìgimɛ ni lè.

Ŋúnudaangi 4:4

Mɔ yátiigi i nyɛ àmɛɛ Davidi kpaataʔa-tɔ́nɔgi nyɛ lè, gee wi faan lè n pye kapɛɛnkpumɔn-yárira tɛɛ̀tɛʔɛgɛ. Tunmɔzige-yariya saala kagunɔ i yaà gi ni wojɔrɔyɔ ní, yoro myɛ i nyɛ nànniribēle wóyo.

Ŋúnudaangi 5:11

Wi nyúngi i nyɛ tɛɛteleo, wi ǹjoori i yóo, níì wɔ́ɔ àmɛɛ kàanrigi nyɛ lè.

Ezayi 35:2

Di fyɛ́ɛnri í nyɔɔ àmɛɛ sìnbirigi nyàáfyɛɛnrɛ nyɛ lè, táā muguri bàā fundaanra yákpolo wáa. Yawe a Liban nìjanri kaan di ma, n fàra Karimɛli ní Sarɔn nyɔɔni na. Pe a Yawe nìjangbɔɔri nyaa, ti lè wolo Kolocɔlɔw nyɔɔnɔ.

Misye 7:14

Da mɔ banaʔa-kpeeli téeri maa mɔ syɛ́ɛnbèle nàʔá, poro bele be nyɛ lè mɔ kɔ́rigi yaweegboolo, loro lee li kòró lè li nibin kɔ́ligi ni, tíiri séʔe nínge ni! Ki n yɛlɛ paa nàʔá Basyan na, ní Galaadi tɛ́nɛmi ni, àmɛɛ booma cányi pye lè.

Córolo 21:26

Níì cán Hɛsyibɔn wi da pye Amɔri ye fànʔafɔw Sihɔn kěgi. Wi maa kapɛɛnnɛ kpúmɔn ní Mowabi ye fànʔafɔwee ní wi sɔ̀lɔ lè níì wi tári myɛ syɔɔ wi ma n kári fwɔɔ n sáà nan Arinɔn na.

Matye 18:20

Níì cán syɛ̀ɛnnɛ siin, wàlá syɛ̀ɛnnɛ taanri ga peyɛɛ gbóʔoro tɛ́ɛgee ni lè mii mɛ́ɛgi na, mii i nyɛ be níngi ni.»

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Efɛzi ye 1:22

A Kolocɔlɔɔ yáriri myɛ cáan wi tɔ́lɔyi láara ni waa di kàragí, níì wi yaʔa wi pye Egiliziw nyúngo na kérigèle myɛ ni.

Kɔlɔsi ye 1:18

Woro wi nyɛ céri nyúngo di lè Egiliziw, ní i nyɛ sélimi, ní wɔ́ɔ̀ pye wozeliw, wee wi nyán n yiri lè kúbèle nínge ni, jàngó bi pye yáriri myɛ yɛ́ʔɛ na.

Kɔlɔsi ye 2:19

Wi ga Kirisi cò gbanʔama í, wi lè nyǔngi, gee gi céri tɛ́ɛyɛ myɛ màko nyɔɔgi lè, níì yi sogi yiyɛɛ na yi tɛɛsogiyi ní kapanyi báriga ni, jàngó céri í da kpɔ́ʔɔgi bàā yɛlɛgi ní Kolocɔlɔɔ kínidɛnɛgi ní.

Tɛ̀ɛnnɛ 1:14

Wi nyúngi ní wi ǹjoori maa fílige àmɛɛ bàsiifiire nyɛ lè, wàlá àmɛɛ lànɛɛzyiw fílige lè. Wi nyapiigèle si i nyɛ àmɛɛ naanyìnge nyɛ lè.