Ŋúnudaangi 7:4 - Cebaara Bible 2010

⁴ Mɔ yíregèle siin i nyɛ àmɛɛ pìipiiye siin nyɛ lè, mɔ a jo wogaà ŋǎnbéle bɛɛ.

Ŋúnudaangi 7:4 Iomraidhean Croise

Sélimɛ 15:2

A Abirami jo: «Kàfɔw Yawe, nyàʔá si mɔ a zǐn kaan mii ma? Mii wi syée wee pyà fun ni. Wee wi a mii kpáagi kɔ́rigɔ lìi lè, woro wi nyɛ Eliyezɛɛri wi lè Damasi ye wów.»

2 Samyɛli 8:6

A Davidi kapɛɛnkpumɔnbèle pèle kabiya télege Damasi Sirii ni. A Sirii ye peyɛɛ gaan Davidi ma ni maa ní be nyǔnyi lɔ́rɔ ní. Davidi ga kári tɛʔɛ o tɛʔɛ ni, Yawe n sáà fànʔa kaan wi ma.

1 Fànʔafɔbèle 10:18

A fànʔafɔw sogànʔana fangorikpɔʔɔ sámaga, níì tɛɛteleo tɛ́ʔɛ n gi tɛ́ɛyi myɛ tɔ́n.

1 Fànʔafɔbèle 10:22

níì cán Tarisiisi bàtobèle maa pye Salomɔn ma ní Hirami bàtobèle ní, sólomi lɔ̀ʔɔ ni. Yɛ̀ʔɛlɛ taanri o yɛ̀ʔɛlɛ taanri ga kwɔ́ɔ, Tarisiisi bàtobèle n pan ní tɛ́ɛw ní, n fàra wálifiiw, ní sogǎngèle, ní kòtunbéle, ní féjɛɛnyaa félege na.

1 Fànʔafɔbèle 22:39

Akabi kasangèle, ní gee myɛ wi kpéʔele lè, ní sogǎngèle kpaʔa wi sámaga lè n fàra kěyi myɛ na wi faan lè, gee bee n sɛ́bɛ Cányi kèlē sɛ́bɛ ni wi lè Isirayɛli fànʔafɔbèle sɛ́bɛ.

1 Fànʔafɔbèle 7:2

Wi n Liban-kɔligi-kpaʔa faan gbɛ́nʔɛnɛ. Ki tɔnɔganmi maa pye mɛ́tiribéle togoye siin ní kpɔrigɔ, ki yɛ́ɛgi kpɔ́ʔɔganma si i nyɛ mɛ́tiribéle toko ní kagunɔ, ki ǹjogi tɔnɔganma si i nyɛ mɛ́tiribéle kɛɛ ní kagunɔ, á gi taʔa sɛdiri tíire gaangéle kóloyo sicɛrɛ na. Sɛdiri tíingéle maa pye gàángèle na.

1 Fànʔafɔbèle 9:19

ní kěyee myɛ yi pye lè Salomɔn kɔlɔ̀ yáriri tɛɛkɔnyɔ keye n fàra kapɛɛnkpumɔn-wòtorobèle tɛɛ̀tɛʔɛyɛ keye, ní wi syɔ́ɔnyi tɛɛkòroyo kèye na, n náà fàra yariga o yariga na Salomɔn da ni caa bi faan lè Zyerusalɛmi ni, ní Liban, ní tári myɛ ni, dee wi da ni kàragí lè.

2 Cányi kèlē 8:6

n fàra Baalati, ní kɔlɔ̀ yáriri tɛɛkɔnyɔ keye myɛ na yi pye lè Salomɔn wóyi, ní kapɛɛnkpumɔn-wòtorobèle tɛɛ̀tɛʔɛyɛ keye myɛ, ní syɔ́ɔnyi fɔ̀ɔlɔ tɛɛkòroyo kèye, n náà fàra yariga o yariga na Salomɔn da ni caa bi faan lè Zyerusalɛmi ni, ní Liban, ní tári myɛ ni, dee wi da ni kàragí lè.

Ŋúnuyi 144:12

Wolo nànbiigèle n yɛlɛ ge pye àmɛɛ tiifiinvɔ́nyɔ nyɛ, yee yi lɛɛmɛ dɛ́nɛ lè. Wolo calipiigèle si pye àmɛɛ jɛ̀ɛ́nnɛ gaangéle nyɛ, gele be sámaga n tan n fànʔafɔ-gbaʔa fère lè.

Ŋúnuyi 45:8

Sínni kéele n mɔ dɛ́nɛ, á péemi mɔ bɛɛn, gee bee na, Kolocɔlɔɔ, mɔ Kolocɔlɔw n fundaanra sìnmɛ wo mɔ na, n mɔ kpɔ́ʔɔ n sɔ̀lɔ mɔ pínɛnyɛnbèle na.

Ŋúnudaangi 1:10

Mɔ bɛɛnyi n nyɔɔ líiyi vèʔebēle lariga ni, mɔ yátiigi n nyɔɔ kɔ́nɔtiriyi nínge ni.

Ŋúnudaangi 4:1

Mɔ n tɔ̀nɔ n nyɔɔ, ni pínɛnyɛnjaa, mɔ n tɔ̀nɔ nyɔɔ! Mɔ nyapiigèle i nyɛ kàtogèlē mɔ nyundɔn-fàniw láara ni. Mɔ njoori i nyɛ àmɛɛ sikegboolo nyɛ lè, bele be fé ni tíri Galaadi nyanbelegi tìgimɛ ni lè.

Ŋúnudaangi 4:4

Mɔ yátiigi i nyɛ àmɛɛ Davidi kpaataʔa-tɔ́nɔgi nyɛ lè, gee wi faan lè n pye kapɛɛnkpumɔn-yárira tɛɛ̀tɛʔɛgɛ. Tunmɔzige-yariya saala kagunɔ i yaà gi ni wojɔrɔyɔ ní, yoro myɛ i nyɛ nànniribēle wóyo.

Ŋúnudaangi 4:5

Mɔ yíregèle siin i nyɛ àmɛɛ pìifaliya siin nyɛ lè, mɔ a jo wogaà ŋǎnbéle bɛɛ, bele be líi sìnbirigi nyàáfyɛɛnrɛ nínge ni lè.

Ŋúnudaangi 6:5

Mɔ nyapiigèle yirige mii ni, níì cán ke i mii fúngi nyáʔami. Mɔ njoori i nyɛ àmɛɛ sikegboolo nyɛ lè, bele be fé ni tíri Galaadi tìgimi ni lè.

Ezayi 54:4

Mɔ a kɔ́ fyáa í, níì cán fɛ̀ɛrɛ a mɔ taa í, mɔ a kɔ́ mɔ nyúngi jùngu í, níì cán faʔara a tée too mɔ na í. Mɔ a fɛ̀ʔɛ mɔ cárimi làla fɛ̀ɛrɛ kèlē na, mɔ a ní tée sɔ̀ngí taa mɔ lɔguugi faʔara na í.

Heburubèle 5:14

Kàjáa yaliiniriri i nyɛ wolɛɛbèle wóro, poro bele be tàli lè gi na ni peyɛɛ sɔ̀nguri kɔ̀rɔsíi koro ga pye bàā sínni ní kolomi cángi da láʔala.