Ŋúnudaangi 7:12 - Cebaara Bible 2010

¹² Da maa, mii nànnidaanmaw, wo kári sìnbirigi ni, wo sa ra syɔ̀ɔ́n kèpiigèle ni!

Ŋúnudaangi 7:12 Iomraidhean Croise

Ŋúnuyi 122:5

Níì cán fàngorigèle n tɛ́ʔɛ yaà kútiiw cerile kánma na, ge lè Davidi yòdaʔayi fàngorigēle.

Ŋúnuyi 43:4

Lǎli bee ni mii a kári Kolocɔlɔɔ sáriga-wòlo-yafaangi ma Kolocɔlɔɔ ma, woro wee wi nyɛ lè mii fundaanri, ní mii mugurumi, mii a ra mɔ kpɔ̀ʔɔrɔ́ ní kɔ̀rí ní, ee Kolocɔlɔɔ, mii Kolocɔlɔw!

Ŋúnuyi 73:25

Wìí wi ní i yaà mii ma nyɛ̀ʔɛni na kapye mɔ ban í? Yafyɛn kéele ga níì mii dɛ́nɛ tári na í, kapye mɔ ban í.

Yirile 25:22

Mii a ra mɔ fàrá kapeegèle kùsulugo tɛ́ʔɛ ǹjoʔo ni, séeraw kásu na syerubɛnbèle siin nínge ni, koro ga pye bàā mii tundunri myɛ nyuu da gbàngí mɔ ma Isirayɛli ye kéeli na.

Kàseegèle 8:17

Bele mii kéeli dɛ́nɛ lè, bele bee kéele n wɔ́ɔ̀ mii dɛ́nɛ. Bele be mii caa lè, pe i mii nyaagi.

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.

Ŋúnudaangi 2:13

Děsyaantiigi i gi yasanzeliri kpéʔele, ɛrɛzɛn tiipiiri di fyɛ́ɛn lè toro si i di nùndaanni yirigi. Yìri, mii pínɛnyɛnjew, mii cecǎnw, máā maa!

Ŋúnudaangi 2:15

Ye sɔ́riyi cò wolo ma, sɔripiiyi yi ɛrɛzɛn séyi kálagi lè, bi gi taa wolo ɛrɛzɛn séyi i fyɛ́ɛn n kwɔ́ɔ.

Ŋúnudaangi 4:13

Mɔ lókolopiigèle i girenadi tíire séʔe fɔɔnri, gee yasanra di nyɔɔ lè, ní nùndaanna tiipiire, ní náari ní,

Ŋúnudaangi 4:16

Solomɔkulo kàbangi káfalaga, yìri ŋúnɔmi na! Wòrogulo kàbangi káfalaga, da maa! Da mii nángwɔɔw fee, koro ga pye wi nùndaanni yárira núngo í da yirigi! Mii nànnidaanmaw n yɛlɛ wi jée wi nángwɔɔw ni, wi wi nángwɔɔw yasanjanraa lìi!

Ŋúnudaangi 6:11

Mii i tíri nuwa tíiri nángwɔɔ ma bi sa gòrógoroweegi yafiinvɔ́nrɔ wéle, bi gi wéle kapye ɛrɛzɛntíriri i wâburo yirigi, kapye girenadi tíiri i fyɛ́ɛnrɛ kpéʔele.

Ŋúnudaangi 7:11

Mii i nyɛ mii nànnidaanmaw wóo, mii láagi gi tɔ̀nɔ́ nyɛ wi na.

Ŋúnudaangi 7:6

Mɔ nyúngi i nyɛ cáw àmɛɛ Karimɛli nyanbelegi nyɛ lè. Mɔ nyundiingi téegéle i nyɛ àmɛɛ fàninyɛɛɔn nyɛ lè, ke nyɛ́ʔɛni i fànʔafɔlɔ có.

Ezayi 18:5

Sáni ɛrɛzɛnw làrijɛnɛnɛ í nan lè, lǎli ni wi ga fyɛ́ɛn lè, á wi fyɛ́ɛnri baa kàri n pye ɛrɛzɛn, wee wi lɛɛ lè, wi a wi tíriri cɛnɛ ní kɔnigɔ ní, bi wi kágangboloyi cɛnɛ láʔa yaà.

Kapyegèle 15:36

A canyaa ga kwɔ́ɔ, a Pɔli gi joo Barinabasi ma níì jo: «Kěyee myɛ ni wolo Kàfɔw syɛ́ɛnrɛ joo n sɔ̀lɔ lè, ki n yɛlɛ wo lúru wo kári yaà wo sa senyɛnbèle wéle, wó gi cán àmɛɛ be nyɛ n sɛ́ɛ yaà lè.»

Wɔrɔmi ye 5:11

N fàra gee bee na wolo wɔ́ɔ i nyɔ̌ngbɔɔlɔ táanri Kolocɔlɔɔ kéeli na wolo Kàfɔw Zyezu Kirisi bárigaw ni, woro wee báriga ni wolo bɛ̀ɛ́li bee taa lè tɔ́ɔliw ni.

2 Korɛnti ye 13:5

Ye gi tímana ye wéle yele fúnyi ni, yé wɔ́ɔ ye yeyɛɛ zɛʔɛ ye wéle bi gi cán kapye yele i nyɛ tágali ni. Yele ga gi cán ncan Zyezu Kirisi i nyɛ yele fúnyi ni ì? Fwɔɔ yele ga yeyɛɛ zɛʔɛ n wéle n gi nyaa yele ga foro í.

Efɛzi ye 6:24

Bele be bàngwɔɔ tàmagi le ní wolo Kàfɔw Zyezu Kirisi ní lè, ki n yɛlɛ Kolocɔlɔɔ í kpɔ́ʔɔri kaan bele bee myɛ ma!

Heburubèle 12:15

Ki n yɛlɛ yaa kɔ̀rɔsíi koro ga pye syɔɔnwaa faala a kɔ́ kólogo Kolocɔlɔɔ kpɔ́ʔɔri kurugo í. Ye wɔ́ɔ yaa kɔ̀rɔsíi koro ga pye yasanzorodo tíige a kɔ́ fìin yele níngi ni bi yele fúnyi curugo si wɔ́ɔ yele saamaw nɔ́nʔɔ í.

Heburubèle 2:13

Ní níì jo: «Mii a mii sɔ̀ngumi taʔa Kolocɔlɔɔ na.» Ní wɔ́ɔ̀ jo: «Mii wéle wee ní pìíbèle ní, bele Kolocɔlɔɔ kaan mii ma lè.»

Heburubèle 2:15

bele myɛ pe da pye lè kùúw fyáara púloro ni pe sìíw làla myɛ ni, si bele bee yirige púlori ni.

Heburubèle 4:16

Gee bee na wolo màko ga pye dɛ̀ɛmɛnɛ na lǎlee ni lè, ki n yɛlɛ wo nùuni ní nànzorodo ní fàngoli fɔ́lɔ na, woro wee wi kpɔ́ʔɔri kaangi lè, koro ga pye wi nyinimɛ taa wolo na si kpɔ́ʔɔri kaan wolo ma lǎli bee ni.