Ŋúnudaangi 5:9 - Cebaara Bible 2010

⁹ Nyàʔá gi tɔ̀ʔɔ́ nyɛ mɔ nannidaanmaw ma n sɔ̀lɔ wàa na, ee, cébèle myɛ wojaɔn? Nyàʔá gi tɔ̀ʔɔ́ nyɛ mɔ nànnidaanmaw ma n sɔ̀lɔ wàa na, á mɔ si i wolo nyɛ́ɛri nya gbanʔama kánmi naa na?

Ŋúnudaangi 5:9 Iomraidhean Croise

Ŋúnuyi 45:13

Tiiri cálipili a pye yaà ní li yakaanri ní li kɔ́gi ni. Bele be lè lɔ́ri fɔ̀ɔlɔ syɛ́ɛnbèle ni, poro a ra mɔ funjǎngi caa.

Ŋúnuyi 87:3

Nìjanra yárira kéele n joo mɔ kéeli na, mɔ wi lè Kolocɔlɔɔ kěgi! Ŋɔ́ndaala

Ŋúnudaangi 1:8

Kapye mɔ ga koro cán í, ee, mɔ wee wi nyɔɔ n sɔ̀lɔ cesanbèle na lè, yiri mi taʔa yaweeyiligèle túluyo na maa mɔ sikepiigèle nàʔá bànaʔabèle tɛɛkòroyo taana.

Ŋúnudaangi 2:7

Zyerusalɛmi calipiigèle, mii i yele nyɛ́ɛri gbanʔama wogebèle ní sìnbirigi sɔ̀ɔbēle báriga ni, yele a kɔ́ gi yìrige í, yele a kɔ́ tàmagi yìrige ŋúnɔmi na í, bi taa wi ba ra gi caa.

Ŋúnudaangi 6:1

Sán mɔ nannidaanmaw kári, ee cébèle myɛ wojaɔn? Kàbangìí na mɔ nannidaanmaw kolo n fala, wolo si pínɛ ní mɔ ní wo sa wi caa?

Ezayi 53:2

Wi n yìri n lɛɛ wi nyɛnɛ na, àmɛɛ tiifolovɔ́ngɔ nyɛ lè, àmɛɛ nìnge nyɛ, gee gi folo n yiri lɔ̀ʔɔ fun tára ni lè. Nìjanra da pye wi na í, wàlá darigala í, jàngó wolo a kɔ́ ra wi wéle í. Wi céri kánma da ni syɔɔn kíle wi kàbangi na í.

Matye 21:10

A wi ga ni jǐn Zyerusalɛmi ni, a gi kěgi wòolo myɛ fúnyo wɔ́ɔ. A be jo: «Wìí wi wee naa?»

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.