Ŋúnudaangi 5:7 - Cebaara Bible 2010

⁷ Kěgi kpaàwelebéle be kěgi nyaari ni máari lè, a poro mii fàra n nyaa. Pe n mii kpúmɔn, pe n mii kpàli, tǒw kpaàwelebéle n mii fàniwáaw syɔɔ mii na.

Ŋúnudaangi 5:7 Iomraidhean Croise

Ŋúnuyi 141:5

Syɛɛnsinw n yɛlɛ wi mii kpúmɔn, gee bee a pye tàmaga kéele. Wi ga fúlo mii na, gee bee a pye sìnmɛ mii nyúngi ni, mii nyúngi a kɔ́ gee bee cée í. Mii nyɛ́ɛrigi si a ní yìri be péemi kánma na.

Ŋúnudaangi 3:3

Kpaàwelebèle n mii fàra n nyaa, poro bele be kěgi nyaari ni máari lè, a mii jo: «Wee kéele li mii dɛ́nɛ mii fúngi ni lè a yele wi nyaa lé?»

Ŋúnudaangi 5:6

A mii kɔ̀rigi múgu mii nànnidaanmaw ma. Kàjáa mii nànnidaanmaw maa kàdoʔo kaan, wi maa sɔ̀lɔ n fala. Wi syɛ́ɛnri maa ni mii pǐli yirigi mii ni. A mii wi caa, mii si ga wi nyaa í. A mii wi yeri, wi ga syɔɔ mii ma í.

Ŋúnudaangi 5:8

Zyerusalɛmi calipiigèle, mii i yele nyɛ́ɛri gbanʔama, yele ga mii nànnidaanmaw fàra n nyaa, nyàʔá yele a joo wi ma? Ki n yɛlɛ ye wi pye tàmagi n yaama cáan mii na.

Ŋúnudaangi 8:11

Ɛrɛzɛn séʔe maa pye Salomɔn ma Baali-Hamɔn ni. A wi ɛrɛzɛn ségi kàlifáa kpaàwelebéle ma. Pe myɛ nibin nibin maa ni wálifiio támabéle saala kagunɔ kagunɔbèlē kaangi yasanri kéele na.

Ezayi 3:23

ní dùbalebèle, ní fànifɛɛlɛfɛɛlɛw, ní nyùnbwɔɔyi, ní nyùnbwɔɔ-kpóloyi.

Ezayi 62:6

Zyerusalɛmi, mii n kpaàwelebéle télege mɔ tobèle ǹjoʔo ni, pe ga yɛlɛ bi pyèri nyáana í n cángi pínɛ yébiligi ni. Yele bele ye Yawe sɔ̀ngí ni taagi Zyerusalɛmi kéeli na lè, yele a kɔ́ ŋɔ́n daa nyáana í!

Oze sɛ́bɛw 6:5

Koro na mii kanyaajoobèle tɛ́ʔɛ n be sála n wo, mii n be kpóo ní mii nyɔ́ɔgi syɛ́ɛnrɛ ní. Mii kútiiw kèlē i yirigi àmɛɛ gbɛ̀ɛnmɛ nyɛ lè.

Matye 23:2

«làlwaw sɛ́bɛwelebéle ní Farisibèle i nyɛ Mowizi sìndɛɛgi ni.

Luki 6:22

Lǎli ni yele kéeli ga syɛ́ɛnbèle bɛɛn lè a pe i yele nɛnɛ, ní i yele teeri, ní i yele mɛ́ɛgi córo yapeʔe Syɔɔn-pya kéeli na, lǎli bee ni yele i nyɛ dùba pìibēle.

Zyan 16:2

Pe a kɔ́ ra yele nɛnɛ be sérikpaayi na. Alí làlaa a kɔ́ ba pye syɔɔnwaa ga yele wàa taa n kpóo, wee bee a ra sɔ̀ngí Kolocɔlɔɔ fáli woro kpéʔele nya.

2 Korɛnti ye 11:13

Syɛ́ɛnbèle bee félege i nyɛ pìitun-váanabéle, ní i jànvaaw kèlē kpéʔele, níì peyɛɛ gàriga mɔ a jo Kirisi pìitunbéle poro nyɛ.

Filipikaʔa ye 3:6

Mii fúngi myɛ maa tɔ̀nɔ n pye Egiliziw wɔʔɔlɔ kurugo. Gee gi sínni taala kwɔ́ɔ lè n yɛlɛ ní làlwaw syɛ́ɛnrɛ ní, mii maa pye kajoolo fun.

Heburubèle 12:2

Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.