Ŋúnudaangi 5:6 - Cebaara Bible 2010

⁶ A mii kɔ̀rigi múgu mii nànnidaanmaw ma. Kàjáa mii nànnidaanmaw maa kàdoʔo kaan, wi maa sɔ̀lɔ n fala. Wi syɛ́ɛnri maa ni mii pǐli yirigi mii ni. A mii wi caa, mii si ga wi nyaa í. A mii wi yeri, wi ga syɔɔ mii ma í.

Ŋúnudaangi 5:6 Iomraidhean Croise

Sélimɛ 42:28

A wi gi joo wi senyɛnbèle ma níì jo: «Pe n mii wáliw lúrugo n kaan mii ma. Wi i naa wee mii gɔ̀nvaʔagi ni.» Lǎli bee ni a be fúnyi curugo be na. A be i peyɛɛ wéle, ní i gi nyuu níì jo: «Nyàʔá Kolocɔlɔɔ pye gee wolo na?»

2 Samyɛli 16:10

A fànʔafɔw si jo: «Yele Seruya jáabèle, nyàʔá mii pye yele na? Amɛɛ wi mii dángi lè koro n taa Yawe wi wi pye: ‹Da Davidi dángi.› Koro na wìí wi a wi pye: ‹Nyàʔá na mɔ koro kpéʔele?› »

Ŋúnuyi 28:1

Davidi ŋúnugi. Ee Yawe, mɔ kurugo mii yákpoli wáa. Mii Fálagi, mɔ a kɔ́ mɔ líiweegèle tɔ́n mii na í! Mɔ ga pyèri mii na nya, mii a pye àmɛɛ bele nyɛ be tíri wéegi ni lè.

Ŋúnuyi 30:7

N mii yaʔa ŋɔ́ndaali ni, a mii i gi nyuu niyɛɛ ma níì jo: «Yafyɛn a tée mii cúngo nyáana í.»

Ŋúnuyi 69:3

Mii i cɔ̀ɔnrí fárigi fúngo ni, mii ga tɛɛwaala taa bi mii tɔ́lɔyi taʔa í, mii n jée lòkpɔɔ-cùrugi ni, lǒgi i fóo ni mii tɔ́ngi.

Ŋúnuyi 77:3

Mii i Kàfɔw caa mii wɔʔɔli canʔa na. Mii kɔ́gi n kòro wozánʔaga ní yébiligi ni, sìnvɔrɔ ni. Mii fúngi ga fɔ̀lɔ wàa í koro kpɛʔɛlɛ í.

Ŋúnuyi 80:4

Ee Kolocɔlɔɔ, ki n yɛlɛ mi wolo lúrugo mi télege! Mɔ yɛ́ɛgi gbɛ̀ɛnmɛ yirige koro ga pye wolo a syɔɔ!

Kàseegèle 1:28

lǎli bee ni pe a ra mii yiri, mii si a syɔɔ í. Pe a ra mii caa, pe si a mii nyaa í.

Ŋúnudaangi 5:2

Mii maa ni ŋúnɔ mii fúngi si i nyɛ nyɛ̀nɛ na, mii i kɔ̀rigi kólomɔ lúro mii nànnidaanmaw ma, a wi jo: «Ki múgu mii ma, ni senyɛnjaà, ní ni pínɛnyɛnjaa, mii kàtoli, ní mii wonyɔɔ-mí-forow! Níì cán kásagi n mii nyúngi tɔ́n, yébiligi lòsɔ̄lɔgéle n mii ǹjoori nyíngi.»

Ŋúnudaangi 5:4

Mii nànnidaanmaw n wi kɔ́gi lége kɔ̀rigi wéele ni, a mii fúngi yárira i nyaʔami mii ni wi kéeli na.

Ŋúnudaangi 6:1

Sán mɔ nannidaanmaw kári, ee cébèle myɛ wojaɔn? Kàbangìí na mɔ nannidaanmaw kolo n fala, wolo si pínɛ ní mɔ ní wo sa wi caa?

Ezayi 12:1

Mɔ a gi joo cángi bee na si jo: «Mii i bariga kaangi mɔ ma, ee Yawe! Níì cán mɔ fúngi maa tanʔa mii kurugo, mɔ fundanʔari si n kwɔ́ɔ mii kàbangi na, mɔ n mii kpɛʔɛlɛ.

Ezayi 50:2

Mii pan lè, nyàʔá na mii ga baa syɔɔn faala nyaa í? Mii yeri lè, nyàʔá na syɔɔn faala ga syɔɔ í? A mii kɔ́gi kpere lé wii n sɔ̀lɔ syɔɔn syɔɔlɔ na? Fànʔa o nyɛ mii ma bi gbǎn syɔɔn syɔɔ wii ì? Mii i mii fúloli téeri ni sólomi lɔ̀ʔɔ waari, mii i cábiyi kàragí fìimɛ tára. Yi fábèle i fɔ́ɔnri lǒgi fɔ̀ngɔ kéele na, pe i kúu lògbaalaagi kéele na.

Ezayi 57:16

Níì cán mii a kòro fúloli na làla o làla í, wàlá bi kòro bàngwɔɔ fundanʔagbɔɔrɔ na í, kapye koro ban í, pǐli ní céri mii sámaga lè, ti a too mii yɛ́ʔɛ ma bi kálagi.

Ezayi 58:2

Pe i mii caa canʔa o canʔa, pe i caa poro í mii kóloyi cán. Pe n peyɛɛ bye àmɛɛ syɛɛnfelegaa nyɛ, gee gi sínni sámaga n cò lè, ki si ga téè gi Kolocɔlɔw kútii kéele yaʔa í, pe i kútiisinw kéele yíbe mii ma, pe i caa Kolocɔlɔɔ í nùuni naa.

Ezayi 8:17

Yawe na mii niyɛɛ daʔa, woro wee wi wi yɛ́ɛgi làriga Zyakɔbi kpáagi wòolo na lè. Woro na mii mii sɔ̀ngumi taʔa.

Kayaagi Nyɛnigɛ 3:8

Mii n yákpoli wáa n yeri n fɔ̀rɔ ni dɛ̀ɛmɛfɔlɔ caa, wi si i mii nyɛ́ɛrigi tɔ́ngi.

Oze sɛ́bɛw 5:15

«Mii a kári, mii a lúru kári mii tɛɛkòrogi ma fwɔɔ bi taa pe ba be kolomi nyaa si lúru bàā mii yɛ́ɛgi caa. Pe ga pye wɔʔɔli ni, pe a ra mii caa kányɛʔɛ na.»

Oze sɛ́bɛw 5:6

Pe a kári ní be yaweeyiligèle, ní be yaweekpologèle ní bi sa ra Yawe caa, kàjáa pe a wi nyaa í, wi n wàli n láʔa be na.

Zakarii 7:13

«Lǎli ni mii da ni be yeri lè, pe ga lóʔo í, kánmi bee na ki wɔ́ɔ baa pye lǎli ni pe ba ni yiri lè, mii ga lóʔo í,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 26:75

A Pyɛri Zyezu syɛ́ɛnri sɔ̀ngi n taa dee wi da joo woro ma lè níì jo: «Sáni gòpɔ́w í nyɛni lè, mɔ a mii cée tɔlɔyɔ taanri.» A wi yiri kàfugi na n sa ni nyaan gbanʔama.

Mariki 14:72

Lǎli bee ni a gòpɔ́siin wów nyɛni. A Pyɛri fala n Zyezu syɛ́ɛnri sɔ̀ngi n taa àmɛɛ wi da gi joo lè woro ma níì jo: «Sáni gòpɔ́seliw í nyɛni lè siin wów í ba nyɛni, mɔ a mii cée tɔlɔyɔ taanri.» A wi ga gee bee sɔ̀ngi n taa a wi fala ni nyaan.

Tɛ̀ɛnnɛ 3:19

Bele myɛ be nyɛ lè mii syɛɛn-nidaanmabèle, mii i fúlo be na ní i be kpúmɔn ni kàragí. Gee bee na mi wári mi kàri mi kàdoʔo wáa mɔ kapeegèle ma!

1 Samyɛli 28:6

A Sawuli Yawe yíbe. Yawe si ga joo ní wi ní ŋúnɔgɔ na í wàlá Urimi na í wàlá kanyaajoobèle báriga ni í.