Ŋúnudaangi 5:2 - Cebaara Bible 2010

² Mii maa ni ŋúnɔ mii fúngi si i nyɛ nyɛ̀nɛ na, mii i kɔ̀rigi kólomɔ lúro mii nànnidaanmaw ma, a wi jo: «Ki múgu mii ma, ni senyɛnjaà, ní ni pínɛnyɛnjaa, mii kàtoli, ní mii wonyɔɔ-mí-forow! Níì cán kásagi n mii nyúngi tɔ́n, yébiligi lòsɔ̄lɔgéle n mii ǹjoori nyíngi.»

Ŋúnudaangi 5:2 Iomraidhean Croise

Sélimɛ 29:20

Koro na Zyakɔbi báara yɛ̀ʔɛlɛ kɔrɔsiin Arasyɛli kéeli na. Amɛɛ si Arasyɛli kéeli da tɔ̀nɔ n Zyakɔbi dɛ́nɛ lè, a yɛ́ɛgèle bee kɔrɔsiin pye wi nyɛ́nɛ na mɔ a jo canya cɛɛri wii.

Ŋúnuyi 119:1

Syɛ́ɛnbèle bele be nyɔɔ n foro be kôdanʔari ni lè, ní i táanri ni yɛlɛgi ní Yawe làlwaw ní lè, bele bee i nyɛ dùba pìibēle!

Ŋúnuyi 81:10

Kolocɔlɔwaa nikwɔɔ ga yɛlɛ wi nyaa mɔ ma í! Mɔ a kɔ́ ra táraa nikwɔɔ wòolo kolocɔlɔwaa kpɔ̀ʔɔrɔ́ í!

Kàseegèle 23:26

Ni pyà, mɔ fúngi kaan mii ma, mii kóloyi n yɛlɛ bi pye mɔ nyapiigèle kanidaanna.

Ŋúnudaangi 1:16

Mɔ n tɔ̀nɔ n nyɔɔ, mii nànnidaanmaw, mɔ kéeli n tɔ̀nɔ n syɔɔn dɛ́nɛ! Wolo yasinɛgi i nyɛ nyàápungo.

Ŋúnudaangi 2:10

Mii nànnidaanmaw n syɛ́ɛnri láa. Wi n mii pye: «Yìri, mii pínɛnyɛnjew, mii cecǎnw, máā maa.

Ŋúnudaangi 2:14

Mii kàtoli, mɔ wi lè fálayi wéeye fúngo ni, tɛɛkòlo-dìgiyi làrama tɛ́ʔɛ ni, ki yaʔa mii í mɔ yɛ́ɛgi nyaa, ki yaʔa mii í mɔ yákpoli lóʔo. Níì cán mɔ yákpoli n tɛ́nɛ, a mɔ yɛ́ɛcɔɔli nyɔɔ.»

Ŋúnudaangi 2:8

Mii nànnidaanmaw yákpolo lii! Wi wéle wee, wi i maa, wi i yegi nyanbeleyi na ni maa, ni yegi ni yìrigí dǎndamayi na ni maa.

Ŋúnudaangi 3:1

N mii yaʔa mii yasinɛgi na yébiligi làla ni, wee kéele li mii dɛ́nɛ mii fúngi ni lè, a mii wi caa, mii n wi caa, mii si ga wi caa n nyaa í.

Ŋúnudaangi 4:7

Mɔ n tɔ̀nɔ n nyɔɔ n foro mii pínɛnyɛnjew, tɛɛlɛ faala o nyɛ mɔ na í.

Ŋúnudaangi 4:9

Mɔ i mii fúngi yirigi mii ni, ni senyɛnjaà, ni pìcaa, mɔ wéleli nibin i mii fúngi yirigi mii ni, ní mɔ kɔ́nɔtiriyi yatolo nibin wɔ́ɔgēle.

Ŋúnudaangi 5:11

Wi nyúngi i nyɛ tɛɛteleo, wi ǹjoori i yóo, níì wɔ́ɔ àmɛɛ kàanrigi nyɛ lè.

Ŋúnudaangi 5:6

A mii kɔ̀rigi múgu mii nànnidaanmaw ma. Kàjáa mii nànnidaanmaw maa kàdoʔo kaan, wi maa sɔ̀lɔ n fala. Wi syɛ́ɛnri maa ni mii pǐli yirigi mii ni. A mii wi caa, mii si ga wi nyaa í. A mii wi yeri, wi ga syɔɔ mii ma í.

Ŋúnudaangi 6:9

Mii kàtoli i nyɛ nibin pée, li lè mii wonyɔɔ-mí-forow. Wi i nyɛ pìininbinge wi nɔ́ɔw ma, wee kéele li kpɔ́ʔɔ céwee má wi wi see lè. Cepiibèle i wi nyaagi, ní i wi yiri dùbaw pyà. Fànʔafɔjebèle ní cefàra-mí-láabèle wɔ́ɔ i gee bee nyuu, ní i wi sòoló níì jo:

Ŋúnudaangi 7:9

Mii n jo: «Fwɔɔ mii í lúgu sɛʔɛtiigi ni, mii a gi yasanyi cò.» Mɔ yíregèle n yɛlɛ ge pye àmɛɛ ɛrɛzɛn jɔnjɔnyɔ nyɛ lè, Mɔ ŋɔ́ngari nùndaanna si pye àmɛɛ pɔ́mi wólo nyɛ lè,

Ŋúnudaangi 8:7

Lòkpoloyi a gbǎn tàmagi fígi í, cábiyi a gbǎn gi wáa í. Syɔɔn ga wi kpáagi lɔ́rɔ myɛ kaan bi tàmagi syɔɔ, faʔara yagana wi a taa.

Ezayi 50:6

Mii n mii kàdogi kaan bele ma pe da ni mii kpúmɔn lè, n mii bɛ̀ɛ́nyi kaan bele má pe da ni mii bàʔajɔɔw kɔ́nɔgi lè. Bele pe da ni mii faari ní i tɛ́ɛri wáa mii na lè, mii ga cée mii yɛ́ɛgi na be ma í.

Ezayi 52:14

Kánmi bee na wi nyaani maa tɔ̀nɔ n fyáakpɔɔrɔ wáa syɛɛnnɛʔɛmɛ na, a wi céri kánma fàli, ti da pye àmɛɛ syɔɔn wóro nyɛ lè í, wi kánmi da pye àmɛɛ syɔɔn ye wómi nyɛ lè í.

Danyɛli 8:18

N wi yaʔa jooli na ní mii ní, a mii pǐli yiri mii ni, á mii yɛ́ɛgi kòro wojibelege ní tári na. A wi tánga mii na níì mii yìrige n yérige tɛ́ɛgi ni mii da pye lè.

Zakarii 4:1

Nyɛ̀ʔɛni tunduɔn wi da ni nyuu ní mii ní lè, a woro lúru n pan n baa mii yìrige ŋúnɔmi na àmɛɛ be nàɔn yìrigí wi ŋúnɔmi na lè.

Matye 7:8

Níì cán syɔɔn o syɔɔn wi nyɛ́ɛri lè, wi i taagi. Wee wi caa lè, wi i nyaagi. Wee wi kɔ̀rigi kólo lè, Kolocɔlɔɔ a gi múgu wi ma.

Matye 8:17

jàngó syɛ́ɛnri í foro, dee kanyaajoow Ezayi da joo lè níì jo: «Wi n wolo fɔ̀rɔyi túgoro tugo níì wolo yáami láʔa wolo na.»

Mariki 1:35

A wi sɔ̀li n yìri nyǐnjerigi na n kári fìími tára tɛ́ɛgaa ni n sa ni nyɛ́ɛri yaà.

Luki 22:44

Amɛɛ wi wɔʔɔ ni caanri fúngi ni lè, a wi ní i nyɛ́ɛri ní lòmaana ní n sɔ̀lɔ, a kakpegi wi wo fwɔɔ n baa pye mɔ a jo sìsyaan wii, ni sɔlɔ ni ŋuu tári na.]

Luki 6:12

Lǎli bee ni a Zyezu kári nyanbelegi ma sa Kolocɔlɔɔ nyɛ́ɛri, ní sáà wi nyɛ́ɛri n syɔ́ɔn yaà.

Luki 9:32

Pyɛri ní wi pínɛnyɛnbèle si maa ni ŋúnɔ gbanʔama, a ŋúnɔmi cèlege be na. A be wi nìjangbɔɔri nyaa ní wɔ́ɔ̀ nǎnbèle bee siin nyaa wi taana woyérebéle ní.

Zyan 10:4

Wi ga pe myɛ kɔ́ri n yirige n kwɔ́ɔ, wi n kíni pe yɛ́ɛgi na ni syée. Pe n taʔa wi na ni syée wi kurugo, níì cán pe n wi yákpoli cán.

Galasi ye 2:20

Mii ban wi ní i nyɛ sìi na í, kàjáa Kirisi wi nyɛ sìi na mii ni. Sìíwee si mii taa lè, mii n wi taa tágali báriga ni àmɛɛ mii tága Kolocɔlɔɔ Jáaw na lè, woro wee wi tàmaga le ní mii ní lè níì wiyɛɛ gaan mii sìndɛɛgi ni.

Efɛzi ye 5:14

Níì cán keele o keele li yiri lè gbɛ̀ɛ́nmi na, li n kàri gbɛ̀ɛnmɛ. Gee bee na gi jo: «Yìri, mɔ wi ŋúnɔ lè, mi nyán mi yiri kúbèle nínge ni, koro ga pye Kirisi a gbɛ̀ɛnmɛ yirige mɔ ma.»

Tɛ̀ɛnnɛ 14:4

Bele bee be nyɛ pe da peyɛɛ nɔ́nʔɔ ní càbala ní í, níì cán pe i nyɛ cekeele sìnján nànbēle, pe n taʔa Bàpili na ni syée ní li ní li tɛɛ̀káriyi myɛ ni. Pe n be syɔɔ n yirige syɛ́ɛnbèle nínge ni n kaan Kolocɔlɔɔ ní Bàpili ma àmɛɛ yasanzelide nyɛ lè,

Tɛ̀ɛnnɛ 3:20

Wéle, mii n yére kpaaweeli taana ní i li kólo. Wee wi ga mii yákpoli lóʔo lè níì kpaaweeli múgu, mii a jée woro ma sa lìi ní wi ní, woro si wɔ́ɔ lìi ní mii ní.

Tɛ̀ɛnnɛ 3:4

Kàjáa pèle cɛɛri i yaà mɔ ma Saridi ni, bele be lè pe ga pe búroyi nɔ́nʔɔ í. Poro a ba buroviiye le bi pínɛ da táanri ní mii ní, níì cán pe n nyɔɔ n yɛlɛ ní gee bee ní.