Ŋúnudaangi 5:10 - Cebaara Bible 2010

¹⁰ Mii nànnidaanmaw i daragi, wi i nyɛ sólosolo, wi i cángi ni wɛ̀ɛ́ selebingéle kagunɔ nínge ni.

Ŋúnudaangi 5:10 Iomraidhean Croise

Ŋúnuyi 45:17

Mɔ piibèle a pye mɔ tóobèle sìndɛʔɛ ni, mɔ a be kpéʔele fànʔafɔbiigéle tári tɛ́ɛyɛ myɛ ni.

Ŋúnuyi 45:2

Mii fúngi n nyìn syɛɛntaanri na, fwɔɔ ni ŋuu. Mii a mii ŋúnugi syɛ́ɛnrɛ joo fànʔafɔw í lóʔo! Mii nyínni i nyɛ àmɛɛ kɔvuuyo sɛ́bɛfɔlɔ sɛ́bɛkaanna nyɛ lè!

Ŋúnudaangi 2:1

Mii i nyɛ Sarɔn tɛɛfiigi fílɛɛri, ní sìnbirigi nyàáfyɛɛnrɛ ti lè jǐnlɔyi ni.

Ezayi 10:18

Ki a wi kɔ́ligi ní wi tíiri secanya sórigo kwɔ́ɔ péw, gee bee n jo céri ní pǐli. Ki a pye móō yáawee wi waʔa lè gbanʔama.

Ezayi 59:19

Pe a ra fɛ̀ɛgí Yawe mɛ́ɛgi na bi séli yaà canʔajeemɛ ma, bàā fɛ̀ɛgí wi nìjangbɔɔri na, bi láa yaà canʔafolomɔ ma. Lǎli ni kasiitun-nyɛ́nw ga pan àmɛɛ cábiga nyɛ lè, Yawe Pǐli a wi nɛnɛ tórigo.

Ezayi 66:19

Mii a fɛ̀ɛ tɛ́ʔɛ pe níngi ni, si pe wogorobèle pèle tórigo syɛɛnfeleyee ma yi lè Tarisiisi ye, ní Puli ye, ní Ludi ye, pe lè sedeŋɔɔbéle, ní Tubali ye, ní Yavan ye, n fàra lǒgi nínge táleelire woolo na, poro bele be lè pe da kɔ́ɔ̀ mii kéeli lóʔo nyáana í, pe si da kɔ́ɔ̀ mii nìjangbɔɔri nyaa í. Pe a ra mii nìjangbɔɔri kéele nyuu syɛɛnfeleyi nínge ni.

Kayaagi Nyɛnigɛ 4:7

Li naziiribèle maa ni daragi n sɔ̀lɔ lànɛɛzyiw na, n fílige n sɔ̀lɔ nɔ́nɔw na. A be céri nyɛ́nɛgɛ n sɔ̀lɔ kɔ́nɔpii-nyɛ̀ɛ́nyi na. Pe yɛɛcɔɔgèle si i nyɛ àmɛɛ safiiri nyɛ lè.

Wɔrɔmi ye 9:5

Booma tofɔlɛɛbèle wɔ́ɔ i nyɛ be wòolo, poro ni Kirisi wɔ́ɔ̀ yiri céri kàbaan na, woro wee wi lè yáriri myɛ nyúngo na ní i nyɛ Kolocɔlɔɔ, wee má dùbaw nyɛ lè làrigèle myɛ ni. Amiina!

Làlwaw Kaanziin 32:31

Níì cán pe fálagi o nyɛ àmɛɛ wolo Fálagi nyɛ lè í. Wolo nigoobèle i nyɛ gi séerabéle.

Kɔlɔsi ye 1:18

Woro wi nyɛ céri nyúngo di lè Egiliziw, ní i nyɛ sélimi, ní wɔ́ɔ̀ pye wozeliw, wee wi nyán n yiri lè kúbèle nínge ni, jàngó bi pye yáriri myɛ yɛ́ʔɛ na.

Heburubèle 2:10

Wee si wi yáriri myɛ kpéʔele lè ní wɔ́ɔ i di kɔ̀rɔsíi, àmɛɛ ki da yɛlɛ wi Zyezu sámaga foro wɔʔɔguuli báriga ni lè, koro na wi gi kpéʔele kánmi bee na koro ga pye bi pìinɛʔɛbéle taa lége nìjangbɔɔri ni, Zyezu bárigaw ni wi nyɛ lè be syɔɔli sélifɔlɔ.

Heburubèle 7:26

Sáriga-wòlobèle kàfɔlɔ bee félege mako wi da tɔ̀nɔ n pye wolo na, woro wee wi sín lè, ní i nyɛ kajoolo fun, ní wɔ́ɔ i nyɛ tɛɛlɛ fun, wi n fàli n léeli kapeebyebèle na, wi i yaà kpɔ́ɔmi tɛ́ʔɛ ni, nyɛ̀ʔɛgèle ǹjoʔo ni.

1 Samyɛli 16:12

A Izayi tun a be sáà wi yeri. Wi si maa pye nànbii-nyɛ̀ɛnnɛ, wi nyapiigèle maa nyɔɔ, a wi tɔ̀nɔ n wɔ́ɔ̀ nyɔɔ céri na. A Yawe Samyɛli pye: «Yìri mi sǐnmi wo wi na, níì cán woro wii.»