Ŋúnudaangi 5:1 - Cebaara Bible 2010

¹ Mii i jǐn mii nángwɔɔw ni, ni senyɛnjaà, ni pìcaa. Mii a cɔɔ mii míiriw, ní mii nùndaanni yárira ni, mii i mii ségbabigi líi ní mii sárigi ní, mii i mii dùvɛɛnw ní mii nɔ́nɔw gbo. Yaa líi, ni tàannyɛ̀nnɛ, yaa gbo, yaa tàmagi gbo kaa yele cáan!

Ŋúnudaangi 5:1 Iomraidhean Croise

Sélimɛ 37:25

Koro kàdoʔo ma a be tɛ́ɛn bi lìi. Ní kɔ́ɔ̀ be yɛ́ɛyi yìrige n wéle n Isimayɛli ye jàgiwáabéle kabiga nyaa gee ki da yìri Galaadi tári ma ni maa lè. Ezyipiti má pe da ni sɔ̀lɔ́ ni syée. Pe maa nùndaanna yárira tugo pe falibaayi na ni syée, ti lè aromati, ní céyaa-sǐnmi, ní míiri.

Ŋúnuyi 147:11

Bele be fɛ̀ɛgí Yawe na lè, poro kéeli li wi dɛ́nɛ, poro bele pe be sɔ̀ngumi taʔa wi funjǎngi na lè.

Ŋúnuyi 16:3

Syɛɛncanbèle be nyɛ lè tári ni, poro be nyɛ fǎngi wodelege gee gi lè mii fundaanri myɛ.

Kàseegèle 24:13

Ni pyà, da sárigi líi, níì cán ki n nyɔɔ. Ségbabiga n tɛ́nɛ mɔ nyɔ́ɔgi na.

Kàseegèle 9:5

«Yaa maa ye ba lìi mii lìíli na, yé dùvɛɛnw gbaa, wee mii nyáʔami lè.

Syɛɛnjóow 2:5

Mii n nángwɔɔbéle fála n yaʔa niyɛɛ ma n fàra tiire séye na, níì tiisanri féleye myɛ cɔ́rɔ yi ni.

Ŋúnudaangi 1:13

Mii nànnidaanmaw i nyɛ mii ma míiri pwɔ̀ɔlɔ, lee li nyɛ mii yíregèle lariga ni lè.

Ŋúnudaangi 4:16

Solomɔkulo kàbangi káfalaga, yìri ŋúnɔmi na! Wòrogulo kàbangi káfalaga, da maa! Da mii nángwɔɔw fee, koro ga pye wi nùndaanni yárira núngo í da yirigi! Mii nànnidaanmaw n yɛlɛ wi jée wi nángwɔɔw ni, wi wi nángwɔɔw yasanjanraa lìi!

Ŋúnudaangi 4:8

Da maa ní mii ní wo yìri Liban nyanbelegi ma, ni pìcaa! Da maa ní mii ní wo yìri Liban nyanbelegi ma! Da wéle, bi mɔ yaʔa Amana ǹjogi ni, ní Seniiri ní Hɛrimɔn ǹjogi ni, ní bi mɔ yaʔa càarabèle wéeye nyɔ́ɔ na, ní sèdebèle nyanbeleye na.

Ŋúnudaangi 6:11

Mii i tíri nuwa tíiri nángwɔɔ ma bi sa gòrógoroweegi yafiinvɔ́nrɔ wéle, bi gi wéle kapye ɛrɛzɛntíriri i wâburo yirigi, kapye girenadi tíiri i fyɛ́ɛnrɛ kpéʔele.

Ŋúnudaangi 6:2

Mii nànnidaanmaw n tìgi yaà wi nángwɔɔw ma, nùndaanni fílɛɛri gboolo ma, bi sa wi yaweeri kaan di lìi nángwɔɔbèle ni, si sìnbirigi nyàáfyɛɛnraa kúun.

Ŋúnudaangi 8:1

Ee! Mɔ ga maa pye mii senyɛnnɛ, wee wi ŋɔri mii nɔ́ɔw yíregéle na lè, mii ga maa mɔ fàra n nyaa kàfugi na, mii a dée mɔ wáa mígi, pe si a ra mii faari í.

Ŋúnudaangi 8:13

Mɔ wee wi nyɛ lè nángwɔɔbèle kòrofɔjaa! Tàannyɛ̀nnɛ i líiyi cáan ni mɔ yákpoli lúro. Li yaʔa mii í li lóʔo!

Ezayi 23:18

Kàjáa wi yataagi, ní wi sàranɔnʔɔw a yaʔa kɔlɔ̀ na Yawe ma, ti a kpóʔoro tiyɛɛ na í wàlá bi kɔn í. Níì cán wi yataari a pye bele wóro, bele be tɛ̀ɛ́n Yawe yɛ́ʔɛ ma lè koro ga pye pe yaliire taa bàā líi ra tíngi, sáā burojànya taagi.

Ezayi 5:1

Ki si n yɛlɛ mii í mii tàannyɛnw ŋúnugo ŋùu mii syɛɛn-nidaanmaw ma wi ɛrɛzɛn ségi kéele na. Ɛrɛzɛn séʔe n pye mii tàannyɛnw ma dǎndáma-tànʔa na.

Ezayi 51:3

Yawe i nyinimɛ taagi Siyɔn na kányɛʔɛ na, wi tɛɛ̀kalagiyi myɛ nyínimɛ i nyɛ wi na. Wi a wi fìími tára kàriga àmɛɛ Edɛn nángwɔɔw nyɛ lè, bi lɔ̀ʔɔ fun tɛ́ɛyi pye àmɛɛ Yawe nángwɔɔw nyɛ lè. Mugurumi, ní fundaanri a pye wi níngi ni, n fàra bariga kaanni ŋúnuyo, ní kpɔ̀ʔɔrɔli ŋúnuyo na.

Ezayi 53:11

Wi fúngi wɔʔɔgɔ kadoʔo ma, gee wi a nyaa lè koro a wi yɛlɛ. Mii falipyew wi sín lè, wi a syɛɛnnɛʔɛmɛ kpéʔele syɛɛnsinbéle, wi cánni báriga ni pe a taa lè, si wi nyúngi le be kolomi kèlē láara ni.

Ezayi 58:11

Yawe a pye mɔ yɛ́ɛgi na làla o làla, wi a mɔ tín lìíli na lɔ̀ʔɔ fun tári ni, si ní fànʔa le mɔ yasɛɛyi ni. Mɔ a pye àmɛɛ nángwɔɔ nyɛ, wee be fɔɔnri lè, ní àmɛɛ pùnweele nyɛ, lee lɔ̀ʔɔ gi lè ki o kwóo í.

Ezayi 61:11

Níì cán àmɛɛ tári di yafiinri fíin ni yirigi lè, ní àmɛɛ nángwɔɔ wi lùguri fíin ni yirigi lè, kánmi bee na Kàfɔw Yawe a sínni, ní sòololi fìin bi yirige tári syɛɛnfeleye myɛ nyɛ́nɛ na.

Ezayi 65:13

Gee bee na Kàfɔw Yawe n jo: «Wéle, mii falipyebèle a ra líi, kàjáa kateegi a pye yele na. Wéle, mii falipyebèle a ra gbo, kàjáa lògbaalaagi a pye yele na. Wéle, mii falipyebèle a ra fundaanra kpéʔele, kàjáa fɛ̀ɛrɛ a yele taa.

Ezayi 66:14

Yele a gee bee nyaa, yele fúnyi si pye fundaanra na, yele kacelelɛɛyi a ní báriga àmɛɛ nyàā nyɛ lè.» Yawe kɔ́gi a kiyɛɛ dɛ̀ɛn wi falipyebèle na, wi fundanʔagbɔɔri si pye wi nigoobèle na.

Matye 25:40

Kàjáa fànʔafɔw a gi joo be ma si be pye: ‹Mii a gi joo yele ma kányɛʔɛ ni, àlí wee wi cɛ́rɛ lè mii senyɛnbèle naa myɛ ni, yele ga gi kpéʔele wee bee ma, mii má yele sèʔê gi kpéʔele.›

Luki 12:4

«Ni tàannyɛ̀nnɛ, mii a gi joo yele ma, bele be céri kúu lè, pe si a ní gbǎn yafyɛn kpéʔele gee bee kàdoʔo ma í, ye a kɔ́ ra fɛ̀ɛgí bele bee na í.

Zyan 3:29

Wee má cefɔnw nyɛ lè, woro wi céw fɔ́lɔ. Kàjáa céw bee fɔ́lɔ tàannyɛnnɛ wi nyɛ wi taana lè, ní i líiyi cáan wi ma, fundaangbɔɔrɔ i nyɛ wee bee ma cefɔnw fɔ́lɔ syɛɛnjóoro báriga ni. Fundaanri bee si di nyɛ mii ni n foro.

Kapyegèle 11:29

A pìitamabèle bɛ̀ɛ gi na bi yarigaa tórigo Zyude tári senyɛnnɛgɛ ma bi gi dɛ̀ɛmɛ, syɔɔn o syɔɔn bi yɛlɛ ní wi taaganmi ní.

Efɛzi ye 5:18

Ki ga yɛlɛ yele í da dùvɛɛnw gbo waa yele yɛ́ɛyi wóo í, ncan kanɔnʔɔri i taagi wi ni. Kàjáa ki n yɛlɛ Pìicǎnni í yele fúnyi nyìn.

Tɛ̀ɛnnɛ 22:17

Pìicǎnni ní cefɔnw i gi nyuu níì jo: «Da maa!» Bele be di lúro lè, ki n yɛlɛ paa gi nyuu si jo: «Da maa!» Lògbaʔa ga wee jáa lè, ki n yɛlɛ waa maa. Wee wi ga ni sìíw lɔ́ʔɔ caa lè, wi a gi taa kawaʔa na!

Jàbɔbèle 14:11

Lǎli ni be tɛ́nɛ̀ wi nyaa lè, a be nìgorobēle toko ní kpɔrigɔ nyɛ́nɛ n wòlo poro í pye ní wi ní.

Jàbɔbèle 14:20

A be si Samisɔn céw kaan wi nìgorow ma, wee wi pye lè wi tàannyɛnnɛ.