Ŋúnudaangi 4:6 - Cebaara Bible 2010

⁶ Sáni cânnyingi káfalala í ba ra funu lè, kànyingèle si kwɔ́ɔ, mii a kári míiri nyanbelegi ma, ní nùndaanni yáriga dandamaga na.

Ŋúnudaangi 4:6 Iomraidhean Croise

Ŋúnuyi 66:15

Mii a sìnmɛ yaweere sáriga-sórigoo wòlo mɔ ma, bi fàra bàpɔbèle nùndaanna yasorigogo, ní náapegèle, ní sikepɔbèle sáriga na. Ŋɔ́ndaala

Yirile 20:24

Ki n yɛlɛ mi pooro sáriga-wòlo-yafanʔa faan mii ma, gee na mɔ a ra mɔ sáriga-sórigow ní mɔ pínɛnyɛnnɛgi sáriga wóo lè, wi lè mɔ yaweeyiligèle ní mɔ yaweekpologèle wóo. Mii ga mii mɛ́ɛgi yaʔa a gi pye tɛ́ɛgee faala na lè, mii a ra maa yaà beè mɔ ma bi ba ra dùbaw taari mɔ na.

Yirile 30:8

Aarɔn ga ni fètingèle nii cângwɔɔgi nyɔ́ɔ na lǎli ni lè, wi a wɔ́ɔ kàa sórigo. Gee bee a pye nùndaanna yáriga, gee ki a ra sóori lè làla o làla mii Yawe yɛ́ʔɛ ma, yele yìrigèle myɛ syɛ̀ɛnnɛ lala ni.

Yirile 37:29

A wi syɔɔn kalifaali sìnmɛ sámaga n fàra nùndaanni yáriga wodelege na, n yɛlɛ ní nùndaanna yáriga sámagafɔlɔ falipyeganma ní.

Ŋúnudaangi 2:17

Sáni cânnyingi káfalala i ba ra funu lè, kànyingèle si kwɔ́ɔ, lúru mi pan! Mii nànnidaanmaw, ki n yɛlɛ mi pye àmɛɛ wogaà wàlá àmɛɛ sɔ̀ɔpile nyɛ lè, nyanbe-wàliyi na.

Ŋúnudaangi 3:6

Nyàʔá gi yìri yaà gee fìími tára ma ni maa àmɛɛ wíritɔnɔyɔ nyɛ lè, ní àmɛɛ míiri nùndaanna wírile ní nùndaanna míige nyɛ lè, ní nùndaanni yáriga latikɔli féleye myɛ ní?

Ŋúnudaangi 4:14

náariw ní safiranw, ní nùndaanni nyàákanga, ní kanɛliw, ní nùndaanni yárira tíire myɛw, ní míiriw, ní alowɛsiw, ní nùndaanni làtikɔli myɛ wi pɔ́rɔ n sɔ̀lɔ lè.

Ŋúnudaangi 8:14

Da fé, mii nànnidaanmaw! Pye àmɛɛ wogaà, wàlá àmɛɛ sɔ̀ɔbēle pya nyɛ lè nùndaanni yárira nyanbeleye na!

Ezayi 2:2

Canzanyi ni, Yawe kpɔ̀ʔɔrɔli kpaʔa nyanbelege a ba pye nyanbeleyee ǹjoyo ni, ki a ba yìri bi pye dǎndamayi nyúnyo ni, syɛɛnfeleyi myɛ a kabi da syée yaà.

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Luki 1:78

Níì cán wolo Kolocɔlɔw nyínimɛ n tɔ̀nɔ n nɛʔɛ. Nyínimi bee báriga ni wi a gi yaʔa nyǐndaligi í yìri nyɛ̀ʔɛni na bi nan wolo na.

2 Pyɛri 1:19

Koro na kanyaajoobèle syɛ́ɛnrɛ di nyɛ wolo ma lè, kàa n fàra di fíligeli na, ki n yɛlɛ yele í da syɛ́ɛnri bee kɔ̀rɔsíi, ti i nyɛ mɔ a jo fètinnɛ lii, lee li nyín ni yirigi lè yébilimɛ tɛ́ʔɛ ni bi taa nyìndaliŋɔni í ba folo yele fúnyi ni, gbɛ̀ɛ́nmi si cèlege.

1 Zyan 2:8

Koro ní ki myɛ ní tundunvɔ́nrɔ mii sɛ́bɛ bi tórigo yele ma, dee di nyɛ lè kányɛʔɛ Kirisi ni, ní wɔ́ɔ i nyɛ kányɛʔɛ yele ni. Níì cán yébilimi i kwóo ni syée, á gbɛ̀ɛndelemi si i nyín ni yirigi n kwɔ́ɔ.

Tɛ̀ɛnnɛ 22:16

Mii Zyezu wi mii nyɛ̀ʔɛni tunduɔn tun jàngó wi sa kérigèle bee séera joo Egilizibèle ma. Mii wi nyɛ Davidi nǐnri, ní wi yòdaʔagi, mii wi nyɛ Nyǐndaliŋɔni, lee li nyín lè gbanʔama.»

Tɛ̀ɛnnɛ 5:8

Lǎli ni Bàpili sɛ́bɛw syɔɔ lè, a sìi yáriyi sicɛrɛ ní wolɛɛbèle toko ní sicɛrɛ fala n too n pe yɛ́ɛyi cíbele li yɛʔɛ̀ ma, kɔ̀ríbéle maa pye pe myɛ nibin nibin ma n fàra tɛɛ̀ yalegéle na, ke maa nyìn nùndaanna míimɛ na bi lè Kolocɔlɔɔ syɛɛncanbèle nyɛ́ɛriyɛ.