Ŋúnudaangi 4:3 - Cebaara Bible 2010

³ Mɔ nyɔɔwari i nyɛ àmɛɛ mɛɛnnyɛɛnnɛ nyɛ lè, mɔ nyɔ́ɔgi syɛ́ɛnrɛ n tɛ́nɛ, mɔ bɛɛnyi si i nyɛ àmɛɛ girenadi tílaga nyɛ lè, mɔ nyundɔn-fàniw láara ni.

Ŋúnudaangi 4:3 Iomraidhean Croise

Sélimɛ 32:10

A Zyakɔbi jo: «Ee, Kolocɔlɔɔ, mɔ wi lè mii tóolɛɛgi Abirahami ní mii tóow Izaaki Kolocɔlɔw. Ee, Yawe, mɔ wee wi gi joo mii ma lè níì jo: ‹Lúru maa syée mɔ tári ma mɔ senyɛnbèle kurugo, mii a kacànna kpéʔele mɔ na.›

Ɛsidirasi 9:6

níì jo: «Mii Kolocɔlɔw, mii n curugo, fɛ̀ɛrɛ n mii taa, bi mii yɛ́ɛgi yìrige bi mɔ wéle, ee mii Kolocɔlɔw. Níì cán wolo kolomi kèlē n nɛʔɛ fwɔɔ n wolo tɔ́n, a wolo kakolobyeri taani tiyɛɛ na fwɔɔ n sáà nan nyɛ̀ʔɛni na.

Ŋúnuyi 119:13

Mii nyɔɔwari i mɔ nyɔ́ɔgi kajoogéle myɛ fíligi ni nyuu.

Ŋúnuyi 37:30

Syɛɛnsinw nyɔ́ɔ i nyuu ní sícilimɛ ní, wi nyínni i sínni kéele nyuu.

Ŋúnuyi 45:2

Mii fúngi n nyìn syɛɛntaanri na, fwɔɔ ni ŋuu. Mii a mii ŋúnugi syɛ́ɛnrɛ joo fànʔafɔw í lóʔo! Mii nyínni i nyɛ àmɛɛ kɔvuuyo sɛ́bɛfɔlɔ sɛ́bɛkaanna nyɛ lè!

Kàseegèle 10:13

Wee wi keele cán lè sícilimi i nyɛ wi nyɔɔwari na, kàjáa sàbinni i nyɛ nilabalaw kàdoʔo wólo.

Kàseegèle 31:26

Wi i nyɔ́ɔgi múru ní sícilimɛ ní, tamajanna si i nyɛ wi nyínni na.

Ŋúnudaangi 1:5

Zyerusalɛmi calipiigèle, mii céri n wɔ́ɔ kàjáa mii si n sèʔê nyɔɔ, mii i nyɛ àmɛɛ Kedaari fànikpaayi nyɛ lè, àmɛɛ Salomɔn kpáagi fàniya nyɛ lè.

Ŋúnudaangi 4:11

Mɔ nyɔɔwari i sárigi sɔlɔ, ni pìcaa. Sárigā ní nɔ́nɔ i nyɛ mɔ nyínni láara ni, mɔ búroyi nùndanna si i nyɛ àmɛɛ Liban nùndaanni nyɛ lè.

Ŋúnudaangi 5:13

Wi bɛ̀ɛ́nyi i nyɛ àmɛɛ nùndaanna fílɛɛri gboolo nyɛ lè, nùndaanna nyàányunyo. Wi nyɔɔwari i nyɛ àmɛɛ sìnbirigi nyàáfyɛɛnrɛ nyɛ lè, beè míiriw ŋuu ni caragi lè.

Ŋúnudaangi 5:16

Wi nyɔ́ɔgi syɛ́ɛnrɛ i nyɛ tàanma yagana, wi kánmi myɛ tɔ̀nɔ́ i nyɛ syɔɔn yanidaanmaga. Kánmi bee na mii nànnidaanmaw nyɛ, kánmi bee na mii tànnyɛnw nyɛ, Zyerusalɛmi calipiigèle!

Ŋúnudaangi 6:7

Mɔ bɛɛnyi i nyɛ àmɛɛ girenadi tílaga nyɛ lè, mɔ nyundɔn-fàniw láara ni.

Ŋúnudaangi 7:9

Mii n jo: «Fwɔɔ mii í lúgu sɛʔɛtiigi ni, mii a gi yasanyi cò.» Mɔ yíregèle n yɛlɛ ge pye àmɛɛ ɛrɛzɛn jɔnjɔnyɔ nyɛ lè, Mɔ ŋɔ́ngari nùndaanna si pye àmɛɛ pɔ́mi wólo nyɛ lè,

Ezekyɛli 16:63

koro ga pye mɔ í sɔ̀ngí taa gee na gi sɔ̀lɔ lè, fɛ̀ɛrɛ si mɔ taa. Koro ga pye mɔ a ní kɔ́ nyɔɔ múgu í, mɔ fɛɛri kéele na, lǎli ni mii ga mɔ kapeegèle kùsulugo fáli kpéʔele lè kérigèle myɛ kéele na mɔ kpéʔele lè,› » Kàfɔw Yawe wi jo nya.

Levii ye sáriga-wòlori 14:4

sáriga-wòlow a gi joo gbàn si be pye be pan ní féjɛɛnweegèlē siin ní, ge pye wojangéle ní, wee kéele na pe a jée mùnu lè. Pé wɔ́ɔ pan ní sɛdiri tíige, ní fàninyɛɛn-tèleo, ní hizɔpi wára ní.

Levii ye sáriga-wòlori 14:6

Sáriga-wòlow si féjɛɛnweeli láa, bi fàra sɛdiri tíigi, ní fàninyɛɛn-tèlew, ní hizɔpi wári na, bi dee bee le féjɛɛnlee sìsyaan ni, lee be kɔni lè pùnweeli lɔ̀ʔɔ ǹjoʔo ni.

Córolo 19:6

Sáriga-wòlow a sɛdiri tiicerige, ní hizɔpi wára, ní yanyɛɛngi láa bi wáa naanyǐngi nínge ni, gee ni nɔ̀ɔ́w sóori lè.

Córolo 4:8

Pe a fàninyɛɛn-tèleo taʔa yáriri bee na, si di tɔ́n ní dofɛn sáliga ní, si tàbaliw láala tíingéle le wi na.

Matye 12:35

Syɛɛncaɔn i yacanri yirigi wi lɔjanri ni, dee wi kɔn lè. Syɛɛnpeeo si i yapeeri yirigi wi lɔbeeri ni, dee wi kɔn lè.

Luki 4:22

A pe myɛ i wi séeraw kpéʔele ní i káama syɛɛntaanri na di yiri lè wi nyɔ́ɔgi ni. A be i gi nyuu níì jo: «Wee naa ban wi nyɛ Zyozɛfu jáaw ì?»

Efɛzi ye 4:29

Ki ga yɛlɛ syɛɛnpeeraa faala í kɔ́ yiri yele wàa nyɔ́ɔ ni í, fwɔɔ syɛɛntaanra, dee ti a gbǎn ti lóʔofɔbèle kɛɛlɛ lè, sáā kàa fàrá be na tágali kólogo ni bi yɛlɛ ní be màkonyɔɔri ní.

Kɔlɔsi ye 4:6

Ye yele nyɔɔsyɛɛnri myɛ yaʔa taa syɛ́ɛnbèle dɛ̀ɛmɛ́ làla o làla, ti pye ní solomɔ ní, koro ga pye yele í gi cán kánmee na gi yɛlɛ yele í da syɛɛnlurugori kaangi syɛ́ɛnbèle myɛ ma lè.

Heburubèle 9:19

Koro na Mowizi da kajoodɛɛngèle myɛ joo syɛ́ɛnbèle myɛ ma gbɛnʔɛnɛ n yɛlɛ ní wi làlwaw sɛ́bɛ ní, níì fala n náapiiyi ní sikepɔbèle sìsyaan láa ní lɔ̀ʔɔ ní n fàra bàsiinyɛɛnrɛ na, ní hizɔpi tíige wára ní, n sɛ́bɛw tiimaa, ní syɛ́ɛnbèle myɛ nyari nyari,

Zyozuwe 2:18

lǎli ni wolo ga baa jée tári ni lè, mi mɛɛnnyɛɛnni naa pwɔɔ fɛ̀nɛtiriw na, wee ni mɔ wolo yirige n tìrige lè. Mí mɔ tóow ní mɔ nɔ́ɔw kɔ́ri mi lége ní miyɛɛ ní kpáagi ni n fàra mɔ senyɛnbèle na be lè nǎnbèle, ní cébèle, ní mɔ kpaʔa wóbèle myɛ ní.