Ŋúnudaangi 4:16 - Cebaara Bible 2010

¹⁶ Solomɔkulo kàbangi káfalaga, yìri ŋúnɔmi na! Wòrogulo kàbangi káfalaga, da maa! Da mii nángwɔɔw fee, koro ga pye wi nùndaanni yárira núngo í da yirigi! Mii nànnidaanmaw n yɛlɛ wi jée wi nángwɔɔw ni, wi wi nángwɔɔw yasanjanraa lìi!

Ŋúnudaangi 4:16 Iomraidhean Croise

Syɛɛnjóow 1:6

Káfalagi i funu ni syée wòrogulo kàbangi na, ni kàragí solomɔkulo kàbangi na. Káfalagi i kàragí ni máari ni gi kóloyi wonijanya lée.

Syɛɛnjóow 2:5

Mii n nángwɔɔbéle fála n yaʔa niyɛɛ ma n fàra tiire séye na, níì tiisanri féleye myɛ cɔ́rɔ yi ni.

Ŋúnudaangi 1:13

Mii nànnidaanmaw i nyɛ mii ma míiri pwɔ̀ɔlɔ, lee li nyɛ mii yíregèle lariga ni lè.

Ŋúnudaangi 1:4

Da mii kíle maa syée miyɛɛ kurugo! Waa fé! Fànʔafɔw n mii lége wi kpaafunyi ni. Wolo a ra muguri sáā fundaanra kpéʔele mɔ bárigaw ni. Wolo a ra mɔ tamagi kéele kpɔ́ʔɔgi bi sɔ̀lɔ dùvɛɛnw na. Tànʔa i be ma àmɛɛ mɔ kéeli be dɛ́nɛ lè.

Ŋúnudaangi 2:3

Amɛɛ pɔ́mi tíige nyɛ lè kɔligɔ tíire nínge ni, ànbée mii nànnidaanmaw nyɛ nìgɔcaribèle nínge ni. Ki láagi i nyɛ mii na bi tɛ́ɛn wi nyínmi ni, wi yasangi n tɛ́nɛ mii nyɔ́ɔgi na.

Ŋúnudaangi 2:8

Mii nànnidaanmaw yákpolo lii! Wi wéle wee, wi i maa, wi i yegi nyanbeleyi na ni maa, ni yegi ni yìrigí dǎndamayi na ni maa.

Ŋúnudaangi 5:1

Mii i jǐn mii nángwɔɔw ni, ni senyɛnjaà, ni pìcaa. Mii a cɔɔ mii míiriw, ní mii nùndaanni yárira ni, mii i mii ségbabigi líi ní mii sárigi ní, mii i mii dùvɛɛnw ní mii nɔ́nɔw gbo. Yaa líi, ni tàannyɛ̀nnɛ, yaa gbo, yaa tàmagi gbo kaa yele cáan!

Ŋúnudaangi 6:2

Mii nànnidaanmaw n tìgi yaà wi nángwɔɔw ma, nùndaanni fílɛɛri gboolo ma, bi sa wi yaweeri kaan di lìi nángwɔɔbèle ni, si sìnbirigi nyàáfyɛɛnraa kúun.

Ŋúnudaangi 8:12

Mii ɛrɛzɛn ségi gi nyɛ lè mii wóʔo, mii nyɛ́nɛ i nyɛ gi na. Wálifiiw saala kagunɔ i nyɛ mɔ wóo Salomɔn, sirakele si a pye wee bee ni yasanri kpaàwelebéle wóo!

Ezayi 64:1

Mɔ ga maa tìgi naa n pye àmɛɛ kàjewaara náa nyín lè, ní àmɛɛ naà lɔ̀ʔɔ kaan ki i kángi lè, mɔ nigoobèle a dée mɔ mɛ́ɛgi cán, syɛɛnfeleyi a dée ra cɛ̀lɛ́ mɔ yɛ́ʔɛ ma.

Ezekyɛli 37:9

A wi mii pye: «Kérigèle nyaa mi joo mí joo pǐli ma, kérigèle nyaa mi joo syɔɔn-pya! Mɔ a gi joo pǐli ma si jo: ‹Kàfɔw Yawe wi syɛ́ɛnri naa joo níì jo: Pìle, yìri káfalagi kàbanya sicɛrɛ ma mi pan, ŋɔ́n mi wáa kúbèle naa na, pe ní pye sìi na.› »

Matye 26:10

Amɛɛ Zyezu gi cán lè, a wi be pye: «Nyàʔá na yele wári nya céw na?

Matye 26:12

Wi n nùndaanni naa sìnmɛ wo mii céri na mii kùúw yɛ́ʔɛ na.

Zyan 3:8

Káfalagi i funu ni syée tɛ́ɛgee ga gi dɛ́nɛ lè, mɔ n ni gi funumi lúro. Kàjáa mɔ a gi tɛɛyìrige cán í, mɔ a wɔ́ɔ gi tɛɛ̀káriga cán í. Anbée si gi wɔ́ɔ̄ nyɛ syɔɔn ma, wee Pìicǎnni see lè.»

Zyan 5:8

A Zyezu wi pye: «Yìri mi mɔ yasinɛgi láa maa syée.»

Kapyegèle 4:31

A pe ga nyɛ́ɛri n kwɔ́ɔ, tɛ́ɛgee ni pe da peyɛɛ gbóʔoro lè, a tɛ́ɛgi bee cúngo. A pe myɛ fúnyo nyìn Pìicǎnni na, a be fala ni Kolocɔlɔɔ syɛ́ɛnri nyuu ní nànzorodo ní.

Wɔrɔmi ye 15:16

níì jo mii í pye Kirisi Zyezu falipyeo syɛɛnfeleyi ma. Mii i nyɛ àmɛɛ sáriga-wòloo nyɛ lè ni Kolocɔlɔɔ Syɛɛnjóocǎnri fáli kpéʔele, koro ga pye mii í syɛɛnfeleyi kaan Kolocɔlɔɔ ma sáriga, wee wi Kolocɔlɔɔ dɛ́nɛ lè, àmɛɛ Pìicǎnni a yi jée mùnu bi yaʔa wi ma lè.

Wɔrɔmi ye 15:28

Mii ga kpɔ́ʔɔri bee fáli kpéʔele n di le be kɔ́yi ni n kwɔ́ɔ lǎli ni lè, mii a sɔ̀lɔ yaà yele ma si náa kári Ɛsipanyi ma.

1 Pyɛri 2:5

yele tiimaa si wɔ́ɔ i nyɛ mɔ a jo kàdɛnɛweeye yii, ye gi yaʔa waa yele téeri waa Pìicǎnni kpaʔa faanri, gee ni yele a pye lè sáriga-wòlocànbēle kabigaa bàā sárigaw wóo pǐli kàbaan na, sárigawee wi Kolocɔlɔɔ dɛ́nɛ lè, Zyezu Kirisi bárigaw ni.

2 Pyɛri 3:18

Kàjáa ki n yɛlɛ ye gi yaʔa kàa í da taari yele na kpɔ́ʔɔri ni, ní Zyezu Kirisi cánni ni, wi lè wolo Kàfɔw ní wolo Syɔɔfɔw. Woro na nìjangbɔɔri yɛlɛ tɔ́ɔliw ni, ní làrigèle myɛ ni bi taa kwɔ́ɔmɔ fun cángi í ba nan!