Ŋúnudaangi 4:12 - Cebaara Bible 2010

¹² Mɔ i nyɛ nángwɔɔ, wee be sùlu lè, ni senyɛnjaà, ní ni pìcaa, ní pùnweele, lee be sùlu lè, ní púloweele, lee na be fɛ̀ɛ taʔa lè.

Ŋúnudaangi 4:12 Iomraidhean Croise

Sélimɛ 29:3

Yaweeri myɛ ga tiyɛɛ gbóʔoro yaà lǎli ni lè, pe n náà kàdɛnɛgi kòlogo n láʔa kɔ̀lɔ́w na, si yaweeri kaan ti n gbaa. Koro kàdoʔo ma pe n níì kàdɛnɛgi lúrugo n tɔ́n kɔ̀lɔ́w nyɔ́ɔ na.

Ŋúnudaangi 4:9

Mɔ i mii fúngi yirigi mii ni, ni senyɛnjaà, ni pìcaa, mɔ wéleli nibin i mii fúngi yirigi mii ni, ní mɔ kɔ́nɔtiriyi yatolo nibin wɔ́ɔgēle.

Ŋúnudaangi 6:11

Mii i tíri nuwa tíiri nángwɔɔ ma bi sa gòrógoroweegi yafiinvɔ́nrɔ wéle, bi gi wéle kapye ɛrɛzɛntíriri i wâburo yirigi, kapye girenadi tíiri i fyɛ́ɛnrɛ kpéʔele.

Ŋúnudaangi 6:2

Mii nànnidaanmaw n tìgi yaà wi nángwɔɔw ma, nùndaanni fílɛɛri gboolo ma, bi sa wi yaweeri kaan di lìi nángwɔɔbèle ni, si sìnbirigi nyàáfyɛɛnraa kúun.

Ezayi 58:11

Yawe a pye mɔ yɛ́ɛgi na làla o làla, wi a mɔ tín lìíli na lɔ̀ʔɔ fun tári ni, si ní fànʔa le mɔ yasɛɛyi ni. Mɔ a pye àmɛɛ nángwɔɔ nyɛ, wee be fɔɔnri lè, ní àmɛɛ pùnweele nyɛ, lee lɔ̀ʔɔ gi lè ki o kwóo í.

Zyeremii 31:12

Pe a pan si ba ra fundaanra yákpogéle wáa Siyɔn ǹjoʔo ma tɛ́ɛgi ni. Pe a kabi fala Yawe yacanri ma, ti lè bilew, ní dùvɛɛnfɔnw, ní sǐnmi, ní yaweeyiligèle, ní yaweekpologèle. Pe fúnyi a pye àmɛɛ nángwɔɔ nyɛ, wee be fɔɔn lè, pe a ní fàngwɔɔrɔ cán í.

Oze sɛ́bɛw 6:3

Wo wi cán, wo kanmaa caa wo Yawe cán. Amɛɛ nyǐnjerigi panna nyɛ lè kakabalaga fun ni, ànbée wi panni wɔ́ɔ i nyɛ. Wi a pan wolo ma àmɛɛ zàʔá nyɛ lè, àmɛɛ nyìnbegéle nyɔ́ɔ zàʔá nyɛ, gee gi tári fɔɔnri lè.»

1 Korɛnti ye 6:13

Yaliiri i nyɛ fícɛnni wóro, fícɛnni si wɔ́ɔ i nyɛ yaliiri wólo, koro i nyɛ kányɛʔɛ, kàjáa Kolocɔlɔɔ a ba ti myɛ siinw kwɔ́ɔ. Céri si ga kpéʔele kanɔnʔɔri kéele na í. Ti n kpéʔele Kàfɔw kéele na, Kàfɔw si wɔ́ɔ i nyɛ céri kéele na.

1 Korɛnti ye 7:34

A gee bee wi fúngi pye funyo siin. Nàɔn-fùnvɔlɔ koro ga jáa pìcaa, wee wi lè wi ga kɔ́ɔ̀ nàngeele cán í, wee bee i sɔ̀ngí Kàfɔw kèlē na, koro ga pye woro í sín ní woro céri, ní woro pǐli myɛ ní. Wee si wi cèpɔrigi kpéʔele lè, wee bee i sɔ̀ngí dulunyanw kèlē na, koro ga pye woro kéeli í woro nǎnw dɛ́nɛ.

2 Korɛnti ye 1:22

Woro wi wɔ́ɔ̀ wi fɛ̀ɛ́w taʔa wolo na, àmɛɛ wi Pìicǎnni kaan wolo ma lè li pye wolo fúnyi ni, loro li nyɛ yaseligi wozanri yɛ́ʔɛ na.

Efɛzi ye 1:13

Kánmi bee na yele wɔ́ɔ baa yele sɔ̀ngumi taʔa wi na àmɛɛ yele kányɛɛgi syɛ́ɛnrɛ lóʔo lè, ti lè yele syɔɔli syɛɛnjóocànra, lǎli ni yele tága lè wi na, a Kolocɔlɔɔ wi fɛ̀ɛ́w taʔa yele na, fɛ̀ɛ́w bee wi nyɛ Pìicǎnni, lee nyɔɔfaliga Kolocɔlɔɔ da kpéʔele lè níì jo woro a li kaan,

Efɛzi ye 4:30

Ki ga yɛlɛ yele wàa í kɔ́ Kolocɔlɔɔ Pìicǎnni kanibɛɛnnɛ kpéʔele í, níì cán loro li nyɛ Kolocɔlɔɔ fɛ̀ɛ́w, wee wi taʔa yele na lè bi taa syɔɔli canʔa í ba nan.

Tɛ̀ɛnnɛ 21:27

Yanɔnʔɔgaa faala si a gbǎn jée yaà gi ni nyáana í, bele be Kolocɔlɔɔ kanibɛɛngèle kpéʔele lè, wàlá bele be finɛ lè, bele bee wàa faala a tée jée yaà gi ni í, kawolo bele mɛ́ɛyɛ yi sɛ́bɛ lè Bàpili sìi sɛ́bɛ ni.

Tɛ̀ɛnnɛ 7:3

A wi be pye: «Ki ga yɛlɛ yele í tári, wàlá sólomi lɔ̀ʔɔ, wàlá tíiri kálagi í, bi taa wolo í fɛ̀ɛ kpúmɔn wolo Kolocɔlɔw púlobéle gbáagéle na.»