Ŋúnudaangi 4:10 - Cebaara Bible 2010

¹⁰ Mɔ tamagi n tɔ̀nɔ n tɛ́nɛ, ni senyɛnjaà, ní ni pìcaa! Mɔ tamagi n tɛ́nɛ n sɔ̀lɔ dùvɛɛn na, mɔ nundaanni sìnmɛ núngo n tɛ́nɛ n sɔ̀lɔ nùndaanni yárira myɛ wóʔo na!

Ŋúnudaangi 4:10 Iomraidhean Croise

Ŋúnudaangi 1:12

N fànʔafɔw yaʔa wi lìigbɔɔli na, náariw làtikɔli wi pye mii na lè wi nùndaanni maa ni yirigi.

Ŋúnudaangi 3:6

Nyàʔá gi yìri yaà gee fìími tára ma ni maa àmɛɛ wíritɔnɔyɔ nyɛ lè, ní àmɛɛ míiri nùndaanna wírile ní nùndaanna míige nyɛ lè, ní nùndaanni yáriga latikɔli féleye myɛ ní?

Ŋúnudaangi 4:9

Mɔ i mii fúngi yirigi mii ni, ni senyɛnjaà, ni pìcaa, mɔ wéleli nibin i mii fúngi yirigi mii ni, ní mɔ kɔ́nɔtiriyi yatolo nibin wɔ́ɔgēle.

Ŋúnudaangi 5:5

A mii yìri bi kɔ̀rigi múgu mii nànnidaanmaw ma. Mii kɔ́yi si maa ni míiriw ŋuu, mii kabegèle maa ni míiriw sɔlɔ ni cáan gbóʔorogi yacogo na.

Ŋúnudaangi 7:6

Mɔ nyúngi i nyɛ cáw àmɛɛ Karimɛli nyanbelegi nyɛ lè. Mɔ nyundiingi téegéle i nyɛ àmɛɛ fàninyɛɛɔn nyɛ lè, ke nyɛ́ʔɛni i fànʔafɔlɔ có.

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Filipikaʔa ye 4:18

Mii si n yáriri myɛ taa, a di nɛʔɛ naa mii ma n sɔ̀lɔ. Yáriree yele da kaan Epafuroditi ma níì jo wi ba di kaan mii ma lè, mii n di taa, yáriri bee n mii tín, ti i nyɛ nùndaanna yárira, ní i nyɛ sárigacàɔn, wee wi Kolocɔlɔɔ dɛ́nɛ lè.

Tɛ̀ɛnnɛ 5:8

Lǎli ni Bàpili sɛ́bɛw syɔɔ lè, a sìi yáriyi sicɛrɛ ní wolɛɛbèle toko ní sicɛrɛ fala n too n pe yɛ́ɛyi cíbele li yɛʔɛ̀ ma, kɔ̀ríbéle maa pye pe myɛ nibin nibin ma n fàra tɛɛ̀ yalegéle na, ke maa nyìn nùndaanna míimɛ na bi lè Kolocɔlɔɔ syɛɛncanbèle nyɛ́ɛriyɛ.