Ŋúnudaangi 3:2 - Cebaara Bible 2010

² Koro na mii a yìri, mii a kěgi nyaari foro, kàlari-kóloyi, ní kadàlayi na. Wee kéele li mii dɛ́nɛ mii fúngi ni lè, mii a wi caa. Mii n wi caa, kàjáa mii ga wi caa n nyaa í.

Ŋúnudaangi 3:2 Iomraidhean Croise

Kàseegèle 8:34

Syɔ́ɔnwee wi ga ni lúro mii ma lè, ní i kòró nyɛ̀nɛ na mii kpaaweeli na canʔa o canʔa, ní i mii kpàánweegèle kɔ̀riyɔ kpáa wéle, wi i nyɛ dùba pyà.

Ŋúnudaangi 1:7

Mɔ wee kéele li mii dɛ́nɛ mii fúngi ni lè, tɛ́ɛgee ni mɔ mɔ yaweeri nàʔá lè, tɛ́ɛgee ni mɔ di yaari ti i ŋɔ́ngi ni daagi cânvulɛɛli làla ni lè, gi tɛ̀ɛn mii na jàngó mii a kɔ́ pye ninyaari-mí-màʔaga mɔ pínɛnyɛnbèle yaweere kurugo í.

Ŋúnudaangi 3:3

Kpaàwelebèle n mii fàra n nyaa, poro bele be kěgi nyaari ni máari lè, a mii jo: «Wee kéele li mii dɛ́nɛ mii fúngi ni lè a yele wi nyaa lé?»

Ŋúnudaangi 5:5

A mii yìri bi kɔ̀rigi múgu mii nànnidaanmaw ma. Mii kɔ́yi si maa ni míiriw ŋuu, mii kabegèle maa ni míiriw sɔlɔ ni cáan gbóʔorogi yacogo na.

Ezayi 64:7

Koro ní ki myɛ ní, Yawe mɔ wi nyɛ wolo Tóow. Wolo wo nyɛ cóori, mɔ si i nyɛ wolo cóofaanw, wolo myɛ i nyɛ mɔ kɔ́yi fáli.

Zyeremii 5:1

«Ye fàn ye màʔa Zyerusalɛmi kàlari-kóloyi ni ye gi wéle, ye yíbege kpéʔele, ye caa ye wéle kadàlayi na, kapye nàɔn nibin i yaà yi ni, kapye wàa nibin i yaà, wee wi kasinnɛ kpéʔele lè, wee wi kányɛɛgi caa lè, mii a Zyerusalɛmi kùsulugi syɔɔ.

Zyan 1:6

Nànwaa maa pye yaà wee Kolocɔlɔɔ da tun lè pe i wi yiri Zyan.

Wɔrɔmi ye 13:11

Bi ní tàa fàra dee naa na, yele n lǎli naa cán, lee ni wo nyɛ lè, lǎli n nan yele í yìri nya ŋúnɔmi na, níì cán lǎlee ni wolo da sélì tága lè, syɔɔli n nùuni wolo na tɔ́ɔliw ni n sɔ̀lɔ lǎli bee na.

1 Korɛnti ye 15:34

Ye fundeleye le yeyɛɛ ni, yáā kasingéle kpéʔele, yé láʔa kapeegèle na. Níì cán pèle i yaà pe ga Kolocɔlɔɔ cán í, mii n koro joo bi fɛ̀ɛrɛ wáa yele na.

Efɛzi ye 5:14

Níì cán keele o keele li yiri lè gbɛ̀ɛ́nmi na, li n kàri gbɛ̀ɛnmɛ. Gee bee na gi jo: «Yìri, mɔ wi ŋúnɔ lè, mi nyán mi yiri kúbèle nínge ni, koro ga pye Kirisi a gbɛ̀ɛnmɛ yirige mɔ ma.»