Ŋúnudaangi 3:1 - Cebaara Bible 2010

¹ N mii yaʔa mii yasinɛgi na yébiligi làla ni, wee kéele li mii dɛ́nɛ mii fúngi ni lè, a mii wi caa, mii n wi caa, mii si ga wi caa n nyaa í.

Ŋúnudaangi 3:1 Iomraidhean Croise

Ŋúnuyi 22:2

Mii Kolocɔlɔw, mii Kolocɔlɔw, nyàʔá na mɔ mii yaʔa? Nyàʔá na mɔ láʔa mii na, mɔ ga mii dɛ̀ɛmɛ í, mɔ ga mii cɛ́ɛnmi lóʔo í?

Ŋúnuyi 4:4

Ki n yɛlɛ ye gi cán Yawe n tágala syɔ́ɔn nyɛ́nɛ n wòlo n yaʔa wiyɛɛ ma. Mii ga yákpoli wáa Yawe kurugo lǎli ni lè, wi n lóʔo mii ma.

Ŋúnuyi 6:6

Níì cán syɔɔn ga kùu n kwɔ́ɔ, wi a ní sɔ̀ngi mɔ kéeli na í. Wìí wi a ní gbǎn ra mɔ mɛ́ɛgi kpɔ̀ʔɔrɔ́ kúbèle tɛɛkòrogo ni?

Ŋúnudaangi 1:7

Mɔ wee kéele li mii dɛ́nɛ mii fúngi ni lè, tɛ́ɛgee ni mɔ mɔ yaweeri nàʔá lè, tɛ́ɛgee ni mɔ di yaari ti i ŋɔ́ngi ni daagi cânvulɛɛli làla ni lè, gi tɛ̀ɛn mii na jàngó mii a kɔ́ pye ninyaari-mí-màʔaga mɔ pínɛnyɛnbèle yaweere kurugo í.

Ŋúnudaangi 5:6

A mii kɔ̀rigi múgu mii nànnidaanmaw ma. Kàjáa mii nànnidaanmaw maa kàdoʔo kaan, wi maa sɔ̀lɔ n fala. Wi syɛ́ɛnri maa ni mii pǐli yirigi mii ni. A mii wi caa, mii si ga wi nyaa í. A mii wi yeri, wi ga syɔɔ mii ma í.

Ŋúnudaangi 5:8

Zyerusalɛmi calipiigèle, mii i yele nyɛ́ɛri gbanʔama, yele ga mii nànnidaanmaw fàra n nyaa, nyàʔá yele a joo wi ma? Ki n yɛlɛ ye wi pye tàmagi n yaama cáan mii na.

Ezayi 26:9

Mii fúngi tɔ̀nɔ́ i mɔ kéeli sɔ̀ngí yébiligi làla ni, mii pǐli li wɔ́ɔ̄ nyɛ mii ni lè, li tɔ̀nɔ́ i mɔ caa, lǎli ni mɔ ga mɔ kútiiw kèlē tɛ̀ɛn tári na lè, dulunyanw syɛ̀ɛnnɛ n ni mɔ sínni tama.

Ezayi 55:6

Yaa Yawe caa wi làrinyaani ni, yaa wi mɛ́ɛgi yeri lǎli ni wi nyɛ lè tɔ́ɔnrɔ.

Luki 13:24

«Mii a gi joo yele ma ki n yɛlɛ ye ŋàʔana kányɛʔɛ ni ye jée tɛɛ̀jeepili ni. Níì cán syɛ̀ɛnnɛ saʔa a ba ra kanmaa caa si jo poro a jée, pe fanʔa si a taa í.

Zyan 11:29

Lǎli ni Marii gee bee lóʔo lè, a wi fala n yìri funvuugo na ni syée yaà Zyezu ma.

Zyan 21:17

A wi níì wi yíbe tɔdaanri wógi na níì jo: «Siimɔn, mɔ wi lè Zyan jáaw, a mii kéeli mɔ dɛ́nɛ lé?» A gi pye Pyɛri ma funbɛɛnrɛ àmɛɛ Zyezu wi yíbe lè tɔdaanri wógi na níì jo: «A mii kéeli mɔ dɛ́nɛ lé?» A wi Zyezu yari: «Kàfɔw, mɔ n kérigèle myɛ cán. Mɔ n gi cán ncan mɔ kéeli n mii dɛ́nɛ.» A Zyezu wi pye: «Maa mii bǎbèle kaangi paa líi.

1 Pyɛri 1:8

Yele ga kɔ́ɔ̀ wi nyaa í, ní si tàmaga le ní wi ní. Yele o wi nyaagi tɔ́ɔliw ni í, kàjáa àmɛɛ yele tága lè wi na, a yele i muguri fundaangbɔɔri báriga ni, dee di nyɛ lè nìjanra wóro, syɔɔn si a wɔ́ɔ gbǎn di kacánmi joo tɛ̀ɛn bi kwɔ́ɔ í,