Ŋúnudaangi 2:9 - Cebaara Bible 2010

⁹ Mii nànnidaanmaw i nyɛ àmɛɛ wogaà nyɛ lè, wàlá àmɛɛ sɔ̀ɔ pyà nyɛ lè. Wi wéle wee woyéreo ní wolo gúngi kàdoʔo ma, wi i wéle fɛ̀nɛtiriw na, wi nyapiigèle i nyín cɔ̀ɔ́w na.

Ŋúnudaangi 2:9 Iomraidhean Croise

2 Samyɛli 2:18

Seruya jáabèle taanri si maa pye yaà, pe lè Zyowabi, ní Abisyayi, ní Azayɛli. Azayɛli si maa cólogo àmɛɛ wogaà nyɛ lè.

Kàseegèle 5:19

Sɔ̀ɔ nidaanmaɔ, wogaà, wee wi nyìn kpɔʔɔrɔ na lè, wi yíregèle n yɛlɛ bi mɔ yɛlɛ làrigèle myɛ ni. Wi tàmagi í da fundaanra kaangi mɔ ma làrigèle myɛ ni.

Kàseegèle 6:5

Miyɛɛ zyɔɔ àmɛɛ wogaà syoo tòzoo ma lè, ní àmɛɛ féjɛɛnnɛ syoo parà levɔlɔ ma lè.

Kàseegèle 7:6

Mii pye mii kpáagi fɛ̀nɛtiri na lè, a mii kòro yaà ǹjogi ni ní i wéle wi yapalari ni,

Ŋúnudaangi 1:16

Mɔ n tɔ̀nɔ n nyɔɔ, mii nànnidaanmaw, mɔ kéeli n tɔ̀nɔ n syɔɔn dɛ́nɛ! Wolo yasinɛgi i nyɛ nyàápungo.

Ŋúnudaangi 2:17

Sáni cânnyingi káfalala i ba ra funu lè, kànyingèle si kwɔ́ɔ, lúru mi pan! Mii nànnidaanmaw, ki n yɛlɛ mi pye àmɛɛ wogaà wàlá àmɛɛ sɔ̀ɔpile nyɛ lè, nyanbe-wàliyi na.

Ŋúnudaangi 2:7

Zyerusalɛmi calipiigèle, mii i yele nyɛ́ɛri gbanʔama wogebèle ní sìnbirigi sɔ̀ɔbēle báriga ni, yele a kɔ́ gi yìrige í, yele a kɔ́ tàmagi yìrige ŋúnɔmi na í, bi taa wi ba ra gi caa.

Ŋúnudaangi 3:5

Zyerusalɛmi calipiigèle, mii i yele nyɛ́ɛri gbanʔama wogebèle ní sìnbirigi sɔ̀ɔbēle báriga ni, yele a kɔ́ gi yìrige í, yele a kɔ́ tàmagi yìrige ŋúnɔmi na í, bi taa wi ba ra gi caa.

Ŋúnudaangi 8:14

Da fé, mii nànnidaanmaw! Pye àmɛɛ wogaà, wàlá àmɛɛ sɔ̀ɔbēle pya nyɛ lè nùndaanni yárira nyanbeleye na!

Luki 24:35

Gee poro tiimaa nyaa kólogi na lè, a be wɔ́ɔ̀ gee bee joo n tɛ̀ɛn be na, ní àmɛɛ poro wɔ́ɔ̀ wi cán búruw làrigabagila ni lè.

Zyan 12:41

Ezayi maa Kirisi nìjangbɔɔri nyaa, koro na wi da kérigèle bee joo, níì cán woro kéeli wi da joo.

Zyan 5:39

Kolocɔlɔɔ syɛɛnsɛbɛri yele wéle ni nyuu lè ní lòmaana ní, ní i sɔ̀ngí bi sìibangwɔɔw taa di ni, dee bee wɔ́ɔ i nyɛ mii séera.

Zyan 5:46

Yele ga maa tága Mowizi na, yele mǎà dée wɔ́ɔ tága mii na, níì cán wi n mii kéeli sɛ́bɛ.

1 Korɛnti ye 13:12

Tɔ́ɔliw ni wolo i nyaagi wúuro wúuro, àmɛɛ syɔɔn wiyɛɛ wéle lè dùbale ni, lǎli ga baa nan, wolo a ra sámagi da nyaagi. Tɔ́ɔliw ni cɛɛri yagana mii cán, kàjáa lǎli bee ga baa nan, mii a ki myɛ cán àmɛɛ Kolocɔlɔɔ mii tiimaa cán lè.

Kɔlɔsi ye 2:17

Kérigèle bee i nyɛ gele kànyingéle gele ge maa lè, Kirisi kéeli si li nyɛ wodeeli.

Heburubèle 10:1

Níì cán yacanri di maa lè, Mowizi làlwaw o di tiimaw tèé í, kàjáa wi i nyɛ ti kànyinnɛ. Bele be caa bi nùuni Kolocɔlɔɔ na lè, pe i sáriga-wòlori wonijanra kpéʔele yɛɛlɛ o yɛɛlɛ sìnlaʔa ni, làlwaw si a gbǎn be nyɔɔ foro sáriga-wòlori bee báriga ni í.

Tɛ̀ɛnnɛ 19:10

A mii fala n too wi taana jàngó bi wi kpɔ̀ʔɔrɔ, a wi mii pye: «Tíi, mɔ a kɔ́ koro kpéʔele í! Níì cán mii i nyɛ mɔ ní mɔ senyɛnbèle púlonyɛnwaa, poro bele má Zyezu séeraw nyɛ lè. Da Kolocɔlɔɔ kpɔ̀ʔɔrɔ́! Zyezu séeraw wi nyɛ kanyaajoori joolo nyúngo.»

Jàbɔbèle 5:28

Sisera nɔ́ɔw i wéle fɛ̀nɛtiriw cɔ̀ɔkpoloo na, ní i yákpoli wáa ni gi nyuu níì jo: ‹Mɛ̀ɛ́ gi nyɛ á wi kapɛɛnkpumɔn-wòtorow kɔ́ɔ̀ mɔn yaà nya wi ga pan í? Mɛ̀ɛ́ gi nyɛ á wi kapɛɛnkpumɔn-wòtorobèle tánʔana nyíngi nya?›