Ŋúnudaangi 2:3 - Cebaara Bible 2010

³ Amɛɛ pɔ́mi tíige nyɛ lè kɔligɔ tíire nínge ni, ànbée mii nànnidaanmaw nyɛ nìgɔcaribèle nínge ni. Ki láagi i nyɛ mii na bi tɛ́ɛn wi nyínmi ni, wi yasangi n tɛ́nɛ mii nyɔ́ɔgi na.

Ŋúnudaangi 2:3 Iomraidhean Croise

Ŋúnuyi 45:2

Mii fúngi n nyìn syɛɛntaanri na, fwɔɔ ni ŋuu. Mii a mii ŋúnugi syɛ́ɛnrɛ joo fànʔafɔw í lóʔo! Mii nyínni i nyɛ àmɛɛ kɔvuuyo sɛ́bɛfɔlɔ sɛ́bɛkaanna nyɛ lè!

Ŋúnuyi 45:3

Mɔ wi nyɔɔ n sɔ̀lɔ syɔɔn piibèle myɛ na, kpɔ́ʔɔri n cariga mɔ nyɔɔwari na, a Kolocɔlɔɔ dùbaw wɔ́ɔ̀ kòro mɔ na làla o làla.

Ŋúnuyi 57:1

Ŋúnuŋùúbèle kùndigi wóʔo, ki joo lè «Mɔ a kɔ́ wi kpóo í.» Davidi tára-nyɔ́ɔ-na ŋúnugi. Gee bee n pye lǎli ni wi fàn Sawuli na lè n sáà jée nyanbeweegi ni.

Ŋúnuyi 89:6

Nyɛ̀ʔɛgèle i mɔ sòoló kakpoloyi kéele na mɔ kpéʔele lè, ee Yawe! Ní wɔ́ɔ i mɔ kányɛɛgi kéele sòoló syɛɛncanbèle syɛɛnkpoʔolomɔ ni,

Ŋúnuyi 91:1

Syɔ́ɔnwee wi jée n làra wee láara ni wi nyɛ lè Pe Myɛ Nyúngo na, wee bee n kòro Séew Myɛ Fɔ́lɔ nyínmɛ ni.

Ŋúnudaangi 1:16

Mɔ n tɔ̀nɔ n nyɔɔ, mii nànnidaanmaw, mɔ kéeli n tɔ̀nɔ n syɔɔn dɛ́nɛ! Wolo yasinɛgi i nyɛ nyàápungo.

Ŋúnudaangi 2:5

Ye fànʔa le mii ni ní ɛrɛzɛn kàgbalaya ní. Ye pɔ́mipiiye tɛ́ʔɛ ye mii fúngi nyíngi. Níì cán tàmagi kéele i nyɛ mii na yaama.

Ŋúnudaangi 4:13

Mɔ lókolopiigèle i girenadi tíire séʔe fɔɔnri, gee yasanra di nyɔɔ lè, ní nùndaanna tiipiire, ní náari ní,

Ŋúnudaangi 4:16

Solomɔkulo kàbangi káfalaga, yìri ŋúnɔmi na! Wòrogulo kàbangi káfalaga, da maa! Da mii nángwɔɔw fee, koro ga pye wi nùndaanni yárira núngo í da yirigi! Mii nànnidaanmaw n yɛlɛ wi jée wi nángwɔɔw ni, wi wi nángwɔɔw yasanjanraa lìi!

Ŋúnudaangi 5:16

Wi nyɔ́ɔgi syɛ́ɛnrɛ i nyɛ tàanma yagana, wi kánmi myɛ tɔ̀nɔ́ i nyɛ syɔɔn yanidaanmaga. Kánmi bee na mii nànnidaanmaw nyɛ, kánmi bee na mii tànnyɛnw nyɛ, Zyerusalɛmi calipiigèle!

Ŋúnudaangi 7:13

Nyǐngi nyɔ́ɔ na pɛɛn pɛɛn, wolo a ra yirigi bàā syée ɛrɛzɛn séyi ma, bi sa ra gi wéle kapye a ɛrɛzɛn tíriri kɔ́ ni wâburo yirigi, a fyɛ́ɛnri cabara, kapye a girenadi tíiri kɔ́ ni fyɛ́ɛnrɛ kpéʔele. Nɛɛ bee mii a ra mɔ nyaana.

Ŋúnudaangi 8:11

Ɛrɛzɛn séʔe maa pye Salomɔn ma Baali-Hamɔn ni. A wi ɛrɛzɛn ségi kàlifáa kpaàwelebéle ma. Pe myɛ nibin nibin maa ni wálifiio támabéle saala kagunɔ kagunɔbèlē kaangi yasanri kéele na.

Ŋúnudaangi 8:12

Mii ɛrɛzɛn ségi gi nyɛ lè mii wóʔo, mii nyɛ́nɛ i nyɛ gi na. Wálifiiw saala kagunɔ i nyɛ mɔ wóo Salomɔn, sirakele si a pye wee bee ni yasanri kpaàwelebéle wóo!

Ŋúnudaangi 8:5

Céwee wi yìri fìími tára ma ni maa lè níì wiyɛɛ zígi wi nànnidaanmaw na, wìí wii? Mii n mɔ yìrige ŋúnɔmi na pɔ́mi tíigi láara ni. Beè mɔ nɔ́ɔw mɔ fícɛnni taa lè, beè mɔ seefɔw mɔ fícɛnni taa lè.

Ezayi 25:4

Níì cán mɔ n pye fànʔa-fùnvɔw tɛɛlaraga, ní tɛɛlaraga foomɔfɔw ma wɔʔɔgi làla ni, ní yatɔngɔ zěkpɔɔgi kánma na, ní nyínmɛ káfugi kánma na. Níì cán syɛɛntanʔabèle ŋɔ́nmɔ i nyɛ àmɛɛ zàʔá nyɛ, gee gi gungo kpúmɔn lè,

Ezayi 32:2

Pe myɛ nibin nibin a pye yatɔnyɔ káfalagi kánma na, ní tɛɛlaraga, zàʔá káfalakpɔʔɔ kánma na, bi pye àmɛɛ lòfóozɔ̀lɔyɔ nyɛ lè tɛɛwaʔa na, ní àmɛɛ fálakpɔʔɔ láara nyínmɛ nyɛ lè lɔ̀ʔɔ fun tára ni.

Ezayi 4:2

Cángi bee na Yawe fíingi a tɔ̀nɔ́ ba pye darigala ní nìjanra, tári yasanra a ba pye kpɔɔmɔ, ní fèrere Isirayɛli wogorobèle ma.

Ezayi 4:6

Ki a pye yatɔngɔ bàā nyínmɛ légi cángi làla káfugo kéele na, bi pye tɛɛlaraga, ní yatɔngɔ káfalakpɔɔgi, ní zěgi kánma na.

Ezekyɛli 47:12

Tiisanyi féleye myɛ a ra fíin lònɛʔɛgi kàgomɔ na, ki lógbebèle siin na. Yi wári a tée ra fánagi í, yi yasanri a ra kwóo í, yi a ra yasanvɔnrɔ sangi yeʔe o yeʔe, níì cán ki lógi n yìri tɛɛcǎngi ma. Yi yasanri a pye lìile, yi wári si pye tiinmɛ.»

Zyowɛli 1:12

Ɛrɛzɛn tíriri n fána, děsyaantiiri n waʔa. Girenadi tíiri, ní sɛʔɛtiiri, ní pɔ́mi tíiri, gee bee n joo séyi tíire myɛ n waʔa. Fundaanri n kwɔ́ɔ syɔɔn ye níngi ni.

Heburubèle 12:2

Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.

Jàbɔbèle 9:15

A wúuri tiipiige tíiri yari: ‹Kapye ní kányɛʔɛ ní yele caa bi mii télege fànʔafɔlɔ yeyɛɛ nyúngi na, yaa maa ye ba jée mii láari ni ye làra mii nyínmi ni. Kapye koro ban í, naà a yiri wúuri tiipiige ni bi Liban sɛdiri tíiyi sórigo péw.›