Ŋúnudaangi 2:16 - Cebaara Bible 2010

¹⁶ Mii nànnidaanmaw i nyɛ mii wóo, a mii i nyɛ wi woò. Wi i wi yaweeri nàʔá sìnbirigi nyàáfyɛɛnrɛ nínge ni.

Ŋúnudaangi 2:16 Iomraidhean Croise

Ŋúnuyi 48:14

Ye gi tǒw kɔ̀rɔsíi, ye gi kpaakpoloyi sámaga ye wéle, koro ga pye yele í kɔ́ ba ra gee bee nyuu yele kàdoʔo ma wóbèle ma.

Ŋúnuyi 63:1

Davidi ŋúnugi. Lǎli ni wi pye Zyuda fìími tára ni lè.

Ŋúnudaangi 1:7

Mɔ wee kéele li mii dɛ́nɛ mii fúngi ni lè, tɛ́ɛgee ni mɔ mɔ yaweeri nàʔá lè, tɛ́ɛgee ni mɔ di yaari ti i ŋɔ́ngi ni daagi cânvulɛɛli làla ni lè, gi tɛ̀ɛn mii na jàngó mii a kɔ́ pye ninyaari-mí-màʔaga mɔ pínɛnyɛnbèle yaweere kurugo í.

Ŋúnudaangi 2:1

Mii i nyɛ Sarɔn tɛɛfiigi fílɛɛri, ní sìnbirigi nyàáfyɛɛnrɛ ti lè jǐnlɔyi ni.

Ŋúnudaangi 4:5

Mɔ yíregèle siin i nyɛ àmɛɛ pìifaliya siin nyɛ lè, mɔ a jo wogaà ŋǎnbéle bɛɛ, bele be líi sìnbirigi nyàáfyɛɛnrɛ nínge ni lè.

Ŋúnudaangi 6:2

Mii nànnidaanmaw n tìgi yaà wi nángwɔɔw ma, nùndaanni fílɛɛri gboolo ma, bi sa wi yaweeri kaan di lìi nángwɔɔbèle ni, si sìnbirigi nyàáfyɛɛnraa kúun.

Ŋúnudaangi 6:3

Mii i nyɛ mii nànnidaanmaw wóo, a mii nànnidaanmaw i nyɛ mii wóo. Wi i wi yaweeri nàʔá sìnbirigi nyàáfyɛɛnrɛ nínge ni.

Ŋúnudaangi 7:10

mɔ nyɔ́ɔgi si pye àmɛɛ dùvɛɛncàɔn nyɛ lè, wi i tíri zìnmɛ na mii nànnidaanmaw ma, wi i fóo ni tíri ŋúnɔfɔbèle nyɔ́ɔwara na.

Ŋúnudaangi 7:11

Mii i nyɛ mii nànnidaanmaw wóo, mii láagi gi tɔ̀nɔ́ nyɛ wi na.

Ŋúnudaangi 7:13

Nyǐngi nyɔ́ɔ na pɛɛn pɛɛn, wolo a ra yirigi bàā syée ɛrɛzɛn séyi ma, bi sa ra gi wéle kapye a ɛrɛzɛn tíriri kɔ́ ni wâburo yirigi, a fyɛ́ɛnri cabara, kapye a girenadi tíiri kɔ́ ni fyɛ́ɛnrɛ kpéʔele. Nɛɛ bee mii a ra mɔ nyaana.

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Zakarii 13:9

Mii a tíla-taanri wógi bee le náagi ni, mii a nɔ́nʔɔri yirige be ni àmɛɛ be nɔ́nʔɔrɔ yirigi wálifiio ni lè, mii a be sɛʔɛ wéle àmɛɛ be tɛɛ̀ sɛʔɛ ni wéle lè. Pe a mii mɛ́ɛgi yeri, mii a lóʔo be ma. Mii a gi joo si jo: ‹Poro be nyɛ mii syɛ́ɛnbèle!› Pe a gi joo si jo: ‹Yawe wi nyɛ wolo Kolocɔlɔw!› »

Galasi ye 2:20

Mii ban wi ní i nyɛ sìi na í, kàjáa Kirisi wi nyɛ sìi na mii ni. Sìíwee si mii taa lè, mii n wi taa tágali báriga ni àmɛɛ mii tága Kolocɔlɔɔ Jáaw na lè, woro wee wi tàmaga le ní mii ní lè níì wiyɛɛ gaan mii sìndɛɛgi ni.