Ŋúnudaangi 2:1 - Cebaara Bible 2010

¹ Mii i nyɛ Sarɔn tɛɛfiigi fílɛɛri, ní sìnbirigi nyàáfyɛɛnrɛ ti lè jǐnlɔyi ni.

Ŋúnudaangi 2:1 Iomraidhean Croise

1 Cányi kèlē 5:16

A be tɛ́ɛn Galaadi ni, Basyan tári ni, ní gi tɛ́nɛmi kèpiigéle ni, ní Sarɔn taana tɛ́ɛyi myɛ ni fwɔɔ n sáà nan pe tɛɛ̀laʔagèle na.

Ŋúnuyi 85:11

Funjǎngi, ní kányɛɛgi i tiyɛɛ fàrá ni taagi, sínni, ní yɛɛ̀nyingi i tiyɛɛ syɔɔnri syɔɔnri.

Ŋúnudaangi 2:16

Mii nànnidaanmaw i nyɛ mii wóo, a mii i nyɛ wi woò. Wi i wi yaweeri nàʔá sìnbirigi nyàáfyɛɛnrɛ nínge ni.

Ŋúnudaangi 5:13

Wi bɛ̀ɛ́nyi i nyɛ àmɛɛ nùndaanna fílɛɛri gboolo nyɛ lè, nùndaanna nyàányunyo. Wi nyɔɔwari i nyɛ àmɛɛ sìnbirigi nyàáfyɛɛnrɛ nyɛ lè, beè míiriw ŋuu ni caragi lè.

Ŋúnudaangi 6:2

Mii nànnidaanmaw n tìgi yaà wi nángwɔɔw ma, nùndaanni fílɛɛri gboolo ma, bi sa wi yaweeri kaan di lìi nángwɔɔbèle ni, si sìnbirigi nyàáfyɛɛnraa kúun.

Ŋúnudaangi 6:3

Mii i nyɛ mii nànnidaanmaw wóo, a mii nànnidaanmaw i nyɛ mii wóo. Wi i wi yaweeri nàʔá sìnbirigi nyàáfyɛɛnrɛ nínge ni.

Ezayi 33:9

Tári myɛ i nyɛ kùu káyaʔa na, ti i kálagi. Liban n curugo, wi i káagi. Sarɔn i nyɛ tɛɛfiikpɔʔɔ. Basyan, ní Karimɛli wári i kɔlɔ ni ŋuu.

Ezayi 57:15

Níì cán wee wi nyɛ Pe Myɛ Nyúngo na lè, woro wee tɛɛ̀tɛ́nɛgɛ gi nyɛ lè bàngwɔɔ wóʔo, wi mɛ́ɛgi si i nyɛ wojanga ní, wi n jo: «Mii i nyɛ wodɛ́ɛɔn ní ǹjoʔo ma, tɛɛcǎngi ni, kàjáa mii wɔ́ɔ i nyɛ ní syɔ́ɔnwee ní wi kàdoʔo wáa wi kapeegèle ma lè, ní wee wi wiyɛɛ jɛ́rɛ wi pǐli ni lè, koro ga pye bi fànʔa le wee ni wi wiyɛɛ jɛ́rɛ wi pǐli ni lè, bi wɔ́ɔ fànʔa le wee fúngo ni wi kàdoʔo wáa wi kapeegèle ma lè.

Oze sɛ́bɛw 14:5

Mii a be tágala funmi yáama pɔʔɔ, pe kéeli a mii dɛ́nɛ gbanʔama, níì cán mii fundanʔari n wàli n láʔa be na.