Ŋúnudaangi 1:8 - Cebaara Bible 2010

⁸ Kapye mɔ ga koro cán í, ee, mɔ wee wi nyɔɔ n sɔ̀lɔ cesanbèle na lè, yiri mi taʔa yaweeyiligèle túluyo na maa mɔ sikepiigèle nàʔá bànaʔabèle tɛɛkòroyo taana.

Ŋúnudaangi 1:8 Iomraidhean Croise

Ŋúnuyi 16:3

Syɛɛncanbèle be nyɛ lè tári ni, poro be nyɛ fǎngi wodelege gee gi lè mii fundaanri myɛ.

Ŋúnuyi 45:11

Ki n yɛlɛ mi lóʔo, nɔ́ɔ̄, da wéle, mí mɔ líiyi sámaga mi cáan. Ki n yɛlɛ mi fɛ̀ʔɛ mɔ syɛ́ɛnbèle, ní mɔ tóow kpaʔa wòolo na.

Ŋúnuyi 45:13

Tiiri cálipili a pye yaà ní li yakaanri ní li kɔ́gi ni. Bele be lè lɔ́ri fɔ̀ɔlɔ syɛ́ɛnbèle ni, poro a ra mɔ funjǎngi caa.

Kàseegèle 8:34

Syɔ́ɔnwee wi ga ni lúro mii ma lè, ní i kòró nyɛ̀nɛ na mii kpaaweeli na canʔa o canʔa, ní i mii kpàánweegèle kɔ̀riyɔ kpáa wéle, wi i nyɛ dùba pyà.

Ŋúnudaangi 1:15

Mɔ n tɔ̀nɔ n nyɔɔ, ni pínɛnyɛnjaa, mɔ n tɔ̀nɔ n nyɔɔ! Mɔ nyapiigèle i nyɛ àmɛɛ kàtogèlē nyɛ lè.

Ŋúnudaangi 2:10

Mii nànnidaanmaw n syɛ́ɛnri láa. Wi n mii pye: «Yìri, mii pínɛnyɛnjew, mii cecǎnw, máā maa.

Ŋúnudaangi 4:1

Mɔ n tɔ̀nɔ n nyɔɔ, ni pínɛnyɛnjaa, mɔ n tɔ̀nɔ nyɔɔ! Mɔ nyapiigèle i nyɛ kàtogèlē mɔ nyundɔn-fàniw láara ni. Mɔ njoori i nyɛ àmɛɛ sikegboolo nyɛ lè, bele be fé ni tíri Galaadi nyanbelegi tìgimɛ ni lè.

Ŋúnudaangi 4:10

Mɔ tamagi n tɔ̀nɔ n tɛ́nɛ, ni senyɛnjaà, ní ni pìcaa! Mɔ tamagi n tɛ́nɛ n sɔ̀lɔ dùvɛɛn na, mɔ nundaanni sìnmɛ núngo n tɛ́nɛ n sɔ̀lɔ nùndaanni yárira myɛ wóʔo na!

Ŋúnudaangi 4:7

Mɔ n tɔ̀nɔ n nyɔɔ n foro mii pínɛnyɛnjew, tɛɛlɛ faala o nyɛ mɔ na í.

Ŋúnudaangi 5:9

Nyàʔá gi tɔ̀ʔɔ́ nyɛ mɔ nannidaanmaw ma n sɔ̀lɔ wàa na, ee, cébèle myɛ wojaɔn? Nyàʔá gi tɔ̀ʔɔ́ nyɛ mɔ nànnidaanmaw ma n sɔ̀lɔ wàa na, á mɔ si i wolo nyɛ́ɛri nya gbanʔama kánmi naa na?

Ŋúnudaangi 6:1

Sán mɔ nannidaanmaw kári, ee cébèle myɛ wojaɔn? Kàbangìí na mɔ nannidaanmaw kolo n fala, wolo si pínɛ ní mɔ ní wo sa wi caa?

Zyeremii 6:16

Yawe wi syɛ́ɛnri naa joo níì jo: «Ye yére kóloyi na, yáā wéle. Ye yíbege kpéʔele kolɛɛyi kéele na. Gìí gi pye kojǎngi? Yaa táanri nya koro ni, yele sìíw si ŋɔ́ndaala taa. Kàjáa pe i syɛɛnlurugori kaangi níì jo: ‹Wolo a tánʔa gi ni í.›

Zyan 21:15

Lǎli ni pe lìi n kwɔ́ɔ lè, a Zyezu Siimɔn Pyɛri pye: «Siimɔn, mɔ wi lè Zyan jáaw, a mii kéeli mɔ dɛ́nɛ lé n sɔ̀lɔ bele naa na?» A wi jo: «Ɛɛn, Kàfɔw, mɔ n gi cán mɔ kéeli n mii dɛ́nɛ.» A wi wi pye: «Maa lìile kaangi mii bàpiigèle ma.»

1 Korɛnti ye 11:1

Yaa mii tɛ́ɛlɛ àmɛɛ mii tiimaa Kirisi tɛ́ɛlɛ lè.

Efɛzi ye 5:27

koro ga pye bi Egiliziw bee yaʔa wi pye woro ma wojaɔn ní, tɛɛ̀nɔnʔɔgɔ fun, wàlá tɛɛ̀kurɔlɔ fun, kérigèle bee làa faala a kɔ́ pye wi na í, fwɔɔ wi pye womunuyaʔaɔ ní tɛɛlɛ fun.

Heburubèle 13:7

Ki n yɛlɛ yaa sɔ̀ngí yaa taagi yele yɛɛ̀kini-zélibèle kéele na, poro bele pe da ni Kolocɔlɔɔ syɛ́ɛnri nyuu yele ma lè. Yaa sɔ̀ngí be tánʔaganmi kéele na, ní àmɛɛ be kwɔ́ɔmi baa pye lè, yáā be tágali tɛ́ɛlɛ.

Heburubèle 6:12

Wolo o caa yele í pye sàlagafɔɔlɔ í, bele be Kolocɔlɔɔ nyɔɔfaliyi kɔ́rigɔ lìi lè be tágali ní be kpàracogi báriga ni fwɔɔ yele í da bele bee tɛ́ɛlɛ.

Zyaki 2:21

Wolo tóolɛɛw Abirahami kapyegèle ban ge wi yaʔa a Kolocɔlɔɔ wi córo syɛɛnsiɔn ì, àmɛɛ wi da wi jáaw Izaaki kaan lè, Kolocɔlɔɔ ma sáriga sáriga-wòlo-yafaangi na lè ì?

Zyaki 2:25

Arahabi wi da wírè pye lè nànjaacew, kánmi bee wonijanma na ban wi da wɔ́ɔ̀ sínni taa kapyegèle báriga ni ì, àmɛɛ wi da baa tundunbèle yaʔa a be tìrige woro na lè, ní kɔ́ɔ̀ be dɛ̀ɛmɛ a be lúru n kári kologaa nikwɔɔ ni?

Zyaki 5:10

Ni senyɛ̀nnɛ, ye sɔ̀ngi kanyaajoobèle kéele na, bele pe da ni nyuu lè Kàfɔw mɛ́ʔɛ na, ki n yɛlɛ yaa bele bee tɛ́ɛlɛ àmɛɛ pe da ni kpàracogo kpéʔele lè pe wɔʔɔli fúngo ni.

1 Pyɛri 3:6

àmɛɛ Sara da ni lúro Abirahami ma lè ní i wi yiri woro kàfɔlɔ. Kapye yele i kacǎngèle kpéʔele, yele si o fɛ̀ɛgí yarigaa faala na í, ye gi cán yele n náà pye Sara pìibēle.