Ŋúnudaangi 1:5 - Cebaara Bible 2010

⁵ Zyerusalɛmi calipiigèle, mii céri n wɔ́ɔ kàjáa mii si n sèʔê nyɔɔ, mii i nyɛ àmɛɛ Kedaari fànikpaayi nyɛ lè, àmɛɛ Salomɔn kpáagi fàniya nyɛ lè.

Ŋúnudaangi 1:5 Iomraidhean Croise

Ŋúnuyi 120:5

Wɔʔɔlɔ i nyɛ mii na àmɛɛ mii nyɛ lè wodɛ́ɛɔn ní Mesyɛki ni, mii i nyɛ wodɛ́ɛɔn ní Kedaari fànikpaayi nínge ni!

Ŋúnuyi 149:4

Níì cán Yawe fundaanri yáriga gi nyɛ wi syɛ́ɛnbèle, wi i màabyebèle fèré ní syɔɔli ní.

Ŋúnuyi 45:9

Míiri, ní alowɛsi, ní kasi nùndaanni i nyɛ mɔ búroyi myɛ na. Fànʔafɔ-gbaayi be faan ní sogǎngèle ní lè, kɔ̀ríbèle ŋúnuyo i fundaanra kaangi mɔ ma yi ni.

Ŋúnuyi 90:17

Kàfɔw, wolo Kolocɔlɔw tàmaga n yɛlɛ gi pye wolo na! Wolo kɔ́yi fáli yaʔa wi báriga wolo ma, wolo kɔ́yi fáli, ki n tɔ̀nɔ n yɛlɛ mi wi báriga!

Ŋúnudaangi 2:14

Mii kàtoli, mɔ wi lè fálayi wéeye fúngo ni, tɛɛkòlo-dìgiyi làrama tɛ́ʔɛ ni, ki yaʔa mii í mɔ yɛ́ɛgi nyaa, ki yaʔa mii í mɔ yákpoli lóʔo. Níì cán mɔ yákpoli n tɛ́nɛ, a mɔ yɛ́ɛcɔɔli nyɔɔ.»

Ŋúnudaangi 2:7

Zyerusalɛmi calipiigèle, mii i yele nyɛ́ɛri gbanʔama wogebèle ní sìnbirigi sɔ̀ɔbēle báriga ni, yele a kɔ́ gi yìrige í, yele a kɔ́ tàmagi yìrige ŋúnɔmi na í, bi taa wi ba ra gi caa.

Ŋúnudaangi 3:10

Wi n li gàángèle sámaga wálifiio wòʔolo níì tɛɛsalagi pye tɛɛ̀ wóʔo, níì kǒli sámaga ní fàninyɛɛɔn ní. Zyerusalɛmi calipiigèle n li fungomaw súu ní tàmaga ní.

Ŋúnudaangi 3:5

Zyerusalɛmi calipiigèle, mii i yele nyɛ́ɛri gbanʔama wogebèle ní sìnbirigi sɔ̀ɔbēle báriga ni, yele a kɔ́ gi yìrige í, yele a kɔ́ tàmagi yìrige ŋúnɔmi na í, bi taa wi ba ra gi caa.

Ŋúnudaangi 4:3

Mɔ nyɔɔwari i nyɛ àmɛɛ mɛɛnnyɛɛnnɛ nyɛ lè, mɔ nyɔ́ɔgi syɛ́ɛnrɛ n tɛ́nɛ, mɔ bɛɛnyi si i nyɛ àmɛɛ girenadi tílaga nyɛ lè, mɔ nyundɔn-fàniw láara ni.

Ŋúnudaangi 5:16

Wi nyɔ́ɔgi syɛ́ɛnrɛ i nyɛ tàanma yagana, wi kánmi myɛ tɔ̀nɔ́ i nyɛ syɔɔn yanidaanmaga. Kánmi bee na mii nànnidaanmaw nyɛ, kánmi bee na mii tànnyɛnw nyɛ, Zyerusalɛmi calipiigèle!

Ŋúnudaangi 5:8

Zyerusalɛmi calipiigèle, mii i yele nyɛ́ɛri gbanʔama, yele ga mii nànnidaanmaw fàra n nyaa, nyàʔá yele a joo wi ma? Ki n yɛlɛ ye wi pye tàmagi n yaama cáan mii na.

Ŋúnudaangi 6:4

Mɔ n tɔ̀nɔ n nyɔɔ, mii pínɛnyɛnjew àmɛɛ Tiirisa nyɛ lè. Mɔ n tɔ̀nɔ n nyɔɔ àmɛɛ Zyerusalɛmi nyɛ lè, ní i nyɛ fyáara yáriga àmɛɛ kapɛɛnkpumɔnbéle kabiya nyɛ lè pe dìrapobèle láara ni.

Ŋúnudaangi 8:4

Zyerusalɛmi calipiigèle, mii i yele nyɛ́ɛri gbanʔama yele a kɔ́ gi yìrige í, yele a kɔ́ tàmagi yìrige ŋúnɔmi na í, bi taa wi ba ra gi caa.

Ezayi 21:16

Níì cán Kàfɔw n syɛ́ɛnri naa joo mii ma níì jo: «Yɛɛlɛ nibin ga níì kwɔ́ɔ, àmɛɛ sàra-na-falipyeo yɛ̀ʔɛlɛ nyɛ lè, Kedaari nìjanri myɛ a kwɔ́ɔ.

Ezayi 53:2

Wi n yìri n lɛɛ wi nyɛnɛ na, àmɛɛ tiifolovɔ́ngɔ nyɛ lè, àmɛɛ nìnge nyɛ, gee gi folo n yiri lɔ̀ʔɔ fun tára ni lè. Nìjanra da pye wi na í, wàlá darigala í, jàngó wolo a kɔ́ ra wi wéle í. Wi céri kánma da ni syɔɔn kíle wi kàbangi na í.

Ezayi 60:7

Kedaari yaweeri kuruyo myɛ a kpóʔoro mɔ tɛ́ʔɛ ma. Nɛbayɔti bàpɔbèle a pye mɔ kɔ́lɔ na. Pe a ra be wóo sáriga-sórigoo mii sáriga-wòlo-yafaangi na, be kéeli si a mii dɛ́nɛ, mii si nìjanra taʔa mii nìjanri kpaʔa na.

Ezayi 61:10

Mii i fundaangbɔɔrɔ kpéʔele Yawe ni, mii fúngi i muguri mii Kolocɔlɔw ni. Níì cán wi n syɔɔli búroyo le mii na, wi n sínni burogbɔʔɔ tɛ́ʔɛ n mii tɔ́n àmɛɛ cefɔɔn fɔ́lɔ wiyɛɛ vèré ní kpɔʔɔrɔ nyùndɔnnɔ ní lè, àmɛɛ cefɔɔn wiyɛɛ vèré ní wi fèreri yárira ní lè.

Ezekyɛli 16:14

A mɔ mɛ́ɛgi yiri tári syɛɛnfeleye nínge ni, mɔ nijanri kéele na, níì cán ti maa tɔ̀nɔ n nyɔɔ n foro, nìjanri darigala báriga ni, dee ní mii da mɔ fère lè,› » Kàfɔw Yawe wi jo nya.

Ezekyɛli 27:21

Arabii ye, ní Kedaari fànʔafɔbiigèle myɛ maa pye mɔ yasyɔɔbèlē. Bàpiigèle, ní bàpɔbèle, ní sikepɔbèle pe da ni téeri ni syɔɔli kpéʔele.

Matye 10:25

Ki tɛɛ̀yéregi gi nyɛ pìitamaw í pye ní wi tamafɔw ní sèjira, púlow si wɔ́ɔ pye ní wi kàfɔw ní sèjira. A be si gbàn ni narigbaagi wólɛɛɔ yiri Bɛlizebuli yɔ́ɔ̀, n náa kɔ́ɔ̀ yére wi kpaʔa wóbèle na.

Matye 22:11

A fànʔafɔw ga jée yaà sa suliibèle saanri wéle, a wi sáà nànwaa nyaa yaà be ni, cèpɔrigi búrogo fun.

Luki 13:34

Zyerusalɛmi, Zyerusalɛmi, mɔ wee wi kanyaajoobèle kúu lè, ní i bele wábagi ní kàdɛnɛri ní, bele be tungu mɔ ma lè, làrigēle saʔa ni mii maa ni caa bi mɔ piibèle kpóʔoro àmɛɛ gònɔɔ gáà wi gòpiigèle kpóʔoro lè wi fókaanyi láara ni, yele si ga fɔ̀lɔ í.

Luki 15:22

Koro ní ki myɛ ní a tofɔw gi joo wi falipyebèle ma níì jo: ‹Ye sa burojǎngi láa gee gi nyɔɔ yi myɛ na lè, yaa maa kelekele ye ba le wi na, yé vèʔeo le wi kabeli na, yé wɔ́ɔ ye taʔalaya le wi tɔ́lɔyi na,

Wɔrɔmi ye 13:14

Kàjáa ki n yɛlɛ ye Kàfɔw Zyezu Kirisi le yeyɛɛ na burogo ki ga yɛlɛ yele í ní yele sɔ̀ngumi taʔa yele céri laànitaʔa kele na bàā ge kpéʔele í.

2 Korɛnti ye 5:21

Wee wi lè wi ga kapeele pye n nyaa í, a Kolocɔlɔɔ baa wolo kapeeli tugo wi na, koro ga pye wolo í Kolocɔlɔɔ sínni taa woro bárigaw ni.

Galasi ye 4:26

Kàjáa ǹjoʔo ma Zyerusalɛmiw i nyɛ wɔ́rɔɔ, ní i nyɛ wolo nɔ́ɔw.

Efɛzi ye 5:26

koro ga pye bi wi jée mùnú yaʔa Kolocɔlɔɔ ma, wi n wi jée n mùnu lǒgi ni, wi syɛ́ɛnri báriga ni,

1 Zyan 3:1

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.