Ŋúnudaangi 1:4 - Cebaara Bible 2010

⁴ Da mii kíle maa syée miyɛɛ kurugo! Waa fé! Fànʔafɔw n mii lége wi kpaafunyi ni. Wolo a ra muguri sáā fundaanra kpéʔele mɔ bárigaw ni. Wolo a ra mɔ tamagi kéele kpɔ́ʔɔgi bi sɔ̀lɔ dùvɛɛnw na. Tànʔa i be ma àmɛɛ mɔ kéeli be dɛ́nɛ lè.

Ŋúnudaangi 1:4 Iomraidhean Croise

Ŋúnuyi 111:4

Wi n gi yaʔa paa sɔ̀ngí da taagi wi bìngaari kèlē na. Yawe i nyɛ fûnnyinge fɔ́lɔ, ní nyinidaaɔ.

Ŋúnuyi 119:32

Mii i fé mɔ kajoodɛɛngèle kólogo ni, níì cán mɔ n mii fúngi télege ŋɔ́ndaala ni.

Ŋúnuyi 119:60

Mii ga gi yaʔa kàdoʔo ma í, mii n kɔlɔ̀ wári ni sɔ̀ngí mɔ kajoodɛɛngèle kéele na.

Ŋúnuyi 149:2

Isirayɛli n yɛlɛ bàā fundaanra kpéʔele wi Faanfɔw ni. Siyɔn pìíbèle n yɛlɛ bàā muguri be Fànʔafɔw kéele na!

Ŋúnuyi 42:4

Mii nyatinmi bi nyɛ mii yaliiri canʔa ní yébilige, níì cán pe i gi nyuu mii ma làla o làla níì jo: «Sán mɔ Kolocɔlɔw nyɛ?»

Ŋúnuyi 48:9

Gee wolo da lóʔo lè, koro wolo nyaa Yawe kěgi ni wi lè Nyɛ̀ʔɛni Sùlasiibéle Kafɔlɔ, wolo Kolocɔlɔw kàʔa ni, Kolocɔlɔɔ a gi sámaga yérige, gi kòro beè làla o làla. Ŋɔ́ndaala

Ŋúnuyi 63:5

Kánmi bee na mii a ra mɔ kpɔ̀ʔɔrɔ́ mii wéemi làla myɛ ni, mii a ra mii kɔ́yi yìrigí mɔ mɛ́ɛgi na.

Ŋúnudaangi 3:4

Mii tɛ́nɛ̀ sɔ̀lɔ be na lè terire, wee kéele li mii dɛ́nɛ mii fúngi ni lè, a mii fala n wi nyaa. A mii wi cò, mii si a ní wi yaʔa í, bi taa mii í kári ní wi ní sa lége mii nɔ́ɔw kpaʔa ni, wee wi mii fícɛnni taa lè woro kpaafungi ni.

Ŋúnudaangi 4:10

Mɔ tamagi n tɔ̀nɔ n tɛ́nɛ, ni senyɛnjaà, ní ni pìcaa! Mɔ tamagi n tɛ́nɛ n sɔ̀lɔ dùvɛɛn na, mɔ nundaanni sìnmɛ núngo n tɛ́nɛ n sɔ̀lɔ nùndaanni yárira myɛ wóʔo na!

Ezayi 25:8

Wi a kùúw kwɔ́ɔ, gi kòro nya làla o làla. Kàfɔw Yawe a nyatinmi kurugo bi láʔa yɛ́ɛyi myɛ na, wi a wi syɛ́ɛnbèle faʔara kwɔ́ɔ tári tɛ́ɛyɛ myɛ ni, níì cán Yawe wi jo nya.

Ezayi 45:25

Yawe bárigaw ni Isirayɛli yòdaʔayi myɛ a sínni taa, sáā yiyɛɛ gbɔ́ʔɔgi.

Ezayi 61:3

Bi fànʔafɔ-nyùndɔnnɔ kaan cɔ́ɔngi sìndɛʔɛ ni Siyɔn wóbèle bele ma be nyɛ lè kùu-káyaʔa na, bi fundaanra sìnmɛ kaan kùu-káyaʔa sindɛʔɛ ni, bi sòololo búrogo kaan fûngalagiri sìndɛʔɛ ni, jàngó paa be yiri sínni terebɛnti tíire, dee Yawe cɔ́rɔ lè wi nìjanri kéele na.

Ezayi 63:7

Mii a ní lúru Yawe funjǎngi kapyegèlē kurugo bi ge joo ke lè Yawe sòololi wòʔolo, bi yɛlɛ ní kacǎnyi myɛ ní Yawe kpéʔele wolo na lè. Wi funjàngbɔɔgi kèlē, Isirayɛli kpáagi wòolo ma, gee bee n jo kacǎnyi wi kpéʔele be na lè n yɛlɛ ní wi nyinigbɔɔmi ní, n wɔ́ɔ̀ yɛlɛ ní wi funjǎngi kapyenɛʔɛrɛ ní.

Zyeremii 31:3

Yawe i wiyɛɛ dèé mii na léelige, níì jo: «Mii n bàngwɔɔ tàmaga le ní mɔ ní. Koro na mii mii funjǎngi kɔn mɔ kabangi na.

Oze sɛ́bɛw 11:4

Mii maa ni be kíle ni maa ní funjànga mɛ́ɛngéle ní, ní tàmaga nyɔ̀ʔɔdiriye ní. Mii n pye be ma syɔɔnwaa, wee wi be zúuw sánʔa lè, mii n yaliire kaan be ma.

Sofonii 3:14

Siyɔn calipile, da fàndaara yákpolo wáa! Isirayɛli ye, yaa yákpogèle wáa ní fundaanra ní! Zyerusalɛmi, da fundaanra kpéʔele, máā muguri ní mɔ fúngi myɛ ní!

Zakarii 9:9

Siyɔn calipili, da yegi fundaanri báriga ni! Da fundaanra yákpolo wáa, Zyerusalɛmi calipili! Mɔ fanʔafɔw wéle wee, wi i maa mɔ ma. Wi n sín, ní i nyɛ fàndaaɔ, wi n wiyɛɛ jɛ́rɛ, níì lúgu jòfani na, jòfanipile na, jòfanicaa pyà na.

Matye 25:10

A pe ga kári bi tɛɛsyɔɔgi ni, a cefɔnw fɔ́lɔ kàri n pan a wozamaga-gwɔ́ɔbèle baa pínɛ n jée ní wi ní cèpɔrigi kpaʔa ni, á be kɔ̀rigi tɔ́n.

Luki 2:10

A nyɛ̀ʔɛni tunduɔn be pye: «Yele a kɔ́ ra fɛ̀ɛgí í, níì cán syɛɛntaanra mii a joo yele ma, ti a pye fundaangbɔɔrɔ syɛ́ɛnrɛ yele syɛ́ɛnbèle myɛ ma,

Luki 22:19

A wi búruw láa níì bariga kaan Kolocɔlɔɔ ma níì wi kabagi n lɛɛ be na níì jo: «Wee naa wi nyɛ mii céri, [dee mii a kaan lè yele kéeli na. Yaa gee naa kpéʔele koro ga pye yele í da sɔ̀ngí da taagi mii na.»

Zyan 12:32

Mii si na, pe ga mii yìrige tári na n yérige lǎlee ni lè, mii a ra syɛ́ɛnbèle myɛ kíle paa maa mii ma.»

Zyan 6:44

Tofɔw wi mii tun lè, syɔɔn faala a gbǎn pan mii ma wee bee kílele kadoʔo na í. Mii si a ba syɔ́ɔnw bee nyán yirige dulunyanw cângwɔʔɔ canʔa na.

Efɛzi ye 2:6

níì wolo pínɛ n nyán n yìrige ní Kirisi ní n télege nyɛ̀ʔɛni tɛ́ɛyɛ ni àmɛɛ wolo nyɛ lè Kirisi Zyezu ni,

Efɛzi ye 6:24

Bele be bàngwɔɔ tàmagi le ní wolo Kàfɔw Zyezu Kirisi ní lè, ki n yɛlɛ Kolocɔlɔɔ í kpɔ́ʔɔri kaan bele bee myɛ ma!

Filipikaʔa ye 3:3

Níì cán wolo bele wo Kolocɔlɔɔ kpɔ̀ʔɔrɔ́ lè wi Pǐli báriga ni, ní i nyɔ̌ngbɔɔlɔ táanri àmɛɛ wolo nyɛ lè Kirisi Zyezu ni, níì wolo sɔ̀ngumi láʔa céri kèlē na, wolo wo nyɛ kɛ́nɛtelew kpéʔelefɔɔlɔ.

Filipikaʔa ye 4:4

Yaa fundaanra kpéʔele Kàfɔw ni làrigèle myɛ ni. Mii a ní gi joo taʔa si jo: Yaa fundaanra kpéʔele.

Heburubèle 12:1

Gee bee na, àmɛɛ séerafɔ-nɛʔɛbèle bee wolo màʔa àmɛɛ fàfanʔa nyɛ lè, ki n yɛlɛ wolo í wɔ́ɔ yáriri myɛ yaʔa, dee ti a gbǎn wolo yérige lè, kapeele o kapeele li tàli wolo na ni wolo yéregi lè, wo wɔ́ɔ lee bee yaʔa, wáā kàfyaali kpéʔele ní kpàracogo ní, lee tɛɛfǎn-zɔ̀lɔgɔ Kolocɔlɔɔ tɛ̀ɛn wolo na lè.

1 Pyɛri 1:8

Yele ga kɔ́ɔ̀ wi nyaa í, ní si tàmaga le ní wi ní. Yele o wi nyaagi tɔ́ɔliw ni í, kàjáa àmɛɛ yele tága lè wi na, a yele i muguri fundaangbɔɔri báriga ni, dee di nyɛ lè nìjanra wóro, syɔɔn si a wɔ́ɔ gbǎn di kacánmi joo tɛ̀ɛn bi kwɔ́ɔ í,