Nehemii 9:9 - Cebaara Bible 2010

⁹ Mɔ n wolo tóolɛɛbèle wɔʔɔgɔ nyaa Ezyipiti ni, ní wɔ́ɔ̀ be sùpiigèle lóʔo Nyɛ̀nɛri Solomɔ lɔ́ʔɔ nyɔ́ɔ na.

Nehemii 9:9 Iomraidhean Croise

Yirile 14:31

A Isirayɛli ye gi nyaa gee Yawe kpéʔele Ezyipiti ye na ní séew kɔ́lɔ ní lè. A syɛ́ɛnbèle fyáa Yawe na. A be tága Yawe na, ní wɔ́ɔ̀ tága wi falipyew Mowizi na.

Yirile 2:25

A Kolocɔlɔɔ Isirayɛli ye wéle níì sɔ̀ngi be kéeli na.

Yirile 3:16

Da syée mi sa Isirayɛli wolɛɛbèle kpóʔoro mí be pye: ‹Yawe wi lè yele tóolɛɛbèle Kolocɔlɔɔ, woro wi wiyɛɛ dɛ̀ɛn mii na wi lè Abirahami ní Izaaki, ní Zyakɔbi Kolocɔlɔw. Wi n jo: Mii n tɔ̀nɔ n pan n baa yele wéle, gee myɛ gi kpéʔele yele na Ezyipiti ni lè, mii n gi nyaa.

Ezekyɛli 20:6

Cángi bee na mii mii kɔ́gi yìrige níì kàli be ma níì jo mii a be yirige Ezyipiti tári ni bi sa lége táraa ni, dee mii da wéle n yaʔa be ma lè, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.

Kapyegèle 7:34

Mii n tɔ̀nɔ n mii syɛ́ɛnbèle nyaa àmɛɛ be wɔʔɔ lè Ezyipiti tári ni, ní wɔ́ɔ̀ be cɛ́ɛnmi lóʔo, a mii si tìgi ba be syɔɔ. Da maa mii a mɔ tun tɔ́ɔliw ni Ezyipiti ma.›

Kapyegèle 7:7

A Kolocɔlɔɔ níì jo: ‹Mii tiimaa si wi a kɔ́ ba kútiiw kúun tári bee syɛ̀ɛnnɛ na, dee ni pe a kɔ́ pye lè púlori ni. Koro kàdoʔo ma pe a yiri yaà si ba ra mii kpɔ̀ʔɔrɔ́ tɛ́ɛgi naa ni.›