Nehemii 9:8 - Cebaara Bible 2010

⁸ Amɛɛ mɔ gi nyaa a wi fúngi fílige mɔ yɛ́ʔɛ ma lè, a mɔ joogaanni kpéʔele ní wi ní bi Kanaan tári, ní Hɛti ye, ní Amɔri ye, ní Perezi ye, ní Yebusi ye, ní Giirigasi ye tári kaan wi yòdaʔayi ma. Mɔ n wɔ́ɔ̀ mɔ syɛ́ɛnri foro, níì cán mɔ n sín.

Nehemii 9:8 Iomraidhean Croise

Sélimɛ 12:7

A Yawe wiyɛɛ dɛ̀ɛn Abirami na níì wi pye: «Mii a tári naa kaan mɔ yodaʔagi ma.» Tɛ́ɛgee ni Yawe wiyɛɛ dɛ̀ɛn Abirami na lè, a Abirami sáriga-wòlo-yafanʔa faan Yawe ma tɛ́ɛgi bee ni.

Sélimɛ 15:6

A Abirami tága Yawe na, koro na Yawe wi córo syɛɛnsiɔn.

Sélimɛ 22:12

A wi Abirahami yari: «Mɔ kɔ́lɔ a kɔ́ nan pìíw na í. Mɔ a kɔ́ yafyɛn pye wi na í. Tɔ́ɔliw ni mii n náà gi cán mɔ i fɛ̀ɛgí mii Kolocɔlɔɔ na, àmɛɛ gi nyɛ lè mɔ ga cée mii ma mɔ jáaw na í, wi lè mɔ piinibingi.»

2 Samyɛli 22:31

Kolocɔlɔɔ kólogi kèlē n tɔ̀nɔ n sín n foro. Yawe syɛ́ɛnri i nyɛ wozɛʔɛgwɔɔrɔ ní. Bele myɛ be làrá wi ni lè, wi i nyɛ bele bee má tunmɔzige-yariga.

1 Cányi kèlē 1:14

ní Yebusi ye, ní Amɔri ye, ní Giirigasi ye,

1 Cányi kèlē 16:16

gee bee n jo joogaanni wi kpéʔele ní Abirahami ní lè, ní wi kàligi wi kpéʔele Izaaki ma lè.

Ɛsidirasi 9:15

Yawe, Isirayɛli Kolocɔlɔw, mɔ n sín, níì cán wolo n kòro níjanʔa àmɛɛ wogorobéle nyɛ lè. Wolo wo nyɛ bele mɔ yɛ́ʔɛ ma ní wolo kolomi ní, bi si pye kánmi bee felege na, wolo a gbǎn yére mɔ yɛʔɛ ma í.»

Nehemii 9:33

Gee myɛ gi wolo taa lè, mɔ n sín gi ni. Níì cán mɔ n tánʔa kányɛɛgi na, á wolo si kapeʔe pye.

Ŋúnuyi 116:5

Yawe i nyinimɛ taagi, wi n sín, wolo Kolocɔlɔw i nyɛ tàmagafɔlɔ.

Yirile 3:17

Mii si n jo: Mii a yele yirige Ezyipiti ni, beè yele nyɛ lè fɔ̀rɔgi ni bi kári ní yele ní Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye tári ma, táraa ma, dee di nyìn nɔ́nɔw, ní sárigi na ni fóo lè.›

Yirile 3:8

A mii si tìgi n pan ba be yirige Ezyipiti ye kɔ́yi ni, bi be yirige tári bee ni bi kári ní be ní táraa ma, dee di nyɔɔ lè níì kpɔ́ʔɔ. Táraa dii, dee di nyìn nɔ́nɔw, ní sárigi na ni fóo lè. Kanaan ye, ní Hɛti ye, ní Amɔri ye, ní Perezi ye, ní Hɛvi ye, ní Yebusi ye be yaà tári bee ni.

Ezekyɛli 33:24

«Syɔɔn-pya, bele be tɛ́ɛn gurubɛɛri bee ni lè Isirayɛli tásaligi na, pe i gi nyuu níì jo: ‹Abirahami maa pye wi nibin, ní baa tári fáliga taa, wolo bele si wo nɛʔɛ lè tári n kaan wolo ma di pye wolo wóro.›

Córolo 13:29

Amalɛki ye i nyɛ tári wòrogulo kàbangi na. Hɛti ye, ní Yebusi ye, ní Amɔri ye si i nyɛ nyanbeleyi kúlo ni, Kanaan ye si i nyɛ wodɛ́ɛnbéle ní sólomi lɔ̀ʔɔ nyɔ́ɔ na, ní Zyuridɛnw nyɔ́ɔ na.»

Córolo 23:19

Kolocɔlɔɔ o nyɛ syɔɔn bi finɛ í. Wi o nyɛ Adami pyà bi kɔ́ mii-ga-ra-cán joo keele na í. Gee wi joo lè, a wi a gi yaʔa lé sìngbeʔele ni? Wi ga syɛɛnrɛ joo, a wi a di yaʔa lé sìnvoro ni?

Kapyegèle 13:22

A Kolocɔlɔɔ wi yìrige, níì Davidi télege wi pye be fànʔafɔw, ní wɔ́ɔ̀ séeraw naa kpéʔele wi kéeli na níì jo: ‹Mii n Izayi jáaw Davidi nyaa a wi kéeli tɔ̀nɔ n yɛlɛ ní mii funzɔngumi ní, wi a ra mii nyɛ́nɛ kérigèle myɛ kpéʔele.›

Làlwaw Kaanziin 26:3

Mɔ a kári sáriga-wòlow ma, wee wi nyɛ lè fáliw na cányi bee ni, bi sa wi pye: ‹Mii a gi joo níjanʔa Yawe mɔ Kolocɔlɔw ma si jo mii n jée tári ni, dee kéele na Yawe da kàli wolo tóolɛɛbèle ma níì jo woro a di kaan wolo ma lè.›

Làlwaw Kaanziin 32:4

Woro wi nyɛ Fálagi. Wi fáliw n nyɔɔ n foro, wi kóloyi myɛ n sín. Woro wi nyɛ Kolocɔlɔw wi nyɛ lè tágala syɔ́ɔn, woro wi sín, ní i nyɛ kányɛɛgi fɔ́lɔ.

Làlwaw Kaanziin 7:1

«Lǎli ni Yawe mɔ Kolocɔlɔw ga sáà mɔ lége lè tári ni, dee ni mɔ a sa jée lè bi di syɔɔ taa, níì syɛɛnfeleyi nɛnɛ mɔ yɛ́ʔɛ ma, yee yi nɛʔɛ lè, yi lè Hɛti ye, ní Giirigasi ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye, syɛɛnfeleyi kɔrɔsiin, yee yi nɛʔɛ á yi fangi nɛʔɛ n sɔ̀lɔ mɔ wógi na lè,

Làlwaw Kaanziin 9:5

Mɔ sínni, ní mɔ funviiw báriga ni ban mɔ a jée be tári ni bi di syɔɔ taa í, kàjáa Yawe mɔ Kolocɔlɔw a syɛɛnfeleyi bee yirige yaà yi péemi kéele na. Wi a gee bee kpéʔele koro ga pye kéelee na wi kàli mɔ tofɔlɛɛyi Abirahami, ní Izaaki, ní Zyakɔbi ma lè, wi lee bee foro.

Tiiti 1:2

jàngó sìibangwɔɔw sɔ̀ngurɔ tɛɛtaʔaga í pye be ma, Kolocɔlɔɔ wi lè wi o finɛ nyáana í, wi maa sìíw bee nyɔ́ɔ fàli sáni làrigèle í séli lè.

Heburubèle 11:17

Tágali báriga ni Abirahami da Izaaki cò n wòlo sáriga, lǎli ni Kolocɔlɔɔ wi pye n wéle lè. Woro wee má Kolocɔlɔɔ da nyɔɔfaliyi kpéʔele lè, wi maa wi pìinibingi wòlo sáriga,

Heburubèle 6:18

jàngó yi katɛɛyi siin yi lè yi a gbǎn fàli í, Kolocɔlɔɔ si a wɔ́ɔ gbǎn finɛ yi kéeli na í, yee bee kéele í wolo kɛɛlɛ gbanʔama, wolo bele wo fàn n sáà sɔ̀ngumi tɛɛtaʔaga taa n cò níì syɔɔ lè, koro gee Kolocɔlɔɔ tɛ́ʔɛ wolo yɛ́ʔɛ ma lè.

Zyozuwe 11:23

A Zyozuwe tári myɛ syɔɔ n taa n yɛlɛ ní gee myɛ ní Yawe da joo Mowizi ma lè. A Zyozuwe di kaan Isirayɛli ye ma kɔrigɔ àmɛɛ wi di tíla be na lè syɛɛnfeleye syɛɛnfeleye. A tári ŋɔ́n n daa kapɛɛnni fɔ̀rɔgɔ na.

Zyozuwe 11:3

Wi maa wɔ́ɔ̀ tun Kanaan ye ma be pye lè canʔafolomɔ ní canʔajeemɛ kabangi na n fàra Amɔri ye, ní Hɛti ye, ní Perezi ye, ní Yebusi ye na be pye lè nyanbeleyi kúlo ni, n wɔ́ɔ̀ tun Hɛvi ye ma be pye lè wodɛ́ɛnbéle ní Hɛrimɔn nyanbelegi tìgimɛ ni Misipa tári ni.

Zyozuwe 23:14

Ye wéle, mii wi a kári wee níjanʔa tári syɛ̀ɛnnɛ myɛ tɛɛ̀káriga ni. Yele si n gi cán ní yele zɔ̌nbèle myɛ, ní yele fúnyi myɛ ní ncan syɛɛncanree myɛ Yawe yele Kolocɔlɔw da joo yele kéeli na lè, ti tàa faala ga kòro sìnvoro ni í. Ti myɛ n foro yele ma, yafyɛn ga fɔ̀n di ni í.

Zyozuwe 9:1

Lǎli ni Zyuridɛn canʔajeemɛ fanʔafɔbèle myɛ kéeli bee lóʔo lè, pe lè nyanbeleyi kúlo fànʔafɔɔlɔ, ní tɛɛfiigi, ní Sólomi Lòkpɔʔɔ nyɔ́ɔ fànʔafɔɔlɔ, nlaa n sáà sígi Liban na, pe nyɛ lè Hɛti ye, ní Amɔri ye, ní Kanaan ye, ní Perezi ye, ní Hɛvi ye, ní Yebusi ye,

1 Zyan 1:9

Wolo si ga ni yèré wolo kapeegèle ni, wi a ra ge kùsulugi syoo wolo ma sáā wolo jé da mùú bàā wolo sìnzinmi myɛ láari wolo na, wi i nyɛ tágala syɔ́ɔn níì sín.