Nehemii 9:7 - Cebaara Bible 2010

⁷ Mɔ wi nyɛ Yawe, wi lè Kolocɔlɔɔ, mɔ wi Abirami nyɛ́nɛ n wòlo, níì wi yirige Uri ni, ki lè Kalide ye wógi, níì wi mɛ́ɛgi le Abirahami.

Nehemii 9:7 Iomraidhean Croise

Sélimɛ 11:31

A Tera wi jáaw Abirami kɔ́ri n pínɛ ní wiyɛɛ ní n fàra wi pìinyanbiigi Lɔti na wi lè Haran jáaw, ní Sarayi wi lè wi pìíw Abirami céw. A be pínɛ n yiri Uri kěgi ni ki lè Kalide ye wógi bi kári Kanaan tári ma. A be sáà nan Karan na níì tɛ́ɛn yaà beè.

Sélimɛ 15:7

A wi níì wi pye: «Mii wi nyɛ Yawe, mii wee wi mɔ yirige lè Uri kěgi ni ki lè Kalide ye wógi, bi ba tári naa kaan mɔ ma di pye mɔ wóro.»

Sélimɛ 17:5

Pe a ní da mɔ yiri Abirami í, fwɔɔ pe a ra mɔ yiri Abirahami. Níì cán mii n mɔ kpéʔele mɔ í pye syɛɛnfele-nɛʔɛyɛ tóo.

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

1 Cányi kèlē 1:27

Abirami wi lè Abirahami.

Ezayi 51:2

Ye yele tóow Abirahami wéle, ní Sara, wee wi yele see lè. Níì cán wi maa pye wi nibin lǎli ni mii wi yeri lè, níì dùbaw kpéʔele wi ma, níì wi yòdaʔayi nɛʔɛ.»

Làlwaw Kaanziin 10:15

Mɔ tóolɛɛbèle yagana si na Yawe tan, a be kéeli wi dɛ́nɛ, a wi be yòdaʔayi nyɛ́nɛ n wòlo be kàdoʔo ma, yi lè yele, n yele yirige syɛɛnfeleyi myɛ nínge ni, àmɛɛ wo gi nyaa lè níjanʔa.