Nehemii 9:6 - Cebaara Bible 2010

⁶ Mɔ nibin wi nyɛ Yawe. Mɔ wi nyɛ̀ʔɛgèle sámaga, nyɛ̀ʔɛgèle myɛ ǹjoʔo ma nyɛ̀ʔɛgēle, ní ge yáriri myɛw, ní tári, ní yáriree myɛ di nyɛ di na lè, ní sólomi lòyo, ní yáriree myɛ di nyɛ yi ni lè. Mɔ wi sìíw kaangi toro myɛw ma. Nyɛ̀ʔɛni yárira myɛ i tíri ni tuun mɔ yɛ́ʔɛ ma.

Nehemii 9:6 Iomraidhean Croise

Sélimɛ 1:1

Làrizelili ni Kolocɔlɔɔ maa nyɛ̀ʔɛni ní tári yirige.

Sélimɛ 1:9

A Kolocɔlɔɔ jo: «Nyɛ̀ʔɛni táàmaw lɔ̀ʔɔ n yɛlɛ bi kpóʔoro bi sa kòro tɛʔɛ nibin ni, tɛɛwaʔa si yiri.» A gi pye nya.

Sélimɛ 2:1

Kánmi bee na Kolocɔlɔɔ kwɔ́ɔ nyɛ̀ʔɛni, ní tári, ní di yáriri myɛ faanna na.

Sélimɛ 32:2

A Zyakɔbi wi kólogi láa ni syée. A Kolocɔlɔɔ nyɛ̀ʔɛni tundunbèle pèle baa wi fàra.

1 Fànʔafɔbèle 22:19

A Misye si níì jo: «Awá, ki n yɛlɛ mi Yawe syɛ́ɛnri lóʔo! Mii n Yawe nyaa wodɛ́ɛɔn ní wi fàngoli na, á nyɛ̀ʔɛni kapɛɛnkpumɔnbéle yére wi taana wi kàliige ní wi kàmɔnɔ ma.

1 Fànʔafɔbèle 8:27

Kàjáa a Kolocɔlɔɔ a zǐn ba tɛ́ɛn lé tári na kányɛʔɛ na? Wéle, nyɛ̀ʔɛni ní li kpɔ́ʔɔganmi myɛ ní, li n cɛ́rɛ mɔ ni, n náa kɔ́ɔ̀ yére kpáagi naa na mii faan lè.

2 Fànʔafɔbèle 19:15

A Ezekyasi nyɛ́ɛrigi naa nyɛ́ɛri Yawe yɛ́ʔɛ ma níì jo: «Ee Yawe, Isirayɛli ye Kolocɔlɔw, mɔ wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

2 Fànʔafɔbèle 19:19

Koro na tɔ́ɔliw ni Yawe, mɔ wi lè wolo Kolocɔlɔw, wolo syɔɔ Senakeribi ma, tári fànya myɛ si gi cán bi cán mɔ Yawe nibin wi nyɛ Kolocɔlɔɔ.»

Nehemii 9:5

Levii ye be lè Zyozuwe, ní Kadimyɛli, ní Banii, ní Hasyabinya, ní Syerebya, ní Hodiya, ní Syebanya, ní Petahiya, a poro gi joo níì jo: «Ye yìri ye yére yáā Yawe yele kwɔ́ɔmɔ fun Kolocɔlɔw kpɔ̀ʔɔrɔ́. «Mɔ nijangbɔɔri mɛ́ʔɛ n yɛlɛ kaa kpɔ̀ʔɔrɔ́, koro gee gi sɔ̀lɔ lè dùbaw myɛ, ní sòololi myɛ na.

Ŋúnuyi 102:25

Mii n jo: «Mii Kolocɔlɔw, mɔ a kɔ́ mii láa yirige mii sìíw canya nínge ni í, mɔ wee sìi yɛ̀ʔɛlɛ ke a kòro lè bàā syée nya yìrigèle myɛ syɛ̀ɛnnɛ ma!»

Ŋúnuyi 103:21

Yaa Yawe kpɔ̀ʔɔrɔ́ wi nyɛ̀ʔɛni sùlasiibéle myɛ, yele bele ye nyɛ lè wi falipyebèle ní i wi kanidaangèle kpéʔele!

Ŋúnuyi 115:15

Yawe í dùbaw taʔa yele na, woro wee wi nyɛ̀ʔɛni ní tári faan lè.

Ŋúnuyi 124:8

Yawe mɛ́ɛgi gi wolo dɛ̀ɛmɛ́, woro wee wi nyɛ̀ʔɛni ní tári faan lè.

Ŋúnuyi 146:6

Wee wi nyɛ̀ʔɛni ní tári faan lè, ní sólomi lɔ̀ʔɔ, n fàra di fúnyi yárira myɛ na, wi n kányɛɛgi sámaga n màra làla o làla.

Ŋúnuyi 24:10

Wìí wi nyɛ Nìjangbɔɔrɔ Fanʔafɔw bee? Yawe wi nyɛ lè Nyɛ̀ʔɛni Sùlasiibéle Kafɔlɔ, woro wi nyɛ Nìjangbɔɔrɔ Fanʔafɔw bee! Ŋɔ́ndaala

Ŋúnuyi 33:6

Nyɛ̀ʔɛgèle n sámaga Yawe syɛ́ɛnri báriga ni, ke ŋɔripiigèle myɛ n sámaga wi nyɔ́ɔgi káfalaga báriga ni.

Ŋúnuyi 36:6

Ee Yawe, mɔ funjǎngi i yaà nyɛ̀ʔɛgèle na, mɔ kányɛɛgi n lúgu fwɔɔ n sáà nan fàfaanyi na.

Ŋúnuyi 86:10

Níì cán mɔ n kpɔ́ʔɔ, mɔ i kakpoloyo kpéʔele, mɔ nibin wi nyɛ Kolocɔlɔɔ.

Ezayi 37:16

«Ee Yawe, mɔ wi lè Nyɛ̀ʔɛni Sùlasiibéle Kafɔlɔ, Isirayɛli ye Kolocɔlɔw, mɔ wee wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

Ezayi 37:20

Tɔ́ɔliw ni, Yawe, mɔ wi lè wolo Kolocɔlɔw, wolo syɔɔ Senakeribi ma, tári fànya myɛ si gi cán mɔ Yawe nibin wi nyɛ Kolocɔlɔɔ.»

Ezayi 43:10

Yawe n jo: «Yele ye nyɛ mii séerabèle, ní mii falipyew ní, wee mii nyɛ́nɛ n wòlo lè, koro ga pye yele í mii cán si tága mii na, si gi cán bi cán mii wii. Wàa faala da sámaga yaà n pye Kolocɔlɔɔ mii yɛ́ʔɛ ma í, wàa si a ní wɔ́ɔ pye yaà mii kàdoʔo ma í.

Ezayi 44:6

Yawe wi lè Isirayɛli Fànʔafɔw, woro wee wi wi nyúngi syoo lè. Yawe wi nyɛ lè Nyɛ̀ʔɛni Sùlasiibéle Kafɔlɔ, wi n jo: «Mii wi nyɛ Wozeliw ní wɔ́ɔ i nyɛ Wozanw, wàa ní o nyɛ Kolocɔlɔɔ mii kàdoʔo ma í.

Ezayi 44:8

Yele a kɔ́ ra fɛ̀ɛgí í, yele a kɔ́ ra cɛ̀lɛ́ í. Mii ga gi joo n tɛ̀ɛn mɔ na làridɔɔnnɔ ni a mɔ gi lóʔo ì? Yele i nyɛ mii séerabéle. A wàa ní i nyɛ lé Kolocɔlɔɔ kapye mii ban í? Fálagaa nikwɔɔ ní o yaà í, mii ga níì kàa cán í.»

Ezayi 45:12

Mii wi tári kpéʔele, ní wɔ́ɔ̀ syɔɔn faan wi nyɛ di na lè. Mii wi nyɛ̀ʔɛgèle càli ǹjogi ni ní mii kɔ́yi ní, mii wi ge gbɛ̀ɛ́nmi yárira myɛ kàragí.»

Zyeremii 32:17

‹Ee Kàfɔw Yawe, mɔ wi nyɛ̀ʔɛgèle ní tári sámaga mɔ séekpɔɔw, ní mɔ kɔ́gi sánʔana báriga ni, yarigaa faala ga mɔ jáa í.

Ezekyɛli 20:11

A mii mii làlwaw kèlē kaan be ma, ní wɔ́ɔ̀ mii kajoodɛɛngèle tɛ̀ɛn be na, gele syɔɔn yɛlɛ bàā kpéʔele lè, koro ga pye bi kòro sìi na ke bárigaw ni.

Zyonasi 1:9

A wi be yari: «Mii i nyɛ Heburuo, Yawe mii kpɔ̀ʔɔrɔ́, wi lè nyɛ̀ʔɛni Kolocɔlɔɔ, woro wee wi sólomi lɔ̀ʔɔ ní tári kpéʔele lè.»

Zyan 10:30

Mii Tóow ní mii ní wolo i nyɛ nibin.»

Kapyegèle 4:24

Amɛɛ be gi lóʔo lè, a pe myɛ pínɛ n nyɛ́ɛri Kolocɔlɔɔ ma ní fungo nibin ní níì jo: «Kàfɔgbɔɔw, mɔ wee wi nyɛ lè nyɛ̀ʔɛni, ní tári, ní sólomi lòkpɔʔɔ, ní di fúnyi yárira myɛ faanfɔlɔ,

Làlwaw Kaanziin 10:14

Wéle, Yawe mɔ Kolocɔlɔw wòʔolo ge nyɛ nyɛ̀ʔɛgèle, ní nyɛ̀ʔɛgèle myɛ ǹjoʔo ma nyɛ̀ʔɛnɛ, n fàra tári, ní di fúngi yárira myɛ na.

Làlwaw Kaanziin 32:39

Koro na tɔ́ɔliw ni ye wéle, mii wi nyɛ Kolocɔlɔɔ, mii nibin pée, kolocɔlɔwaa nikwɔɔ ní o beè n fàra mii na í. Mii wi kpóoli kpéʔele, ní wɔ́ɔ i sìíw kaangi. Mii wi kpàlili kpéʔele, ní wɔ́ɔ i pɔʔɔli kpéʔele. Syɔɔn faala a gbǎn yarigaa yirige mii kɔ́gi ni í.

Làlwaw Kaanziin 6:4

Lóʔo Isirayɛli Yawe wolo Kolocɔlɔw wi nyɛ Yawe nibin.

Heburubèle 1:3

Jaafɔw bee wi nyɛ lè Kolocɔlɔɔ nìjangbɔɔri darigala, ní wi niwiriw, wi bárigaw syɛ́ɛnrɛ n dulunyanw yárira myɛ tɔʔɔ n yérige. Lǎli ni wi kapeegèle jéemununɔ kpéʔele n kwɔ́ɔ lè, a wi sáà tɛ́ɛn nyɛ̀ʔɛni ni, Nìjangbɔɔri Fɔ́lɔ kàliige ma.

Heburubèle 1:6

Lǎli ni si Kolocɔlɔɔ da wi pìiseliw lége lè dulunyanw ni, a wi gi joo níì jo: «Ki n yɛlɛ nyɛ̀ʔɛni tundunbéle myɛ í da wi kpɔ̀ʔɔrɔ́.»

Tɛ̀ɛnnɛ 14:7

A wi i gi nyuu ni yákpoli wáa níì jo: «Yaa fɛ̀ɛgí Kolocɔlɔɔ na, yáā wi mɛ́ɛgi kpɔ́ʔɔgi, ncan wi kútiiw làrijerile n nan. Yaa wi kpɔ̀ʔɔrɔ́ woro wee wi nyɛ̀ʔɛni, ní tári, ní sólomi lɔ̀ʔɔ, ní lǒgi púloweegéle kpéʔele lè.»

Tɛ̀ɛnnɛ 4:11

«Nìjangbɔɔri, ní kpɔ̀ʔɔrɔli, ní séew n yɛlɛ mɔ na, mɔ wi nyɛ lè wolo Kàfɔw ní wolo Kolocɔlɔw, níì cán mɔ wi yáriri myɛ faan, ki i nyɛ mɔ nyɛ́nɛ kéele di pye beè, mɔ n di faan n yɛlɛ ní mɔ nyɛ́nɛ kéeli ní.»