Nehemii 9:5 - Cebaara Bible 2010

⁵ Levii ye be lè Zyozuwe, ní Kadimyɛli, ní Banii, ní Hasyabinya, ní Syerebya, ní Hodiya, ní Syebanya, ní Petahiya, a poro gi joo níì jo: «Ye yìri ye yére yáā Yawe yele kwɔ́ɔmɔ fun Kolocɔlɔw kpɔ̀ʔɔrɔ́. «Mɔ nijangbɔɔri mɛ́ʔɛ n yɛlɛ kaa kpɔ̀ʔɔrɔ́, koro gee gi sɔ̀lɔ lè dùbaw myɛ, ní sòololi myɛ na.

Nehemii 9:5 Iomraidhean Croise

1 Fànʔafɔbèle 8:14

A fànʔafɔw wi yɛ́ɛgi fíige Isirayɛli syɛɛnkpoʔolomi myɛ ma n dùba kpéʔele bi ma. Isirayɛli syɛɛnkpoʔolomi myɛ si maa pye woyéremɛ ní.

1 Fànʔafɔbèle 8:15

Wi n jo: «Yawe n yɛlɛ waa wi kpɔ̀ʔɔrɔ́ wi lè Isirayɛli ye Kolocɔlɔw, woro wee wi da joo lè wi tiimaa nyɔ́ɔgi ni mii tóow Davidi ma, gee wi da joo lè níì gi foro wi séew báriga ni. Wi maa jo:

1 Fànʔafɔbèle 8:22

A Salomɔn yìri n yére Yawe sáriga-wòlo-yafaangi yɛ́ʔɛ ma Isirayɛli syɛɛnkpoʔolomi myɛ yɛ́ʔɛ ma níì kɔ́yi yìrige n wáa nyɛ̀ʔɛni ma,

1 Fànʔafɔbèle 8:27

Kàjáa a Kolocɔlɔɔ a zǐn ba tɛ́ɛn lé tári na kányɛʔɛ na? Wéle, nyɛ̀ʔɛni ní li kpɔ́ʔɔganmi myɛ ní, li n cɛ́rɛ mɔ ni, n náa kɔ́ɔ̀ yére kpáagi naa na mii faan lè.

1 Cányi kèlē 16:36

Yawe Isirayɛli Kolocɔlɔw n yɛlɛ waa wi kpɔ̀ʔɔrɔ́ làrigèle myɛ ni kwɔ́ɔmɔ fun. Syɛ́ɛnbèle myɛ n yɛlɛ be jo: «Amiina! Aleluya.»

1 Cányi kèlē 29:11

Ee Yawe, kpɔ́ɔmi, ní fǎngi, ní gbɛ̀ɛ́nmi, ní bàngwɔɔw, ní nìjangbɔɔri i nyɛ mɔ wóro. Níì cán yáriri myɛ di nyɛ lè nyɛ̀ʔɛni, ní tári na, mɔ wóro dii. Fǎngi i nyɛ mɔ wóʔo Yawe. Mɔ wi nyɛ Kàfɔw yáriri myɛ nyúngo na.

1 Cányi kèlē 29:13

Tɔ́ɔliw ni wolo Kolocɔlɔɔ, wolo i mɔ kpɔ̀ʔɔrɔ́, ní i mɔ nijanri mɛ́ʔɛ sòoló.

1 Cányi kèlē 29:20

Koro kàdoʔo ma a Davidi syɛɛnkpoʔolomi myɛ pye: «Ye Yawe yele Kolocɔlɔw kaan bariga na.» A syɛɛnkpoʔolomi myɛ Yawe be toolɛɛbèle Kolocɔlɔɔ kaan bariga na. Pe maa tìgi n kpùmɔnɔ n yɛ́ɛyi cíbele Yawe yɛ́ʔɛ ma, ní fànʔafɔw yɛ́ʔɛ ma.

2 Cányi kèlē 20:13

A Zyuda ye myɛw yére n kòro Yawe yɛ́ʔɛ ma àlí ní be pìiyilibèle ní, n fàra be cébèle, ní be jáabèle na.

2 Cányi kèlē 20:19

Levii ye be lè Kehati yòdaʔayi wòolo, ní bele be lè Kore yòdaʔayi wòolo, a poro pèle yìri n yére bàā Yawe Isirayɛli ye Kolocɔlɔw kpɔ̀ʔɔrɔ́ ní yákpogbɔɔlɔ ní.

Ɛsidirasi 3:11

A pe i ŋúnugi syoo peyɛɛ ma ni Yawe sòoló, ní i bariga kaangi wi ma níì jo: «Níì cán wi n nyɔɔ, níì cán wi funjǎngi a tée kwɔ́ɔ Isirayɛli kàbangi na í.» A syɛ́ɛnbèle myɛ i yákpogèle wáa gbanʔama ni Yawe kpɔ̀ʔɔrɔ́, níì cán pe maa Yawe kpáagi kàpɔɔn le.

Nehemii 9:4

A Zyozuwe, ní Binuyi, ní Kadimyɛli, ní Syebanya, ní Bunii, ní Syerebya, ní Banii, ní Kenanii lúgu Levii ye yafaangi na, níì yákpogèle wáa gbanʔama Yawe be Kolocɔlɔw kurugo.

Nehemii 9:6

Mɔ nibin wi nyɛ Yawe. Mɔ wi nyɛ̀ʔɛgèle sámaga, nyɛ̀ʔɛgèle myɛ ǹjoʔo ma nyɛ̀ʔɛgēle, ní ge yáriri myɛw, ní tári, ní yáriree myɛ di nyɛ di na lè, ní sólomi lòyo, ní yáriree myɛ di nyɛ yi ni lè. Mɔ wi sìíw kaangi toro myɛw ma. Nyɛ̀ʔɛni yárira myɛ i tíri ni tuun mɔ yɛ́ʔɛ ma.

Zyɔbi 1:21

níì jo: «Mii n yiri mii nɔ́ɔw láʔa ni níbori, mii si a wɔ́ɔ lúru kári yaà níbori. Yawe wi gi kaan, Yawe si wi wɔ́ɔ̀ gi syɔɔ. Yawe mɛ́ɛgi gi yɛlɛ kaa kpɔ̀ʔɔrɔ́!»

Ŋúnuyi 106:2

Wìí syɔ́ɔn wi a gbǎn Yawe séew kapyegèlē kéele joo? Wìí wi a gbǎn wi sòololi kèlē myɛ joo bi tɛ̀ɛn?

Ŋúnuyi 134:1

Njogi lúgufɔɔlɔ ŋúnugo. Wéle, yaa Yawe kpɔ̀ʔɔrɔ́, yele Yawe falipyebèle myɛ, yele bele ye yèré Yawe kpáagi ni yébiliyi ni lè.

Ŋúnuyi 145:2

Mii a ra mɔ kpɔ́ʔɔgi canʔa o canʔa sáā mɔ mɛ́ɛgi sòoló làla o làla kwɔ́ɔmɔ fun.

Ŋúnuyi 145:5

Mii a ra mɔ séekpɔɔw nìjangbɔɔrɔ kéele nyuu. Mii a ra mɔ bingaataa-kérigèle ŋúu.

Ŋúnuyi 146:2

Yawe mii caa bàā sòoló mii sìíw myɛ ni, n tɛ́nɛ̀ mii yaʔa beè, mii a ra mii Kolocɔlɔw kpɔ̀ʔɔrɔlɔ ŋúnuyo ŋúu.

Ŋúnuyi 16:2

Mii n gi joo Yawe ma níì wi pye: «Yawe, mɔ wi nyɛ mii Kàfɔw, yacanga ní o nyɛ mii ma n sɔ̀lɔ mɔ na í!»

Ŋúnuyi 66:2

Yaa wi mɛ́ɛgi kpɔ́ʔɔlɔ kéele ŋúu, yaa nìjangbɔɔri taari wi na ní sòololo ní!

Ŋúnuyi 99:3

Mɔ mɛ́ɛkpɔɔgi n yɛlɛ paa gi kpɔ̀ʔɔrɔ́ ki lè fyáara wóʔo ní! Yawe n nyɔɔ!

Yirile 15:11

Ee Yawe, wìí wi nyɛ mɔ félege kolocɔlɔbèle nínge ni? Wìí wi sín n foro àmɛɛ mɔ nyɛ lè? Wìí wi nyɛ mɔ félege, wee wi nyɛ lè wojaɔn ní n foro, ní i nyɛ fyáara yáriga, níì yɛlɛ ní kpɔ̀ʔɔrɔlɔ ní, ní i kakpoloyo kpéʔele?

Yirile 15:6

Ee Yawe, mɔ kaliige kɔ́gi n mɔ fandaari nìjanra tɛ̀ɛn. Ee Yawe, mɔ kaliige kɔ́gi n nigoow tɔ́nʔɔnɔ.

Danyɛli 2:20

Danyɛli n syɛ́ɛnri láa n gi joo níì jo: «Kolocɔlɔɔ mɛ́ɛgi n yɛlɛ bàā kpɔ̀ʔɔrɔ́ làla o làla kwɔ́ɔmɔ fun! Níì cán woro má sícilimi ní fǎngi nyɛ.

Matye 11:25

Lǎli bee ni a Zyezu fala n gi joo níì jo: «Mii i bariga kaangi mɔ ma, Abaa, mɔ wi lè nyɛ̀ʔɛni ní tári Kàfɔlɔ, níì cán mɔ n kérigèle naa làriga sícilibèle ní kacánbèle na, níì ge tɛ̀ɛn pìíbèle na.

2 Korɛnti ye 4:6

Níì cán Kolocɔlɔɔ wi gi joo lè níì jo: «Gbɛ̀ɛ́nmi í da nyín da yirigi yébilimi ni,» woro wonijanw wi wɔ́ɔ̀ gbɛ̀ɛ́nmi lége wolo fúnyi ni, jàngó woro nìjangbɔɔri cánna gbɛɛnmɛ í da nyín da yirigi Kirisi yɛ́ɛgi ni.

Làlwaw Kaanziin 28:58

Mɔ ga pye mɔ ga làlwaw naa syɛ́ɛnrɛ myɛ cò ní i di kpéʔele í, toro dee di sɛ́bɛ lè sɛ́bɛw naa ni, mɔ ga pye mɔ o fɛ̀ɛgí nìjangbɔɔrɔ, ní fyáakpɔɔrɔ mɛ́ɛgi naa na í, ki lè Yawe mɔ Kolocɔlɔw,

1 Pyɛri 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa,

Jàbɔbèle 13:18

A Yawe nyɛ̀ʔɛni tunduɔn wi yari: «Nyàʔá na mɔ mii yíbe mii mɛ́ɛgi na? Ki i nyɛ bìngaara mɛ́ʔɛ.»