Nehemii 9:2 - Cebaara Bible 2010

² Bele pe da pye lè Isirayɛli yòdaʔayi wòolo, a poro wàli n láʔa nibɔnbèle myɛ na, níì peyɛɛ gbóʔoro n baa yére be kapeegèle, ní be toolɛɛbèle kolomɔ ni.

Nehemii 9:2 Iomraidhean Croise

1 Fànʔafɔbèle 8:47

n be yaʔa yaà tári ni, beè pe a pye lè pulobèlē, pe ga baa sɔ̀ngi n taa níì kàdoʔo wáa be kapeeli ma, n be yaʔa yaà be jáafɔbèle tára ni, pe ga yére gi ni n gi joo níì jo: ‹Wolo n kapeele pye, wolo n kolo, wolo n kapeʔe pye,›

Ɛsidirasi 10:11

Tɔ́ɔliw ni ki n yɛlɛ ye yére yele kapeegèle ni Yawe yele tóolɛɛbèle Kolocɔlɔɔ yɛ́ʔɛ ma, ye wi nyɛnɛ kéeli kpéʔele. Ye yeyɛɛ wàli ye láʔa tári syɛɛnfeleye, ní syɛɛnfeleyi càbala na.»

Ɛsidirasi 6:21

Isirayɛli wóbèle pe da cò n kári á pe lúru n pan lè, a poro Sɔ̀lɔ-mí-yaʔali lìile lìi, n fàra bele myɛ na pe da peyɛɛ ceri n láʔa lè syɛɛnfeleyi yanɔnʔɔrɔ na, ní baa fàra be na a pe i Yawe caa wi lè Isirayɛli Kolocɔlɔw.

Ɛsidirasi 9:1

Gee bee cɔɔnrigwɔɔlɔ kadoʔo ma, a kùndigibèle pan mii ma n baa jo: «Isirayɛli syɛ́ɛnbèle, ní sáriga-wòlobèle, ní Levii ye ga wàli n láʔa tátɛɛyi syɛ̀ɛnnɛ, ní be yanɔnʔɔri na í, ti lè Kanaan ye, ní Hɛti ye, ní Perezi ye, ní Yebusi ye, ní Amɔn ye, ní Mowabi ye, ní Ezyipiti ye, ní Amɔri ye wóri.

Ɛsidirasi 9:15

Yawe, Isirayɛli Kolocɔlɔw, mɔ n sín, níì cán wolo n kòro níjanʔa àmɛɛ wogorobéle nyɛ lè. Wolo wo nyɛ bele mɔ yɛ́ʔɛ ma ní wolo kolomi ní, bi si pye kánmi bee felege na, wolo a gbǎn yére mɔ yɛʔɛ ma í.»

Ɛsidirasi 9:2

Níì cán pe n bele bee pìíbèle pèle láa be càbala, ní wɔ́ɔ̀ pèle láa n kaan pe jáabèle ma, a syɛɛnfelecǎngi nyáʔami tátɛɛyi bee syɛ̀ɛnnɛ ni, àlí kùndigibèle, ní kútiijoobèle be pye wozelibèle kapeegi bee pyele na.»

Nehemii 1:6

ki n yɛlɛ mi mɔ líiyi cáan, mí mɔ nyapiigèle múgu mi mɔ falipyew nyɛ́ɛrigɛ lóʔo. Mii i nyɛ nyɛ́ɛrigɛ na mɔ yɛ́ʔɛ ma lǎli naa ni, canʔa ní yébilige, mɔ falipyebèle Isirayɛli ye kéeli na. Mii n yére Isirayɛli ye kapeegèle ni, kapeegèle wolo pye mɔ na lè. Mii ní mii kpáagi wòolo n kapeele pye.

Nehemii 10:28

ní Maluki, ní Harimi, ní Baana.

Nehemii 10:29

Gee si gi syɛɛnsanbèle kéele kwɔ́ɔ lè, pe lè sáriga-wòlobèle, ní Levii ye, ní kpàánweegèle kɔ̀rɔsiifɔɔlɔ, ní ŋùuvɔbèle, ní Netinyɛbèle, ní bele myɛ be wàli n láʔa tátɛɛyi syɛɛnfeleye na bi taʔa Kolocɔlɔɔ làlwaw na lè, poro cébèle, ní be nànbiigèle ní be calipiigèle, poro bele myɛ ni sícilimɛ, ní cánna pye lè,

Nehemii 13:3

Lǎli ni be làlwaw syɛ́ɛnrɛ lóʔo lè, a be nibɔnbèle myɛ cɔɔnri n yirige Isirayɛli ye ni.

Nehemii 13:30

A mii be jée n mùnu n nibɔnbèle kánma myɛ láʔa be na, níì sáriga-wòlobèle ní Levii ye télege be fáliw na, wee pe myɛ nibin nibin yɛlɛ paa kpéʔele lè.

Ŋúnuyi 144:11

Mii syɔɔ, mii yirige bele kɔ́yɔ ni be yìri táraa nikwɔɔ ma lè, poro bele nyɔ́ɔyɔ yi jànvaa syɛ́ɛnri nyuu lè, ní i be kàliiyi yìrigí jànvaaw kàliya na.

Ŋúnuyi 144:7

Mɔ kɔ́yi sánʔa yaà ǹjogi ni, mii syɔɔ, mii kíle mi yirige lòkpoloyi ni, mii yirige bele kɔ́yɔ ni be yìri táraa nikwɔɔ ma lè,

Kàseegèle 28:13

Wee wi wi kolomi kèlē làragí lè, wi kérigèle o nyɔɔgi í. Kàjáa wee wi ge nyuu ni tèé lè, ní i láari ge na, nyinimɛ i taagi wi na.

Ezayi 2:6

Mɔ n tɔ̀nɔ n mɔ syɛ́ɛnbèle yaʔa, pe lè Zyakɔbi kpáagi wòolo, níì cán pe n nyìn canʔafolomɔ wóbèle kalɛɛgéle na, ní cɛ́lɛfɔbèle na àmɛɛ Filisitini ye nyɛ lè, á pe wɔ́ɔ̀ bɛ̀ɛ ní táraa nikwɔɔ wòolo ní.

Zyeremii 14:20

Yawe, wolo n wolo péemi kéele cán, ní wolo tóolɛɛbèle kolomɔ kéele. Níì cán wolo n kapeele pye mɔ na.

Zyeremii 3:13

Ki n yɛlɛ mɔ í tɛ́nɛ mɔ kolomi cán. Ki cán Yawe mɔ Kolocɔlɔw kánma na mɔ céemi kpéʔele. Mɔ n fàn n kári kàbanyi myɛ na nibɔnbèle kurugo, tiipiriyi myɛ láara ni, yele ga téè mii jóomi lóʔo í.› » Yawe wi jo nya.

Danyɛli 9:20

Mii maa sèʔê pye jooli na, mii maa ni nyɛ́ɛri, mii maa ni mii kapeeli nyuu ni tèé, ní mii syɛ́ɛnbèle Isirayɛli ye kapeeli, ní i mii nyɛ́ɛrigboloyi nyɛ́ɛri Yawe mii Kolocɔlɔw ma, mii Kolocɔlɔw nyanbejànga kéele na.

Oze sɛ́bɛw 5:7

Pe n Yawe jànváa, níì cán pe n kanɔnʔɔrɔ piibéle see, tɔ́ɔliw ni, pe ní be kɔlɔ̀ yáriri a káa bi kwɔ́ɔ yeʔe nibin fúngo ni.