Nehemii 9:16 - Cebaara Bible 2010

¹⁶ Kàjáa wolo tóolɛɛbèle n nɛ̀ɛnyɛnɛgɛ kpéʔele. Pe n be nyúnyi waʔa, pe ga mɔ tundunri lóʔo í.

Nehemii 9:16 Iomraidhean Croise

2 Fànʔafɔbèle 17:14

Kàjáa pe ga fɔ̀lɔ n lóʔo í, fwɔɔ a pe be nyúnyi waʔa àmɛɛ be toolɛɛbèle da pye lè, bele be lè pe da tága Yawe be Kolocɔlɔw na í.

2 Cányi kèlē 29:6

Níì cán wolo tóolɛɛbèle n kolo, gee gi pee Yawe wolo Kolocɔlɔw nyɛ́nɛ na lè, pe n koro kpéʔele. Pe n wi yaʔa, pe n be yɛ́ɛyi kàriga n yirige Yawe tɛɛcǎngi ni, níì kàdoʔo wáa wi ma.

2 Cányi kèlē 30:8

Koro na lǎli naa ni, yele a kɔ́ pye líiweepɛɛnnɛ syɛɛnnɛ àmɛɛ yele tóolɛɛbèle da pye lè í. Ye kɔ́yi kaan Yawe ma. Yáā maa wi tɛɛcǎngi ma wi sámaga n yaʔa lè gi kòro beè làla o làla, ye ba ra jǐn gi ni yaa báara Yawe yele Kolocɔlɔw ma, koro ga pye wi fundanʔari káfugbanga í kàri bi láʔa yele na.

2 Cányi kèlē 36:13

Alí wi maa caà fànʔafɔw Nebukadinezari cée, woro wee wi da wi kɔ́ri a wi kàli Kolocɔlɔɔ na lè. A wi wi líiweeli pɛɛn níì wi zɔ̌nw gbàn, wi ga fɔ̀lɔ n lúru n pan Yawe Isirayɛli Kolocɔlɔw ma í.

Nehemii 9:10

Mɔ n fɛ̀ɛbēle ní kakpoloyo kpéʔele Faraɔnw ní wi syɛɛnkpolobèle myɛ, ní wi tári syɛ̀ɛnnɛ myɛ kánma na, níì cán mɔ maa gi cán nyùnwaagee felege ní pe da wolo tóolɛɛbèle cò lè, a mɔ mɛ́ɛkpɔʔɔ taa, gee gi nyɛ mɔ na lè, àlí n baa nan níjanʔa na.

Nehemii 9:29

Mɔ n be sàmi jàngó pe ní lúru pan mɔ làlwaw ma, kàjáa a be nɛ̀ɛnyɛnɛgɛ kpéʔele, pe ga fɔ̀lɔ mɔ kajoodɛɛngèle na í. Pe n kapeele pye mɔ làlwaw kajoogéle na, koro gele ge sìi kaangi bele ma pe ge có lè. Pe n bòʔogèle nyɛ́ʔɛ níì céemɛ kpéʔele, pe ga fɔ̀lɔ n lóʔo í.

Ŋúnuyi 106:6

Wolo n kapeegèlē kpéʔele àmɛɛ wolo tóolɛɛbèle da ge kpéʔele lè, wolo n kolomɔ kele kpéʔele, wolo kapyegèle n pee.

Ŋúnuyi 81:8

Mɔ n mii mɛ́ɛgi yeri mɔ wɔʔɔli làla ni, a mii mɔ syɔɔ. Mii n syɔɔ mɔ ma nyɛ̀ʔɛdǐnni fúngo ni. Mii n mɔ pye n wéle Meriba lógi taana. Ŋɔ́ndaala

Yirile 15:26

Wi n be pye: «Yele ga ni mii Yawe yele Kolocɔlɔw jóomɔ sámagi ni lúro, ní i gi kpéʔele gee gi sín mii nyɛ́nɛ na lè, níì yele líiyi cáan ni mii kajoodɛɛngèle lúro, níì mii làlwaw kèlē myɛ kɔn ní i ge kpéʔele, yáamee mii cáan Ezyipiti ye na lè, mii a tée bi pàa cáan yele na í. Níì cán mii wi nyɛ Yawe, wee wi yele poori lè.»

Yirile 32:9

A Yawe gi joo Mowizi ma níì jo: «Mii n gi nyaa syɛ́ɛnbèle naa tɔ̀nɔ́ i nyɛ líiweepɛɛnnɛ syɛɛnnɛ.

Kàseegèle 29:1

Syɔɔnwee na be fúlo lè, á wi wi nyúngi waʔa, wi a ba pàlá tɔ́nʔɔnɔ tiinmɛ o gi na í.

Ezayi 48:18

Ee, mɔ ga maa yákirii yaʔa mii tundunri na, mɔ yɛɛ̀nyingi a dée pye àmɛɛ cábiga nyɛ lè, mɔ sínni a dée pye àmɛɛ sólomi lɔ̀ʔɔ kùnguruyo nyɛ lè.

Ezayi 48:4

Mii maa gi cán mɔ n gbàn n sɔ̀lɔ, mɔ yátiigi i nyɛ tunmɔganaga, mɔ gbáali si i nyɛ kanyɛɛnrɛ.

Ezayi 63:10

Kàjáa pe n céemɛ kpéʔele, pe n wi Pìicǎnni fúngo tanʔa, a wi kàri n pye pe nigoo, woro wi kapɛɛnni kpúmɔn ní be ní.

Zyeremii 19:15

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyi myɛ kéele mii joo kěgi naa kánma na lè, mii a yi yaʔa yi too gi na, ní kěyee myɛ na, yee yi nyɛ gi taana lè. Níì cán pe n be nyùngbaabèle kpee jàngó poro a kɔ́ mii syɛ́ɛnri lóʔo í.› »

Zyeremii 2:31

Ee! Yele ye nyɛ lè lǎli naa syɛ̀ɛnnɛ, ki n yɛlɛ yaa Yawe syɛ́ɛnri córo! A mii da pye lé fìimɛ tára Isirayɛli ma, wàlá yébilimɛ tára? Nyàʔá na mii syɛ́ɛnbèle gi nyuu níì jo: ‹Wolo i nyɛ woyɛɛ ma, wolo o caa bi ní lúru pan mɔ ma í?›

Zyeremii 7:26

Kàjáa pe ga lóʔo mii ma í, pe ga líiyi cáan í, pe n be nyùngbaabèle kpee, pe n kapeele pye n sɔ̀lɔ pe toolɛɛbèle na.›

Ezekyɛli 5:6

a wi si céemɛ le wiyɛɛ ni mii làlwaw kajoogéle ní mii làlwaw kèlē kánma na ní peemɛ ní n sɔ̀lɔ tári syɛɛnfeleye na, ní tátɛɛyi na yi wi màʔa lè, níì cán pe n mii làlwaw kajoogéle yaʔa, pe o táanri ni yɛlɛgi ní mii làlwaw kèlē ní í.

Kapyegèle 7:51

Yele nyùngbowaayi syɛ̀ɛnnɛ, yele bele ye nyɛ lè sìngɛnɛbéle yele fúnyi ni, ní yele líiweegèle kàbaan na, ní wɔ́ɔ i Pìicǎnni kábala làla o làla, àmɛɛ yele tóolɛɛbèle da pye lè, ànbée yele wɔ́ɔ̄ nyɛ.

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Làlwaw Kaanziin 31:27

Níì cán mii n mɔ céemi kéele ní mɔ sinloʔomi kéele cán. Kapye n mii yaʔa naa woweeo ní ní yele ní, yele i sìnloʔomi kpéʔele ní Yawe ní, mii ga kùu, koro wóʔo a náa tóro ì?

Làlwaw Kaanziin 32:15

Yesyurun n sìnmɛ le, a wi jáma. Mɔ n baa sìnmɛ le níì kpɔ́ʔɔ n pòlogo, a wi Kolocɔlɔɔ yaʔa wi lè wi Faanfɔw. Wi n wi syɔ́ɔli Fálaga faʔa.

Làlwaw Kaanziin 5:29

Ee! Ki maa yɛlɛ be fúnyi í dée kòro kánmi naa na làla o làla, paa fɛ̀ɛgí mii na si mii kajoodɛɛngèle myɛ sámaga cò, koro ga pye be kòro fundaanra na kwɔ́ɔmɔ fun, poro ní be pìíbèle ní.

Làlwaw Kaanziin 9:13

A Yawe mii pye: ‹Mii nyɛ́nɛ i nyɛ syɛ́ɛnbèle naa na, pe i nyɛ líiweepɛɛnnɛ syɛɛnnɛ.

Làlwaw Kaanziin 9:27

Sɔ̀ngi mɔ falipyebèle kéele na pe lè Abirahami, ní Izaaki, ní Zyakɔbi. Mɔ a kɔ́ ra syɛ́ɛnbèle naa líiweepɛɛnnɛ, ní be péemi, ní be kapeeli wéle í.

Làlwaw Kaanziin 9:6

Koro na ki n yɛlɛ mɔ í gi cán mɔ sínni kéele na ban Yawe mɔ Kolocɔlɔw a tácǎnri bee kaan mɔ ma mɔ í di syɔɔ taa í. Níì cán mɔ i nyɛ líiweepɛɛnnɛ syɛɛnfelege.

Heburubèle 3:13

Kàjáa ki n yɛlɛ yele í da yeyɛɛ kɛɛlɛ canʔa o canʔa àmɛɛ Kolocɔlɔɔ lǎli naa yiri lè Níjanʔa, koro ga pye yele wàa faala a kɔ́ gi yaʔa kapeelaa í wi fáana pùuni wi zɔ̌nw í nìri kapeeli bee báriga ni í.

Heburubèle 3:15

àmɛɛ gi joo lè níì jo: «Yele ga Kolocɔlɔɔ yákpoli lóʔo níjanʔa, ki ga yɛlɛ yele í kɔ́ yele zɔ̌nbèle nìri àmɛɛ pe da gi kpéʔele céemi làla ni lè í.»