Nehemii 9:12 - Cebaara Bible 2010

¹² Mɔ maa ni be yɛ́ɛgi kínigi ní fàfaantɔnɔgɔ ní cángi làla ni, ní i be yɛ́ɛgi kínigi ní naà-tɔ́nɔgɔ ní yébiligi làla ni, gee ki da ni gbɛ̀ɛnmɛ yirigi be ma pe kôgárigi ni lè.

Nehemii 9:12 Iomraidhean Croise

Nehemii 9:19

Mɔ si na, mɔ nyininɛʔɛmi báriga ni mɔ ga be cée n yaʔa fìími tára ni í. Fàfaantɔnɔgi ga be yɛ́ɛgi kíninɛ yaʔa cángi làla ni pe kôgárigi ni í, wàlá naà-tɔ́nɔgi yébiligi làla ni, bàā gbɛ̀ɛnmɛ yirigi be ma pe kôgárigi ni í.

Ŋúnuyi 105:39

Wi maa fàfanʔa yirige n be tɔ́n, ní i naà gbɛ̀ɛnmɛ yirigi be ma yébiligi ni.

Ŋúnuyi 107:7

Wi n be yɛ́ɛgi kíni kôzíngi ni jàngó be sa nan kàʔa na, gee ni pe a tɛ́ɛn lè.

Ŋúnuyi 143:8

Ki yaʔa mii í mɔ funjǎngi kéele lóʔo nyǐngi nyɔ́ɔ na pɛɛn pɛɛn! Níì cán mɔ na mii niyɛɛ daʔa. Kólogi tɛ̀ɛn mii na, gee ni mii yɛlɛ bàā táanri lè! Níì cán mii n mii fúngi fíige mɔ ma.

Ŋúnuyi 78:14

Wi maa ni pe yɛ́ɛgi kínigi cángi làla ni ní fàfaantɔnɔgɔ ní, ní i syée pe yɛ́ɛgi na ní naàgbɛɛnmɛ ní, yébiligi myɛ ni.

Yirile 15:13

Mɔ n syɛ́ɛnbèle naa yɛ́ʔɛ kíni, poro bele nyúnyo mɔ syɔɔ lè mɔ funjǎngi báriga ni, Mɔ n be yɛ́ɛgi kíni mɔ séekpɔɔw báriga ni ni syée ní be ní mɔ tɛɛkòrojǎngi ma.

Ezekyɛli 20:6

Cángi bee na mii mii kɔ́gi yìrige níì kàli be ma níì jo mii a be yirige Ezyipiti tári ni bi sa lége táraa ni, dee mii da wéle n yaʔa be ma lè, táraa dii, dee di nyìn nɔ́nɔw ní sárigi na ni fóo lè, dee di nyɔɔ n sɔ̀lɔ tátɛɛyi myɛ na lè.

Córolo 9:16

A gi kòro kánmi bee na làla o làla, a fàfaangi gi tɔ́n, ki ga pye yébiligi ni fàfaangi n pye mɔ a jo naà gii.

Córolo 9:21

Fàfaangi si ga pye yaà cângwɔɔgi nyɔ́ɔ na níì yìri nyǐngi nyɔ́ɔ na, pe n wɔ́ɔ̀ yìri nyǐngi nyɔ́ɔ na n kári. Fàfaangi ga kwɔ́ɔ canʔa nibin, ní yébilige nibin, níì yìri, pe n yìri n kári.

Làlwaw Kaanziin 1:33

Woro wee wi da ni syée yele yɛ́ɛgi na lè kólogi ni n sa ni fànikpaayi tɛɛ̀kórigo caa yele ma. Ki ga pye yébiligi ni, ki n pye naà, cángi làla ni, ki n pye fàfanʔa, jàngó bàā yele kozɔ̀lɔgi tèé yele na.