Nehemii 9:11 - Cebaara Bible 2010

¹¹ Mɔ n sólomi lɔ̀ʔɔ tíla pe yɛʔɛ̀ ma, a be foro sólomi lɔ̀ʔɔ nínge ni, táwaara na. Kàjáa bele pe da taʔa be na ni nɛnɛ lè mɔ n poro wáa weecurugi ni àmɛɛ pe kàdɛnɛgɛ wáa lè lòkpɔʔɔ ni.

Nehemii 9:11 Iomraidhean Croise

Ŋúnuyi 78:13

Wi maa sólomi lɔ̀ʔɔ tíla níì be yaʔa a be tánʔa n sɔ̀lɔ, wi maa lǒgi yérige n kpoʔolo.

Heburubèle 11:29

Tágali báriga ni Isirayɛli ye da Sólomi Lònyɛnʔɛ jeli mɔ a jo táwaara tɛ́ʔɛ gii, a Ezyipiti ye ga jo poro a ŋàʔana bi gi jeli, a gi be wáa.

Ŋúnuyi 66:6

Wi n sólomi lɔ̀ʔɔ kàriga n pye táwaara, pe n cábigi jeli tɔ́lɔyi na, tɛ́ɛgi bee ni, a wolo fundaanra kpéʔele wi ni.

Tɛ̀ɛnnɛ 18:21

Lǎli bee ni a mii nyɛ̀ʔɛni tundunwaa nyaa, wee fànʔa gi nɛʔɛ lè gbanʔama, a wi fala n kàdɛnɛgbɔʔɔ láa n yìrige ǹjogi ni, gee gi kpɔ́ʔɔ n yɛlɛ ní tírekpɔʔɔ ní lè, n sáà wáa sólomi lɔ̀ʔɔ ni níì jo: «Kánmi naa na pe a kèkpɔɔgi Babilɔni wáa fundanʔara na, syɔɔn a ní gi nyaa nyáana í.

1 Korɛnti ye 10:1

Ni senyɛ̀nnɛ, mii o caa yele í pye kéeli naa sìnján ni í. Wolo tóolɛɛbèle myɛ maa pye fàfaangi láara ni, pe myɛ n tánʔa n sɔ̀lɔ Sólomi lɔ̀ʔɔ nínge ni.

Yirile 14:14

Yawe a kapɛɛnni kpúmɔn bi kaan yele ma. Yele si na, ki n yɛlɛ ye kòro pyèrio.»

Yirile 14:25

Wi maa be kapɛɛnkpumɔn-wòtorobèle sàkoyo kɔ́nɔgi n táriga, a be tánʔani kéele gbàn. Lǎli bee ni a Ezyipiti ye jo: «Ye tíi waa fé Isirayɛli ye na. Níì cán Yawe i kapɛɛnni kpúmɔn ní wolo Ezyipiti ye ní ni kaangi be ma.»

Yirile 14:29

Kàjáa Isirayɛli syɛ́ɛnbèle maa tánʔa n foro sólomi lɔ̀ʔɔ nínge ni ní tɔ́lɔyi ní woweregiye ní. A lǒgi yére n pye be ma gungo pe kàliige ní be kàmɔnɔ ma.

Zyeremii 32:20

Mɔ n fɛ̀ɛbēle ní kakpoloyo tɛ̀ɛn Ezyipiti tári ni fwɔɔ n baa nan níjanʔa na Isirayɛli ni, ní syɔɔn ye níngi ni, mɔ n miyɛɛ mɛ́ɛgi kpɔ́ʔɔ àmɛɛ gi nyɛ lè níjanʔa.