Nehemii 9:10 - Cebaara Bible 2010

¹⁰ Mɔ n fɛ̀ɛbēle ní kakpoloyo kpéʔele Faraɔnw ní wi syɛɛnkpolobèle myɛ, ní wi tári syɛ̀ɛnnɛ myɛ kánma na, níì cán mɔ maa gi cán nyùnwaagee felege ní pe da wolo tóolɛɛbèle cò lè, a mɔ mɛ́ɛkpɔʔɔ taa, gee gi nyɛ mɔ na lè, àlí n baa nan níjanʔa na.

Nehemii 9:10 Iomraidhean Croise

Nehemii 9:16

Kàjáa wolo tóolɛɛbèle n nɛ̀ɛnyɛnɛgɛ kpéʔele. Pe n be nyúnyi waʔa, pe ga mɔ tundunri lóʔo í.

Nehemii 9:29

Mɔ n be sàmi jàngó pe ní lúru pan mɔ làlwaw ma, kàjáa a be nɛ̀ɛnyɛnɛgɛ kpéʔele, pe ga fɔ̀lɔ mɔ kajoodɛɛngèle na í. Pe n kapeele pye mɔ làlwaw kajoogéle na, koro gele ge sìi kaangi bele ma pe ge có lè. Pe n bòʔogèle nyɛ́ʔɛ níì céemɛ kpéʔele, pe ga fɔ̀lɔ n lóʔo í.

Ŋúnuyi 83:18

Fɛ̀ɛrɛ í be taa, fyáara í be cò làla o làla, ki n tɔ̀nɔ n yɛlɛ be curugo, bi kálagi!

Yirile 18:11

Tɔ́ɔliw ni mii n gi cán ncan Yawe n kpɔ́ʔɔ n sɔ̀lɔ kolocɔlɔbèle wozanbèlē myɛ na. Wi n gee bee tɛ̀ɛn lǎli ni Ezyipiti ye da ni Isirayɛli ye kpéʔele pe fungo lè.»

Yirile 3:20

Mii si a mii kɔ́gi sánʔa bi Ezyipiti kpúmɔn ní kakpoloyi féleye myɛ ní, yee mii a kpéʔele lè Ezyipiti ni. Koro kàdoʔo ma wi a náa yele yaʔa yele í da syée.

Yirile 5:2

A Faraɔnw be yari: «Wìí wi nyɛ Yawe, mii si kɔ́ fɔ̀lɔ bi lóʔo wi ma si Isirayɛli ye yaʔa be kári? Mii ga Yawe cán í. Mii a tée Isirayɛli ye yaʔa be kári í.»

Yirile 7:1

A Yawe gi joo Mowizi ma níì jo: «Wéle, mii n mɔ kpéʔele Faraɔnw ma Kolocɔlɔɔ. Mɔ yɛʔɛfɔw Aarɔn si pye mɔ kanyaajoow.

Yirile 9:16

Kàjáa mii n mɔ yaʔa beè koro ga pye bi mii séew tɛ̀ɛn mɔ na, mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.

Ezayi 42:20

Mɔ n yanɛʔɛrɛ nyaa, kàjáa mɔ ga kɔ̀rɔsíi di na í. Mɔ líiweegèle n múgu, kàjáa mɔ o lúro í.»

Ezayi 63:12

Wi n wi nìjanri kɔ́lɔ fíige Mowizi kàliige ma, wi n lǒyi ceri pe yɛʔɛ̀ ma, bi bàngwɔɔ mɛ́ʔɛ taʔa wiyɛɛ na.

Ezayi 63:14

Amɛɛ yaweʔe tíri jǐnlɔgɔ ni lè, Yawe Pǐli n pan ní be ní ŋɔ́ndaali ma.» Kánmi bee na mɔ mɔ syɛ́ɛnbèle yɛ́ʔɛ kíni, jàngó bi nìjangbɔɔrɔ mɛ́ʔɛ taʔa miyɛɛ na.

Zyeremii 32:20

Mɔ n fɛ̀ɛbēle ní kakpoloyo tɛ̀ɛn Ezyipiti tári ni fwɔɔ n baa nan níjanʔa na Isirayɛli ni, ní syɔɔn ye níngi ni, mɔ n miyɛɛ mɛ́ɛgi kpɔ́ʔɔ àmɛɛ gi nyɛ lè níjanʔa.

Ezekyɛli 20:9

Koro ní ki myɛ ní mii n gi pye mii mɛ́ɛgi kéele na jàngó ki a kɔ́ pye yafaʔaga syɛɛnfeleyi nyɛ́nɛ na, yee nínge ni pe da pye lè í, yoro yee nyɛ́nɛ na mii da niyɛɛ dɛ̀ɛn be na jàngó bi be yirige Ezyipiti tári ni lè í.

Danyɛli 5:23

níì miyɛɛ gbɔ́ʔɔ nyɛ̀ʔɛgèle Kàfɔlɔ kánma na. Mɔ n be pye a be pan ní wi kpáagi yalegéle ní mɔ yɛ́ʔɛ ma, a yele baa dùvɛɛnw gbaa ge ni, mɔ ní mɔ syɛɛnkpolobèle, ní mɔ cébèle, ní mɔ cefàra-mí-láabèle, níì kolocɔlɔbèle kpɔ̀ʔɔrɔ be lè wálifiio, ní tɛɛ̀, ní kanyɛɛnrɛ, ní tunmɔrɔ, ní tiire, ní kàdɛnɛrɛ, bele be lè pe o nyaagi í, pe o lúro í, cánna o be ma í. Kolocɔlɔwee kɔ́lɔ ni mɔ ŋɔ́ngari, ní mɔ kóloyi nyɛ lè, woro wi nyɛ mɔ ga wi kpɔ́ʔɔ í.

Danyɛli 9:15

Tɔ́ɔliw ni doò, Kàfɔw, wolo Kolocɔlɔw, mɔ wee wi mɔ syɛ́ɛnbèle yirige lè Ezyipiti tári ni ní mɔ séew kɔ́lɔ ní, níì mɛ́ʔɛ taa fwɔɔ n baa nan níjanʔa na, wolo n kapeele pye, wolo wo kakologi kpéʔele.

Kapyegèle 7:36

Woro wi wɔ́ɔ̀ be yirige Ezyipiti tári ni kakpoloyi ní fɛ̀ɛ́bèle báriga ni wi kpéʔele lè Ezyipiti ni, ní Sólomi Lònyɛnʔɛ ni, ní wɔ́ɔ̀ yàa kpéʔele fìími tára ni n baa taa yɛ̀ʔɛlɛ togoye siin.

Wɔrɔmi ye 9:17

Níì cán Kolocɔlɔɔ n gi joo Faraɔn ma woro syɛɛnsɛbɛri ni níì jo: «Gee naa tiimaa kéele na mii mɔ télege fǎngi na, koro ga pye mii í mɔ kéeli pye sábabu bi mii séekpɔɔw tɛ̀ɛn, mii mɛ́ɛgi si kpɔ́ʔɔ bi yiri tári tɛ́ɛyɛ myɛ ni.»

Làlwaw Kaanziin 4:34

A kolocɔlɔwaa caa kɔ́ɔ̀ gi pye lé n wéle bi pan ba syɛɛnfelegaa láa bi yirige kàa ni bi yaʔa wiyɛɛ ma kagbangēle, ní fɛ̀ɛbēle, ní kakpoloyo, ní kapɛɛnnɛ, ní sée kɔ́lɔ, ní kɔ̂zánʔaga, ní fyáakpɔɔrɔ kele báriga ni n yɛlɛ ní gee myɛ ní Yawe yele Kolocɔlɔw kpéʔele yele kéeli na lè Ezyipiti ni yele nyɛ́nɛ na?

Làlwaw Kaanziin 7:19

Wɔʔɔgboloyee mɔ nyapiigèle nyaa lè, yi lè fɛ̀ɛ́bèle, ní kakpoloyi, ní séew kɔ́lɔ, ní kɔ̂zánʔagi, lǎli ni Yawe mɔ Kolocɔlɔw mɔ yirige yaà lè, kánmi bee na Yawe a gi kpéʔele syɛɛnfeleyi myɛ na, yee na mɔ fɛ̀ɛgí lè.

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»