Nehemii 8:9 - Cebaara Bible 2010

⁹ Nehemii wi lè guvɛrinɛɛriw, ní Ɛsidirasi wi lè sáriga-wòlow ní sɛ́bɛkanw, ní Levii ye pe da ni syɛ́ɛnbèle tama lè, a poro gi joo syɛ́ɛnbèle myɛ ma níì jo: «Cángi naa i nyɛ cangaa, gee gi yaʔa lè Yawe yele Kolocɔlɔw ma. Yele a kɔ́ gi yaʔa gi pye yele ma kùu kayaʔa ní nyatinmɛ í.» Níì cán lǎli ni syɛ́ɛnbèle myɛ làlwaw syɛ́ɛnrɛ lóʔo lè, pe maa ni nyaan.

Nehemii 8:9 Iomraidhean Croise

2 Fànʔafɔbèle 22:11

Lǎli ni fànʔafɔw làlwaw sɛ́bɛ syɛ́ɛnrɛ lóʔo lè, a wi wi búroyi sulugu,

2 Fànʔafɔbèle 22:19

Gee mii joo lè tɛ́ɛgi naa, ní gi syɛ́ɛnbèle kéele na, níì jo pe a pye yakalagira, ní yafaʔara àmɛɛ mɔ gee bee lóʔo lè, a gi mɔ círi mɔ fúngi ni, a mɔ miyɛɛ jɛ́rɛ níì mɔ búroyi sulugu, ní i nyɛni mii yɛ́ʔɛ ma, mii n wɔ́ɔ̀ gi lóʔo. Yawe wi jo nya.

2 Cányi kèlē 15:3

Cannɛʔɛyɛ n sɔ̀lɔ n gi yaʔa Kolocɔlɔw wodeleo wàlá sáriga-wòloo da pye Isirayɛli ye ma, wee wi a ra syɛ́ɛnbèle tama lè í, wàlá làlwa í.

2 Cányi kèlē 30:22

Levii wóbèle bele myɛ má Yawe kérigèle cánwalila pye lè, a Ezekyasi lòmaana le bele bee ni, a be canya kɔrɔsiin pye sériw lìile na, ní i pínɛnyɛnnɛgi sáriga wóo, ní i Yawe kpɔ̀ʔɔrɔ́ wi lè pe toolɛɛbèle Kolocɔlɔɔ.

2 Cányi kèlē 34:19

Lǎli ni fànʔafɔw làlwaw syɛ́ɛnrɛ lóʔo lè a wi wi búroyi sulugu.

2 Cányi kèlē 34:21

«Yaa syée ye sa Yawe yíbe mii ní bele kéele na be kòro lè Isirayɛli, ní Zyuda ni, syɛ́ɛnri kéele na di nyɛ sɛ́bɛw naa ni wo nyaa lè. Níì cán Yawe fundanʔagbɔɔri n too n wolo tɔ́n àmɛɛ gi nyɛ lè wolo tóolɛɛbèle ga Yawe syɛ́ɛnri cò ní i gi kpéʔele n yɛlɛ ní gee myɛ ní gi sɛ́bɛ sɛ́bɛw naa ni lè í.»

2 Cányi kèlē 35:3

Levii wóbèle bele pe da yaʔa Yawe ma lè, poro bele pe da ni Isirayɛli ye myɛw tama lè, a wi poro pye: «Ye kásucǎnw tɛ́ʔɛ kpáagi ni, gee Isirayɛli ye fànʔafɔw Davidi jáaw Salomɔn faan lè. Yele a ní da wi lée yele fókaannyunyi na í. Tɔ́ɔliw ni, yaa báara Yawe yele Kolocɔlɔw, ní wi syɛ́ɛnbèle Isirayɛli ye ma.

Ɛsidirasi 2:63

A guvɛrinɛɛriw be pye pe a kɔ́ ra yacandeleri líi í, fwɔɔ bi taa sáriga-wòlowaa í yíbege kpéʔele ní Urimiw, ní Tumiimiw ní.

Ɛsidirasi 7:11

Sɛ́bɛw fànʔafɔw Aritakisɛrikisɛsi da kaan sáriga-wòlow Ɛsidirasi ma lè, wi lè sɛ́bɛkanw, woro syɛ́ɛnri di nyɛ dee naa, Ɛsidirasi wi da ni syɛ́ɛnri sɛ́bɛ, dee Yawe joo n gbàn lè, n fàra wi làlwaw kèlē na Isirayɛli ye kéeli na:

Nehemii 10:1

Gee bee myɛ kéele na, a wolo tɔ̀nɔ n nyɔɔfaliga kpéʔele, gee wolo sɛ́bɛ lè, a wolo kùndigibèle, ní Levii ye pe lè wolo wóbèle, ní wolo sáriga-wòlobèle be fɛ̀ɛ́bèle taʔa sɛ́bɛw bee na.

Nehemii 12:26

Pe n pye beè Yoyakimi lǎli ni, wi pye lè Zyozuwe jáaw, Zyozuwe wi lè Yosadaki jáaw, n wɔ́ɔ̀ pye beè Nehemii lǎli ni, wi lè guvɛrinɛɛriw, ní sáriga-wòlow Ɛsidirasi lǎli ni, wi lè sɛ́bɛkanw.

Nehemii 7:65

A guvɛrinɛɛriw be pye pe a kɔ́ ra yacandeleri líi í, fwɔɔ bi taa sáriga-wòlowaa í yíbege kpéʔele ní Urimiw, ní Tumiimiw ní.

Nehemii 7:70

á narigbaayi kùndigibéle yakaanya si pye tɛɛ̀ támabéle sirakama, ní wálifiio cúlobéle saala kagunɔ ní dabata,

Nehemii 8:2

A sáriga-wòlow Ɛsidirasi pan ní làlwaw sɛ́bɛ ní syɛɛnkpoʔolomi yɛ́ʔɛ ma bi pye lè nǎnbèle ní cébèle, ní bele myɛ pe da nan bi gbǎn syɛɛnrɛ lóʔo lè si wɔ́ɔ di kɔ́rɔw cán. Koro n pye yeye kɔrɔsiin wógi cânzelige na.

Syɛɛnjóow 3:4

Nyɛnili làla i yaà, a kataanri làla i yaà. Sùpiiwáari làla i yaà, a yɔ́ɔli làla i yaà.

Ezayi 61:3

Bi fànʔafɔ-nyùndɔnnɔ kaan cɔ́ɔngi sìndɛʔɛ ni Siyɔn wóbèle bele ma be nyɛ lè kùu-káyaʔa na, bi fundaanra sìnmɛ kaan kùu-káyaʔa sindɛʔɛ ni, bi sòololo búrogo kaan fûngalagiri sìndɛʔɛ ni, jàngó paa be yiri sínni terebɛnti tíire, dee Yawe cɔ́rɔ lè wi nìjanri kéele na.

Oze sɛ́bɛw 4:6

Mii syɛ́ɛnbèle i kúu cánni fɔ̀ngɔ kéele na. Níì cán mɔ n cánni cée, mii a wɔ́ɔ mɔ cée, si mɔ yirige sáriga-wòlori fáli ni. Amɛɛ mɔ fɛ̀ʔɛ mɔ Kolocɔlɔw làlwa na lè, mii a wɔ́ɔ fɛ̀ʔɛ mɔ piibèle na.

Levii ye sáriga-wòlori 23:24

«Ki joo Isirayɛli ye ma mí be pye: ‹Yɛ́ɛli yeye kɔrɔsiin wógi cânzelige a pye cânŋɔndaʔa yele ma. Sɔ̀ngudaara búru wìile lii, kpóʔorojànna lii.

Malasyii 2:13

Yasiin wógi yele ní i kpéʔele lè, koro gi nyɛ gee naa: Yele i Yawe sáriga-wòlo-yafaangi tɔ́ngi ní nyatinmi, ní nyɛnimi, ní cɛ́ɛnmi ní, a gi pye wi ní o kàragí ni yele yakaanyi wéle í, wi o fɔ̀lɔ́ ni yafyɛn syoo yele kɔ́yi ni í.

Wɔrɔmi ye 3:20

Níì cán Kolocɔlɔɔ a tée sínni kaan syɔɔnwaa faala ma Mowizi làlwaw kèlē kpéʔelele báriga ni í, níì cán gee gi nyɛ lè làlwaw bee fáli nyúngo, koro gi nyɛ bi gi tɛ̀ɛn syɛ́ɛnbèle na pe gi fílige cán bi cán poro i nyɛ kapeebyebèlē.

Wɔrɔmi ye 7:9

Booma ni mii da pye lè Mowizi làlwaw sìnján ni, mii maa pye sìi na. Amɛɛ si làlwaw bee tundunro pan lè, a kapeebyeri baa pye sìi na, á mii kùu.

Làlwaw Kaanziin 12:12

Yele a ra fundaanra kpéʔele Yawe yele Kolocɔlɔw yɛ́ʔɛ ma nɛɛ bee, yele ní yele nànbiigèle, ní yele calipiigèle, n fàra yele falipyenǎnbèle, ní yele falipyecebèle na, ní Levii ye wówee na wi ga pye wodɛ́ɛɔn ní ní yele ní lè, níì cán lɛɛlɛ, ní kɔrigɔ o nyɛ wi ma ní yele ní í.

Làlwaw Kaanziin 12:7

Nɛɛ bee yele a ra líi Yawe yele Kolocɔlɔw yɛ́ʔɛ ma. Yele ní yele kpáayi wòolo sáā fundaanra kpéʔele yele kɔ́lɔ kapyegèle myɛ kéele na, gele kéele na Yawe yele Kolocɔlɔw a dùbaw taʔa yele na lè.

Làlwaw Kaanziin 16:11

Mɔ a ra fundaanra kpéʔele Yawe mɔ Kolocɔlɔw yɛ́ʔɛ ma tɛ́ɛgi ni, gee Yawe mɔ Kolocɔlɔw a nyɛ́nɛ wòlo lè bi wi mɛ́ɛgi yaʔa gi pye beè, mɔ ní mɔ nanbili, ní mɔ calipili, ní mɔ pulonǎnw, ní mɔ pulocew, ní Levii ye wówee wi nyɛ wodɛ́ɛɔn ní ní mɔ ní lè n fàra nibɔnw, ní círiw, ní lɔgucew na pe a pye yele níngi ni lè.

Làlwaw Kaanziin 26:14

Mii ga gi kàa lìi mii syɔ́ɔn kùugo làla ni í, mii ga yafyɛn wòlo di ni mii nɔ́nʔɔrɔ lala ni í. Mii ga gi kàa kaan kùugo kéele na í. Mii n Yawe mii Kolocɔlɔw jóomɔ lóʔo. Mii n gi kpéʔele n yɛlɛ ní kajoodɛɛngèle myɛ ní mɔ joo mii ma lè.

Zyaki 4:9

Ki n yɛlɛ yaa funbɛɛnrɛ kpéʔele yele kapeegèle kéele na, yáā nyaan yaa peele. Ye yele kataanri kàriga ti pye nyatinmɛ, yé wɔ́ɔ yele fundaanri kàriga ti pye funbɛɛnrɛ.