Nehemii 8:8 - Cebaara Bible 2010

⁸ Pe maa ni Kolocɔlɔɔ làlwaw sɛ́bɛ syɛ́ɛnrɛ wéle ni nyuu ni fíligi, ní wɔ́ɔ i di kɔ́rɔw tèé be na, a be i di kɔ́rɔw cángi.

Nehemii 8:8 Iomraidhean Croise

2 Fànʔafɔbèle 23:2

A fànʔafɔw kári Yawe kpáagi ma ní Zyuda nǎnbèle myɛ, ní Zyerusalɛmi nǎnbèle myɛ, ní sáriga-wòlobèle, ní kanyaajoobèle ní n fàra syɛ́ɛnbèle myɛ na, n woyilibèle pínɛ wogbolobèle ni. Joogaanni sɛ́bɛ pe da nyaa Yawe kpáagi ni lè, a wi wi syɛ́ɛnri myɛ wéle n joo n le be líiweegèle ni.

Ɛsidirasi 4:18

Sɛ́bɛw yele tórigo naa wolo ma lè, wi syɛ́ɛnri n baa wéle n joo n fílige mii ma.

Nehemii 8:12

A syɛ́ɛnbèle myɛ kári be kpaaya ma bi sa lìi si gbaa, si wɔ́ɔ lɛɛgéle tórigo, si fundaangbɔɔrɔ kpéʔele. Níì cán syɛ́ɛnri ti da joo be ma lè, pe maa di kɔ́rɔw cán.

Nehemii 8:7

Zyozuwe, ní Banii, ní Syerebya, ní Yamɛ, ní Akubi, ní Syabetayi, ní Hodiya, ní Maaseya, ní Kelita, ní Azariya, ní Yozabadi, ní Hanan, ní Pelaya, pe lè Levii ye, a poro i làlwaw kɔ́rɔ tèé syɛ́ɛnbèle na. A syɛ́ɛnbèle kòro woyérebéle ní.

Nehemii 8:9

Nehemii wi lè guvɛrinɛɛriw, ní Ɛsidirasi wi lè sáriga-wòlow ní sɛ́bɛkanw, ní Levii ye pe da ni syɛ́ɛnbèle tama lè, a poro gi joo syɛ́ɛnbèle myɛ ma níì jo: «Cángi naa i nyɛ cangaa, gee gi yaʔa lè Yawe yele Kolocɔlɔw ma. Yele a kɔ́ gi yaʔa gi pye yele ma kùu kayaʔa ní nyatinmɛ í.» Níì cán lǎli ni syɛ́ɛnbèle myɛ làlwaw syɛ́ɛnrɛ lóʔo lè, pe maa ni nyaan.

Nehemii 9:3

A be yìri n yére be tɛɛ̀yéreyi ni n lɛ́ɛribéle taanri kwɔ́ɔ pe si i wéle Yawe be Kolocɔlɔw làlwa sɛ́bɛ ni ni nyuu be ma. Koro kadoʔo ma, a be yére be kapeegèle ni n lɛ́ɛribèle pèle taanri kwɔ́ɔ, níì too n be yɛ́ɛyi cíbele Yawe be Kolocɔlɔw yɛ́ʔɛ ma.

Ezekyɛli 46:10

Fànʔafɔbili a pye be níngi ni bi pínɛ jée pe làrijeeli ni, si yiri pe làriyirili ni.

Habakuki 2:2

A Yawe syɛɛnlurugori kaan mii ma níì jo: Yanyaʔa sɛ́bɛ, ki kánʔana mi wòlo kàlagoripiigéle na, jàngó ti kàlama dɛ́nɛ.

Luki 24:27

Syɛ́ɛnree myɛ ti da sɛ́bɛ lè Kolocɔlɔɔ syɛɛnsɛbɛri ni wi kéeli na, a wi séli Mowizi wóri na ní kanyaajoobèle wóro myɛ ní n toro myɛw kɔ́rɔ tɛ̀ɛn be na.

Luki 24:32

A be i gi nyuu peyɛɛ ma níì jo: «Lǎli ni wi da ni nyuu ní wolo ní kólogi na lè, ní i Kolocɔlɔɔ syɛɛnsɛbɛri kɔ́rɔ tèé wolo na lè, wolo fúnyi da ni tàán ni maa wolo ni ì?»

Luki 24:45

Lǎli bee ni a wi be fúnyi múgu be na koro ga pye pe Kolocɔlɔɔ syɛɛnsɛbɛri kɔ́rɔ cán,

Kapyegèle 28:23

A be cangaa kɔ̀rirɔ n tɛ́ʔɛ wi ma, a cángi bee ga nan, a pèle saʔa pan wi tɛɛ̀syɔɔngi ma a wi baa kólogi bee sámaga n tɛ̀ɛn be na, ní wɔ́ɔ̀ Kolocɔlɔɔ fǎngi kèlē joo n fílige be ma, ní i ŋàʔaná bi be fúnyi kàriga Zyezu kàbangi na Mowizi làlwaw sɛ́bɛ, ní kanyaajoobèle syɛ́ɛnrɛ báriga ni. Wi maa tɔ̀nɔ n syɛ́ɛnri bee fílige be ma nlaa nyǐngi nyɔ́ɔ na fwɔɔ n sáà nan cângwɔɔgi nyɔ́ɔ na.