Nehemii 8:6 - Cebaara Bible 2010

⁶ A Ɛsidirasi bariga kaan Yawe ma wi lè Kolocɔlɔw, wee wi kpɔ́ʔɔ lè, a syɛ́ɛnbèle myɛ kɔ́yi yìrige níì jo: «Amiina! Amiina!» A be tìgi n too n yɛ́ɛyi cíbele tári na Yawe yɛ́ʔɛ ma.

Nehemii 8:6 Iomraidhean Croise

Sélimɛ 14:22

A Abirami si Sodɔmi fànʔafɔw yari: «Mii n mii kɔ́gi yìrige bi kàli Yawe na, woro wee wi nyɛ lè Kolocɔlɔɔ, wee wi nyɛ lè Pe Myɛ Nyúngo na, woro wee wi nyɛ̀ʔɛni ní tári faan lè,

Sélimɛ 24:26

A nǎnw fala n tìgi n kpùmɔnɔ tári na n bariga kaan Yawe ma,

1 Cányi kèlē 16:36

Yawe Isirayɛli Kolocɔlɔw n yɛlɛ waa wi kpɔ̀ʔɔrɔ́ làrigèle myɛ ni kwɔ́ɔmɔ fun. Syɛ́ɛnbèle myɛ n yɛlɛ be jo: «Amiina! Aleluya.»

1 Cányi kèlē 29:10

A Davidi bariga kaan Yawe ma syɛɛnkpoʔolomi myɛ nyɛ́nɛ na. Davidi n jo: «Ee Yawe, mɔ wi lè wolo tóow Isirayɛli Kolocɔlɔw, mɔ na kpɔ̀ʔɔrɔli yɛlɛ làla o làla kwɔ́ɔmɔ fun.

1 Cányi kèlē 29:20

Koro kàdoʔo ma a Davidi syɛɛnkpoʔolomi myɛ pye: «Ye Yawe yele Kolocɔlɔw kaan bariga na.» A syɛɛnkpoʔolomi myɛ Yawe be toolɛɛbèle Kolocɔlɔɔ kaan bariga na. Pe maa tìgi n kpùmɔnɔ n yɛ́ɛyi cíbele Yawe yɛ́ʔɛ ma, ní fànʔafɔw yɛ́ʔɛ ma.

2 Cányi kèlē 20:18

A Zyozafati tìgi n too tári na n wi yɛ́ɛgi cíbele. A Zyuda ye myɛw, ní Zyerusalɛmi ye tìgi n too Yawe yɛ́ʔɛ ma n wi kpɔ̀ʔɔrɔ.

2 Cányi kèlē 29:10

Tɔ́ɔliw ni ki i nyɛ mii fúngi ni bi joogaanna kpéʔele ní Yawe ní, wi lè Isirayɛli ye Kolocɔlɔw, koro ga pye wi fundanʔari kafugbanga í kàri bi láʔa wolo na.

2 Cányi kèlē 29:30

Koro kàdoʔo ma a fànʔafɔw Ezekyasi ní syɛɛnkpolobèle Levii ye pye paa Yawe kpɔ̀ʔɔrɔ́ ní Davidi syɛ́ɛnri, ní kanyaaw Azafi syɛ́ɛnri ní. A be i wi kpɔ̀ʔɔrɔ́ ní fundaanra ní, níì lɛ̀ɛlɛ n tìgi n too n cíbele.

2 Cányi kèlē 6:4

A wi jo: «Yawe Isirayɛli ye Kolocɔlɔw n yɛlɛ waa wi kpɔ̀ʔɔrɔ́, woro wee wi joo lè wi tiimaa nyɔ́ɔgi ni mii tóow Davidi ma, níì gi foro ní wi kɔ́yi ní, gee wi da joo wi ma lè, níì jo:

Nehemii 5:13

A mii mii búrogi tɛɛkùrugo nyàʔara níì jo: «Syɔ́ɔnwee faala ga baa pye lè wi ga syɛ́ɛnri naa foro í, ki n yɛlɛ Kolocɔlɔɔ í syɔ́ɔnw bee nyàʔara kánmi naa na bi yirige wi kpáagi, ní wi kɔlɔ̀ yáriri ni. Anbée syɔɔnw bee yɛlɛ bi nyàʔara bi yaʔa wowaaɔ ní.» A syɛɛnkpoʔolomi myɛ jo: «Amiina!» A be Yawe kpɔ̀ʔɔrɔ. A syɛ́ɛnbèle syɛ́ɛnri foro.

Nehemii 8:7

Zyozuwe, ní Banii, ní Syerebya, ní Yamɛ, ní Akubi, ní Syabetayi, ní Hodiya, ní Maaseya, ní Kelita, ní Azariya, ní Yozabadi, ní Hanan, ní Pelaya, pe lè Levii ye, a poro i làlwaw kɔ́rɔ tèé syɛ́ɛnbèle na. A syɛ́ɛnbèle kòro woyérebéle ní.

Ŋúnuyi 134:2

Ye yele kɔ́yi yìrige ye wáa tɛɛcǎngi kàbaan na, yaa Yawe kpɔ̀ʔɔrɔ́!

Ŋúnuyi 141:2

Ki n yɛlɛ mii nyɛ́ɛrigi í da lúru mɔ yɛ́ɛgi ma àmɛɛ nùndaanni yasorigogo nyɛ lè, mii kɔ́yi yìrigele í pye àmɛɛ cângwɔɔgi nyɔ́ɔ sáriga nyɛ lè!

Ŋúnuyi 28:2

Mii ga ni yákpoli wáa mɔ kurugo, níì mii kɔ́yi yìrige n wáa mɔ kpɔʔɔrɔli tɛɛcànga ma lǎli ni lè, ki n yɛlɛ mi mii nyɛ́ɛrigboloyi yákpolo lóʔo.

Ŋúnuyi 41:13

Mɔ si n tɔ̀nɔ n mii tɔʔɔ n yérige mii sínvoroli ni, mɔ n mii tɛ́ʔɛ mii í kòro mɔ yɛ́ʔɛ ma làla o làla.

Ŋúnuyi 63:4

Mɔ funjǎngi n sɔ̀lɔ sìíw na, mii nyɔɔwari a ra mɔ kpɔ̀ʔɔrɔ́.

Ŋúnuyi 95:3

Níì cán Yawe i nyɛ Kolocɔlɔɔ, wee wi kpɔ́ʔɔ lè, wi i nyɛ Fànʔafɔgbɔɔɔ, wee wi nyɛ lè kolocɔlɔbèle myɛ nyúngo na.

Yirile 12:27

Ye be yari: ‹Sɔ̀lɔ-mí-yaʔali sáriga wii Yawe kpɔ̀ʔɔrɔli kéele na àmɛɛ wi da sɔ̀lɔ Isirayɛli ye kpáayi na lè Ezyipiti ni, lǎli ni wi Ezyipiti ye kpúmɔn n kpóo lè, níì wolo kpáayi wòolo yaʔa.› » Lǎli bee ni a syɛ́ɛnbèle tìgi n kpùmɔnɔ níì too n yɛ́ɛyi cíbele n kpɔ̀ʔɔrɔli kpéʔele.

Yirile 4:31

A syɛ́ɛnbèle bee tága. Pe maa gi cán ncan Yawe n pan n baa poro Isirayɛli ye wéle, níì poro fɔ̀rɔgi nyaa. Lǎli bee ni a be tìgi n kpùmɔnɔ níì too n cíbele n kpɔ̀ʔɔrɔli kpéʔele.

Zyeremii 28:6

Kanyaajoow Zyeremii n jo: «Amiina! Ki n yɛlɛ Yawe í gi kpéʔele nya! Ki n yɛlɛ Yawe í syɛ́ɛnri foro, dee mɔ nyaa n joo lè, si Yawe kpáagi yayigelere yaʔa di yìri yaà Babilɔni ma bi lúru pan tɛ́ɛgi naa ma, n fàra bele myɛ na be cò n kári lè.

Kayaagi Nyɛnigɛ 3:41

Wo wolo fúnyi ní wolo kɔ́yi yìrige Kolocɔlɔɔ ma wi lè nyɛ̀ʔɛni na:

Levii ye sáriga-wòlori 9:24

A naà yiri Yawe yɛ́ʔɛ ma n sáriga-sórigow, ní kaasǐnmi sórigo sáriga-wòlo-yafaangi na. A syɛ́ɛnbèle myɛ gee bee nyaa, níì yákpogèle wáa fundaanri báriga ni, níì too n be yɛ́ɛyi cíbele tári na.

Matye 26:39

A wi ga sɛ̀ʔɛrɛ yɛʔɛ̀ ma cɛɛri, a wi too n wi yɛ́ɛgi cíbele ní i nyɛ́ɛri níì jo: «Mii Tóow, kapye ki a gbǎn kpéʔele, ki n yɛlɛ yagbaagi naa í léeli mii na! Kàjáa ki ga yɛlɛ mii nyɛ́nɛ kéeli í kpéʔele í, fwɔɔ mɔ nyɛ́nɛ wóli.»

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

1 Korɛnti ye 14:16

Kapye koro ban í, mɔ ga ni Kolocɔlɔɔ kpɔ̀ʔɔrɔ́ ní mɔ pili yagana ní, syɔ́ɔnwee wi nyɛ lè yele níngi ni ki kɔ́rɔw sìnján ni, mɛ̀ɛ́ wee bee a gbǎn amiina joo bi sɛ́ɛ mɔ kpɔʔɔrɔli kéele na níì cán wi ga mɔ wojoori cán í?

Efɛzi ye 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní wi lè wi Tóow, woro wee wi Pìicǎnni kpɔ́ʔɔrɔ féleye myɛ kaan lè wolo ma nyɛ̀ʔɛni tɛ́ɛyɛ ni àmɛɛ wolo nyɛ lè Kirisi ni.

1 Timɔte 2:8

Koro na mii caa nǎnbèle í da Kolocɔlɔɔ nyɛ́ɛri tɛ́ɛyi myɛ ni, páā fɔɔnrɔ fun kɔ́yi yìrigí fundanʔara, ní kàkabalaga fun.

1 Pyɛri 1:3

Wolo Kàfɔw Zyezu Kirisi Kolocɔlɔw wi yɛlɛ ní kpɔ̀ʔɔrɔli ní, wi lè wi Tóow, woro wee wi wolo séli n see lè kavɔn Zyezu Kirisi nyán-yirili báriga ni kúbèle nínge ni n yɛlɛ ní wi nyininɛʔɛmi ní, jàngó wolo í sɔ̀ngumɔ tɛɛtaʔaga woweʔe taa,

Tɛ̀ɛnnɛ 7:11

Nyɛ̀ʔɛni tundunbéle myɛ si maa pye woyérebéle ní n fàngoli màʔa, n fàra wolɛɛbèle ní sìi yáriyi sicɛrɛ na. A be too fàngoli yɛ́ʔɛ ma n be yɛ́ɛyi cíbele ní i Kolocɔlɔɔ kpɔ̀ʔɔrɔ́,