Nehemii 8:2 - Cebaara Bible 2010

² A sáriga-wòlow Ɛsidirasi pan ní làlwaw sɛ́bɛ ní syɛɛnkpoʔolomi yɛ́ʔɛ ma bi pye lè nǎnbèle ní cébèle, ní bele myɛ pe da nan bi gbǎn syɛɛnrɛ lóʔo lè si wɔ́ɔ di kɔ́rɔw cán. Koro n pye yeye kɔrɔsiin wógi cânzelige na.

Nehemii 8:2 Iomraidhean Croise

Nehemii 10:29

Gee si gi syɛɛnsanbèle kéele kwɔ́ɔ lè, pe lè sáriga-wòlobèle, ní Levii ye, ní kpàánweegèle kɔ̀rɔsiifɔɔlɔ, ní ŋùuvɔbèle, ní Netinyɛbèle, ní bele myɛ be wàli n láʔa tátɛɛyi syɛɛnfeleye na bi taʔa Kolocɔlɔɔ làlwaw na lè, poro cébèle, ní be nànbiigèle ní be calipiigèle, poro bele myɛ ni sícilimɛ, ní cánna pye lè,

Nehemii 13:1

Lǎli bee ni a be syɛɛnraa wéle Mowizi sɛ́bɛw ni n joo, a syɛ́ɛnbèle lóʔo, a be gi nyaa a gi sɛ́bɛ yaà n jo Amɔn ye wóo, ní Mowabi ye wóo ga yɛlɛ bi jée Kolocɔlɔɔ syɛɛnkpoʔolomi ni nyáana í.

Nehemii 8:18

A be i wéle Kolocɔlɔɔ làlwaw sɛ́bɛ ni canʔa o canʔa n séli cânzeligi na fwɔɔ n sáà nan canzangi na. A be sériw pye canya kɔrɔsiin fúngo ni, canya kɔrɔtaanri wógi na, a koro pye kpóʔorojànna n yɛlɛ ní kalɛɛli ní.

Nehemii 8:9

Nehemii wi lè guvɛrinɛɛriw, ní Ɛsidirasi wi lè sáriga-wòlow ní sɛ́bɛkanw, ní Levii ye pe da ni syɛ́ɛnbèle tama lè, a poro gi joo syɛ́ɛnbèle myɛ ma níì jo: «Cángi naa i nyɛ cangaa, gee gi yaʔa lè Yawe yele Kolocɔlɔw ma. Yele a kɔ́ gi yaʔa gi pye yele ma kùu kayaʔa ní nyatinmɛ í.» Níì cán lǎli ni syɛ́ɛnbèle myɛ làlwaw syɛ́ɛnrɛ lóʔo lè, pe maa ni nyaan.

Nehemii 9:1

Yégi bee wonijanga ni, ki canya toko ní sicɛrɛ wógi na, a Isirayɛli ye gɔ̀nvaʔaya le buroyo, níì támiigi wo peyɛɛ na, níì kpóʔoro sún lele kéele na.

Ezayi 28:9

«Wìí syɔ́ɔn Ezayiw bee caa bi tama cánni na? Wìí wi caa bi tama wi tamani kɔ́rɔ cánna na? Pìíbèle bele lé be láʔa lè terire yireŋɔriri na? Bele lé be yíremi yaʔa lè tɔ́ɔliw ni?

Levii ye sáriga-wòlori 23:24

«Ki joo Isirayɛli ye ma mí be pye: ‹Yɛ́ɛli yeye kɔrɔsiin wógi cânzelige a pye cânŋɔndaʔa yele ma. Sɔ̀ngudaara búru wìile lii, kpóʔorojànna lii.

Malasyii 2:7

Níì cán sáriga-wòlow nyɔ́ɔwara i cánni kɔngi, woro nyɔ́ɔgi na be wɔ́ɔ̄ làlwaw kéele yíbe, níì cán Yawe wi lè Nyɛ̀ʔɛni Sùlasiibéle Kafɔlɔ, woro tunduɔn wii.

Córolo 29:1

« ‹Yɛ́ɛli yeye kɔrɔsiin wógi cânzelige na, yele a kpóʔorojànna kpéʔele, yele a kɔ́ canʔa o canʔa fáliwaa faala kpéʔele í. Búru wìile canʔa gii yele ma.

Kapyegèle 15:21

Níì cán nlaa yaà làridɔɔnnɔ ni pèle i yaà kěyi myɛ ni ni syɛ́ɛnbèle tama Mowizi syɛ́ɛnri na, pe i di wéle ni nyuu Zyefubèle sérikpaaya ni cândɛnɛgi canʔa ni, cégbolo o cégbolo.»

Làlwaw Kaanziin 17:18

Lǎli ni wi ga tɛ́ɛn fǎngi na, wi fàngoli na lè, wi a làlwaw naa sɛ́bɛ sɛ́bɛ ni ki tɛɛyɛ siin wiyɛɛ kéeli na bi yɛlɛ ní Levii ye sáriga-wòlobèle sɛ́bɛ wóro ní.

Zyozuwe 8:35

Syɛ́ɛnri myɛ Mowizi sɛ́bɛ lè, a Zyozuwe ti myɛ wéle n joo Isirayɛli syɛ́ɛnmi myɛ ma. Wi ga di tàa faala yaʔa sìnwéle ni í. Lǎli ni wi da ni di wéle lè, cébèle ní pìíbèle n pye yaà, n fàra nibɔnbèle na be nyɛ be níngi ni lè.