Nehemii 8:16 - Cebaara Bible 2010

¹⁶ Lǎli bee ni a syɛ́ɛnbèle yiri n sáà di kúun n pan n baa kpáagèle sámaga peyɛɛ ma, a pe myɛ nibin nibin ge sámaga be kpáayi ǹjoyo ni, ní be kàcoogèle ni, ní Kolocɔlɔɔ kpáagi kàcoolo ni, ní Lǒgi kpàánweele kadàlaga na, ní Efirayimi kpàánweeli kadàlaga na.

Nehemii 8:16 Iomraidhean Croise

2 Samyɛli 11:2

A Davidi si kɔ́ɔ̀ yìri wi yasinɛgi na cangaa cângwɔʔɔ nyɔ́ɔ na ni nyaari ni máari fànʔafɔ-gbaagi ǹjoʔo ni, a wi cewaa wéle n nyaa wi i wíri, wee wi da tɔ̀nɔ n nyɔɔ lè gbanʔama.

2 Fànʔafɔbèle 14:13

A Isirayɛli fànʔafɔw Zyowasi Zyuda fànʔafɔw Amasya cò Bɛti-Syemɛsyi ma n pye kàsoleo, Amasya wi pye lè Zyowasi jáaw, Zyowasi wi pye lè Akazya jáaw. Koro kàdoʔo ma a wi pan Zyerusalɛmi ma n baa Zyerusalɛmi tǒw wàli n cáan, mɛ́tiribéle sirakele félege n séli Efirayimi kpàánweeli na fwɔɔ n sáà nan jɛ̀ɛ́nni kpàánweele na.

2 Cányi kèlē 20:5

A Zyozafati yìri n yére Zyuda, ní Zyerusalɛmi syɛɛnkpoʔolomi nínge ni, Yawe kpáagi ni, kadàafɔnni yɛ́ʔɛ ma.

2 Cányi kèlē 33:5

A wi wɔ́ɔ̀ sáriga-wòlo-yafaanyaa faan Yawe kpáagi kadàagēle siin na nyɛ̀ʔɛni ŋɔripiigéle myɛ kpɔ̀ʔɔrɔlɔ mɛ́ʔɛ na.

Nehemii 12:37

Pùnweeli kpàánweele tɛ́ʔɛ ni be lúgu ni syée peyɛɛ zìnmɛ na. Pe n lúgu yaà Davidi kěgi tɛɛ̀lúgugéle na, tǒw tɛɛ̀lúgugo ni, Davidi kpáagi ǹjoʔo ni, fwɔɔ n sáà nan Lǒgi kpàánweele na, canʔafolomɔ ma.

Nehemii 12:39

ní Efirayimi kpàánweeli ǹjoʔo ni, ní Kpàánweelɛɛli na, ní Fábèle kpàánweele na, ní Hananeyɛli kpaataʔa-tɔ́nɔgi na, ni Dabataw kpaataʔa-tɔ́nɔgɔ na fwɔɔ n sáà nan Bǎbèle kpàánweele na. A wo sáà yére Gáridibèle kpàánweele na.

Nehemii 3:26

Netinyɛbèle be pye lè wodɛ́ɛnbéle ní Ofɛli ni, á poro báara fwɔɔ n sáà nan Lǒgi kpàánweele zinmɛ na, canʔafolomɔ ma, ní níì kári fwɔɔ n sáà nan màʔami kpaataʔa-tɔ́nɔgɔ zinmɛ na.

Nehemii 8:1

A yeye kɔrɔsiin wógi baa nan, koro n gí taa Isirayɛli ye maa pye be kěyi ni. Lǎli bee ni a syɛ́ɛnbèle myɛ baa peyɛɛ gbóʔoro àmɛɛ nàɔn nibin nyɛ lè, kadàlagi na gi nyɛ lè Lǒgi kpàánweele yɛ́ʔɛ ma. A be sɛ́bɛkanw Ɛsidirasi pye waa maa ní Mowizi làlwaw sɛ́bɛ ni, wee Yawe sɛ́bɛ n kaan Isirayɛli ye ma lè.

Nehemii 8:3

A wi wéle sɛ́bɛw ni n séli nyǐngi nyɔ́ɔ na n taa a cángi baa tɛ́ɛn nyùngo ni, Lǒgi kpàánweele yɛ́ʔɛ ma, nǎnbèle, ní cébèle, ní bele nyɛ́nɛ na pe a gbǎn syɛɛnrɛ lóʔo lè si di kɔ́rɔw cán. A syɛ́ɛnbèle myɛ be yákiriw yaʔa làlwaw sɛ́bɛ syɛ́ɛnrɛ na gbanʔama, dee wi da ni wéle ni nyuu lè.

Zyeremii 19:13

Zyerusalɛmi kpáayi, ní Zyuda fànʔafɔbèle kpaaya a pye yanɔnʔɔyɔ àmɛɛ Tofɛti nyɛ lè, kpáayi bee myɛ, yoro yee ǹjoyo ni pe da ni nùndaanni yáriga kaangi nyɛ̀ʔɛni ŋɔ́ripiigéle myɛ ma lè, ní i sáriga-yólogow wóo kolocɔlɔbèle pèle nikwɔɔlɔ ma.› »

Zyeremii 32:29

Kalide ye be too kěgi naa na lè pe a jée gi ni, pe a naà le kěgi naa na bi gi sórigo, n fàra kpáayi na, yee ǹjoyo ni pe da ni nùndaanni yáriga sórogi Baali ma lè, ní i sáriga-yólogow ŋuu kolocɔlɔbèle pèle nikwɔɔlɔ ma jàngó bi mii fúngi tanʔa.

Làlwaw Kaanziin 22:8

Mɔ ga kpaafɔngɔ faan, mi gunbiige faan kpáagi ǹjoʔo ni mi gi màʔa, koro ga pye mɔ a kɔ́ sìsyaan wolo kapeele yaʔa li nan mɔ kpáagi na í, gee bee n jo wàa ga láʔa yaà ki ǹjogi ni n baa too.