Nehemii 8:12 - Cebaara Bible 2010

¹² A syɛ́ɛnbèle myɛ kári be kpaaya ma bi sa lìi si gbaa, si wɔ́ɔ lɛɛgéle tórigo, si fundaangbɔɔrɔ kpéʔele. Níì cán syɛ́ɛnri ti da joo be ma lè, pe maa di kɔ́rɔw cán.

Nehemii 8:12 Iomraidhean Croise

1 Cányi kèlē 29:22

A be lìi níì gbaa Yawe yɛ́ʔɛ ma cángi bee na ní fundaangbɔɔrɔ ní. A be Salomɔn tɛ̀ɛn fànʔafɔlɔ tɔziin wógi na, wi lè Davidi jáaw, níì kàlifaali sǐnmɛ wo wi na Yawe yɛ́ʔɛ ma n wi kpéʔele yɛɛ̀kinio, ní Sadɔki na n kpéʔele sáriga-wòlow.

Nehemii 8:10

A Ɛsidirasi be pye: «Yaa syée kpaaya ma ye sa lìi ní kaara ní, yé yagbaataanya gbaa, syɔ́ɔnwee wi lè wi ga gbàn n yafyɛn sámaga í, ye yaliiraa tórigo wee bee ma, níì cán níjanʔa i nyɛ cangaa, gee gi yaʔa kɔlɔ̀ na lè wolo Kàfɔw ma. Yele a kɔ́ ra funbɛɛnrɛ kpéʔele í, níì cán Yawe fundaanri di nyɛ yele fǎngi.»

Nehemii 8:11

A Levii ye i syɛ́ɛnbèle myɛ kpɛʔɛlɛ ní i gi nyuu be ma níì jo: «Ye pyèri! Níì cán cángi naa i nyɛ canjànga, yele a kɔ́ ra funbɛɛnrɛ kpéʔele í.»

Nehemii 8:13

Canziin wógi na, a syɛ́ɛnbèle myɛ narigbaaya kundigibéle, ní sáriga-wòlobèle, ní Levii ye kári sɛ́bɛkanw Ɛsidirasi ma bi ní sa làlwaw syɛ́ɛnrɛ sámaga tama.

Ɛsitɛri 9:22

Níì cán cányi bee ni Zyefubèle fànʔa taa pe nigoobèle na. Yégi bee ni be fúnyi wɔʔɔgɔ kàri fundaanra, a be kùúw káyaʔa kàri n pye fɛ́tii. A wi jo be cányi bee yaʔa yi pye lìigbɔɔlɔ, ní fundaanra canya, páā lɛɛgéle tórogi peyɛɛ ma, sáā yakaanya kaangi foomɔfɔbèle ma.

Zyɔbi 23:12

Mii ga wi nyɔɔwari kajoodɛɛngēle yaʔa í. Mii n mii nyɛ́nɛ kéeli yaʔa li taʔa wi nyɔ́ɔgi syɛ́ɛnrɛ na.

Ŋúnuyi 119:111

Mɔ kajoogèle ge nyɛ mii kɔ́rigi làla o làla, koro ge nyɛ mii fúngi fundaanra.

Ŋúnuyi 119:127

Koro na mɔ kajoodɛɛngèle kéele mii dɛ́nɛ n sɔ̀lɔ tɛ́ɛw na, àlí tɛɛtelew na.

Ŋúnuyi 119:130

Mɔ syɛ́ɛnri tɛ̀ɛnnɛ i gbɛ̀ɛnmɛ yirigi, ti i sícilimɛ kaangi kanaa-sìnjánbèle ma.

Ŋúnuyi 119:14

Mii i fundaanra kpéʔele mɔ séeraw kèlē kôdanʔara na, àmɛɛ lɔnɛʔɛrɛ taala nyɛ lè.

Ŋúnuyi 119:16

Mɔ kajoogèle ge nyɛ mii kínidɛnɛgi kèlē, mii a fɛ̀ʔɛ mɔ syɛ́ɛnri na í.

Ŋúnuyi 119:171

Mii nyɔɔwari n yɛlɛ bàā sòololi kéele càrí da yirigi! Níì cán mɔ i mii tama mɔ lalwaw kèlē na.

Ŋúnuyi 119:174

Mɔ syɔɔli láa n gbàn mii na, ee Yawe! Mɔ lalwaw si i nyɛ mii fundaanri.

Ŋúnuyi 119:72

Mɔ nyɔ́ɔgi syɛ́ɛnrɛ n mii dɛ́nɛ n sɔ̀lɔ tɛ́ɛw, ní wálifiiw yárira saala kagunɔ kagunɔbèlē saʔa na.

Ŋúnuyi 119:97

Mɔ lalwaw kéele n tɔ̀nɔ n mii dɛ́nɛ! Mii i wi kéeli sɔ̀ngí canbogi myɛ ni.

Zyeremii 15:16

Lǎli ni mɔ syɛ́ɛnri da ni nangi mii na lè, a mii i di líi. Mɔ syɛ́ɛnri n pye mii yanidaanmaga ní mii fúngi fundaanra yáriga. Níì cán mɔ mɛ́ɛgi gi yiri mii na, Yawe, Kolocɔlɔɔ wi lè Nyɛ̀ʔɛni Sùlasiibéle Kafɔlɔ!

Luki 24:32

A be i gi nyuu peyɛɛ ma níì jo: «Lǎli ni wi da ni nyuu ní wolo ní kólogi na lè, ní i Kolocɔlɔɔ syɛɛnsɛbɛri kɔ́rɔ tèé wolo na lè, wolo fúnyi da ni tàán ni maa wolo ni ì?»

Wɔrɔmi ye 7:18

Níì cán mii n gi cán yacanga faala o nyɛ mii ni í, gee bee n jo mii céri ni í. Gee gi mii dɛ́nɛ lè koro gi nyɛ mii í da kacǎngèle kpéʔele, mii si ga fànʔa taa bàā ge kpéʔele í.

Tɛ̀ɛnnɛ 11:10

Tári syɛ̀ɛnnɛ a ra fundaanra kpéʔele be kéeli na, sáā muguri. Pe a ra kpɔʔɔrɔ tórogi peyɛɛ ma, níì cán kanyaajoobèle bee siin maa ni tári syɛ̀ɛnnɛ wɔʔɔ ni caanri.