Nehemii 8:1 - Cebaara Bible 2010

¹ A yeye kɔrɔsiin wógi baa nan, koro n gí taa Isirayɛli ye maa pye be kěyi ni. Lǎli bee ni a syɛ́ɛnbèle myɛ baa peyɛɛ gbóʔoro àmɛɛ nàɔn nibin nyɛ lè, kadàlagi na gi nyɛ lè Lǒgi kpàánweele yɛ́ʔɛ ma. A be sɛ́bɛkanw Ɛsidirasi pye waa maa ní Mowizi làlwaw sɛ́bɛ ni, wee Yawe sɛ́bɛ n kaan Isirayɛli ye ma lè.

Nehemii 8:1 Iomraidhean Croise

2 Fànʔafɔbèle 23:2

A fànʔafɔw kári Yawe kpáagi ma ní Zyuda nǎnbèle myɛ, ní Zyerusalɛmi nǎnbèle myɛ, ní sáriga-wòlobèle, ní kanyaajoobèle ní n fàra syɛ́ɛnbèle myɛ na, n woyilibèle pínɛ wogbolobèle ni. Joogaanni sɛ́bɛ pe da nyaa Yawe kpáagi ni lè, a wi wi syɛ́ɛnri myɛ wéle n joo n le be líiweegèle ni.

2 Cányi kèlē 34:15

A Hilikiya gi joo sɛ́bɛkanw Syafan ma níì wi pye: «Mii n làlwaw sɛ́bɛ nyaa Yawe kpáagi ni.» A Hilikiya sɛ́bɛw kaan Syafan ma.

2 Cányi kèlē 34:30

A fànʔafɔw kári Yawe kpáagi ma ní Zyuda nǎnbèle myɛ, ní Zyerusalɛmi ye ní, ní sáriga-wòlobèle, ní Levii ye ní, n fàra syɛ́ɛnbèle myɛ na n wogbolobèle pínɛ woyilibèle ni. Joogaanni sɛ́bɛ pe da nyaa Yawe kpáagi ni lè, a wi wi syɛ́ɛnri myɛ wéle n joo n le be líiweegèle ni.

Ɛsidirasi 7:1

Kérigèle bee pyele kadoʔo ma, a ki ga pye Pɛrisi fànʔafɔw Aritakisɛrikisɛsi fǎngi làla ni, a Ɛsidirasi pan, wi lè Seraya jáaw, Seraya wi lè Azariya jáaw, Azariya wi lè Hilikiya jáaw,

Ɛsidirasi 7:10

Níì cán Ɛsidirasi maa wi fúngi yaʔa Yawe làlwaw tamana, ní wi kpéʔeleli na, ní i syɛ́ɛnbèle tama Isirayɛli làlwaw kajoogéle, ní sínni kèlē na.

Ɛsidirasi 7:11

Sɛ́bɛw fànʔafɔw Aritakisɛrikisɛsi da kaan sáriga-wòlow Ɛsidirasi ma lè, wi lè sɛ́bɛkanw, woro syɛ́ɛnri di nyɛ dee naa, Ɛsidirasi wi da ni syɛ́ɛnri sɛ́bɛ, dee Yawe joo n gbàn lè, n fàra wi làlwaw kèlē na Isirayɛli ye kéeli na:

Ɛsidirasi 7:6

Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Nehemii 12:26

Pe n pye beè Yoyakimi lǎli ni, wi pye lè Zyozuwe jáaw, Zyozuwe wi lè Yosadaki jáaw, n wɔ́ɔ̀ pye beè Nehemii lǎli ni, wi lè guvɛrinɛɛriw, ní sáriga-wòlow Ɛsidirasi lǎli ni, wi lè sɛ́bɛkanw.

Nehemii 12:37

Pùnweeli kpàánweele tɛ́ʔɛ ni be lúgu ni syée peyɛɛ zìnmɛ na. Pe n lúgu yaà Davidi kěgi tɛɛ̀lúgugéle na, tǒw tɛɛ̀lúgugo ni, Davidi kpáagi ǹjoʔo ni, fwɔɔ n sáà nan Lǒgi kpàánweele na, canʔafolomɔ ma.

Nehemii 3:26

Netinyɛbèle be pye lè wodɛ́ɛnbéle ní Ofɛli ni, á poro báara fwɔɔ n sáà nan Lǒgi kpàánweele zinmɛ na, canʔafolomɔ ma, ní níì kári fwɔɔ n sáà nan màʔami kpaataʔa-tɔ́nɔgɔ zinmɛ na.

Nehemii 8:16

Lǎli bee ni a syɛ́ɛnbèle yiri n sáà di kúun n pan n baa kpáagèle sámaga peyɛɛ ma, a pe myɛ nibin nibin ge sámaga be kpáayi ǹjoyo ni, ní be kàcoogèle ni, ní Kolocɔlɔɔ kpáagi kàcoolo ni, ní Lǒgi kpàánweele kadàlaga na, ní Efirayimi kpàánweeli kadàlaga na.

Nehemii 8:3

A wi wéle sɛ́bɛw ni n séli nyǐngi nyɔ́ɔ na n taa a cángi baa tɛ́ɛn nyùngo ni, Lǒgi kpàánweele yɛ́ʔɛ ma, nǎnbèle, ní cébèle, ní bele nyɛ́nɛ na pe a gbǎn syɛɛnrɛ lóʔo lè si di kɔ́rɔw cán. A syɛ́ɛnbèle myɛ be yákiriw yaʔa làlwaw sɛ́bɛ syɛ́ɛnrɛ na gbanʔama, dee wi da ni wéle ni nyuu lè.

Ezayi 8:20

Làlwaw, ní séeraw má gi yɛlɛ syɔɔn í da lúro. Syɔ́ɔnwee jooganma ga pye lè pi ga yɛlɛ ní dee bee ní í, nyǐnjerigi gbɛ̀ɛnmɛ o nyɛ wi ni í.»

Levii ye sáriga-wòlori 9:5

Yáriree kéele Mowizi joo n gbàn lè a be pan ní di ní Syɛ́ɛnmi Tɛɛfaraga fànikpaʔa yɛ́ʔɛ ma, á syɛ́ɛnmi myɛ nùuni yaà n sáà yére Yawe yɛ́ʔɛ ma.

Matye 13:52

A wi be pye: «Koro na Mowizi làlwaw tamafɔlɔ o tamafɔlɔ wi nyɛ lè nyɛ̀ʔɛni fànʔa pìitamawaa, wi i nyɛ àmɛɛ nànwaa nyɛ lè, wee wi nyɛ lè kpaʔafɔlɔ ní i yalɛɛri ní yafɔnri yirigi wi lɔgbanri yárira ni ni tèé.»

Matye 23:13

«Wɔʔɔli a pye yele na, làlwaw sɛ́bɛwelebéle ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele n nyɛ̀ʔɛni fànʔa tɔ́n syɛ́ɛnbèle na. Yele o jǐn gi ni í, yele si ga wɔ́ɔ̀ fɔ̀lɔ n bele yaʔa pe i jǐn gi ni í. [

Matye 23:2

«làlwaw sɛ́bɛwelebéle ní Farisibèle i nyɛ Mowizi sìndɛɛgi ni.

Matye 23:34

Koro na ye wéle, mii a ra kanyaajoobèle, ní sícilibèle, ní làlwaw sɛ́bɛwelebéle tungu yele ma. Yele si a ba ra be pèle kúu, si wɔ́ɔ ra pèle kóri tiipariyi na, sáā pèle kpúmɔn ní sapiigèlē ní yele sérikpaayi ni, sáā be wɔʔɔ da máari kěyi ni.

Làlwaw Kaanziin 31:11

lǎli ni Isirayɛli ye myɛw ga pan lè n baa yére Yawe mɔ Kolocɔlɔw yɛ́ʔɛ ma, tɛ́ɛgee ni wi ga nyɛ́nɛ n wòlo lè, mɔ a làlwaw bee syɛ́ɛnrɛ wéle joo Isirayɛli ye myɛ yɛ́ʔɛ ma pe di lóʔo.

Jàbɔbèle 20:1

A Isirayɛli ye myɛw peyɛɛ gbóʔoro n pye àmɛɛ nàɔn nibin nyɛ lè Yawe yɛ́ʔɛ ma Misipa ni. Pe maa yìri yaà n séli Dan na fwɔɔ n sáà nan Bɛɛri-Syeba na n fàra Galaadi tári na.

Jàbɔbèle 20:8

A syɛ́ɛnmi myɛ pínɛ n yìri n pye àmɛɛ nàɔn nibin nyɛ lè níì jo: «Wolo wàa faala a kári wi tɛʔɛ ma í, syɔɔn faala a sa jée wi kpaʔa ni í.