Nehemii 7:2 - Cebaara Bible 2010

² níì Zyerusalɛmi kakarigari kàlifáa mii senyɛnw Hananii, ní Zyerusalɛmi kpaataʔa-tɔ́nɔgi kùndigi Hananya ma, wi pye lè tágala syɔ́ɔn, wee wi da ni fɛ̀ɛgí lè Kolocɔlɔɔ na n sɔ̀lɔ syɛ̀ɛnnɛ saʔa na.

Nehemii 7:2 Iomraidhean Croise

Sélimɛ 42:18

A ki ga pye candaanri wógi na, a Zyozɛfu be pye: «Ki n yɛlɛ ye gee naa kpéʔele koro ga pye yele í koro sìi na. Níì cán mii i fɛ̀ɛgí Kolocɔlɔɔ na.

2 Samyɛli 23:3

Isirayɛli ye Kolocɔlɔw n syɛɛnrɛ joo, Isirayɛli ye fálagi n mii pye: ‹Wee wi ga ni fǎngi kpéʔele syɛ́ɛnbèle na ní sínnɛ ní lè, wee wi fǎngi kpéʔele ní Kolocɔlɔɔ yɛ́ɛgi fyáara ní lè,

1 Fànʔafɔbèle 18:12

Ki kàri pye lǎlee ni mii ga núngo mɔ taana lè n kári, Yawe Pǐli í mɔ láa kári tɛɛgaa ni, gee gi lè mii a gi cán í. Mii si ga sáà mɔ kéeli joo Akabi ma, wi ga pye wi ga baa mɔ nyaa í, wi a mii kpóo. Bi gi taa mɔ falipyew i fɛ̀ɛgí Yawe na nlaa yaà wi cárimi làla ni.

1 Fànʔafɔbèle 18:3

A Akabi tun a be Abidyasi yeri wi pye lè woro kpáagi fáli nyúngo na. Abidyasi si maa ni fɛ̀ɛgí Yawe na gbanʔama.

Nehemii 1:2

Hananii wi lè mii senyɛnwaa, a woro ní nǎnbèle pèle yìri yaà Zyuda ma n baa nan. A mii be yíbe Zyefubèle kéele na pe da taa n syɔɔ lè, poro bele pe da kòro púlori wòolo ni lè, ní Zyerusalɛmi kéeli na.

Nehemii 10:23

ní Pelatya, ní Hanan, ní Anaya,

Nehemii 13:13

A mii yatɛʔɛ-kpáayi kpaàwelere fáli kàlifáa Syelemya ma, wi lè sáriga-wòlow, ní Sadɔki ma, wi lè sɛ́bɛkanw, ní Pedaya ma wi lè Levii wówaa, níì Hanan fàra be na wi lè Zakuuri jáaw, Zakuuri wi lè Matanya jáaw, níì cán pe mɛ́ɛyi maa yiri n jo pe i nyɛ tágala syɛɛnnɛ. A be fáliw wɔ́ɔ̀ pye paa yáriri lee be senyɛnbèle na.

Nehemii 2:8

Sɛ́bɛwaa si kaan Azafi wóo, wi lè fànʔafɔw kɔ́ligɔ kɔrɔsiifɔlɔ, koro ga pye wi tiire kaan mii ma kpɔ̀ʔɔrɔli kpaʔa taana kpaataʔa-tɔ́nɔgɔ kɔriyɔ kéele na, ní kěgi tò, ní kpáagi kéele na beè mii a sa pye lè.» A fànʔafɔw fɔ̀lɔ gi na mii ma, níì cán mii Kolocɔlɔw kɔjànga maa pye mii na.

Nehemii 5:15

Guvɛrinɛɛri-sélibèle be pye mii yɛ́ʔɛ ma lè, poro maa gi gbàn syɛ́ɛnbèle na, ni yaliiri, ní dùvɛɛnw syoo be ma n fàra wálifiio támabéle togoye siin-ziin na. Alí be falipye-nìgɔcaribèle maa ni fǎngi kpéʔele syɛ́ɛnbèle na. Mii si ga koro kàa kpéʔele í, àmɛɛ mii fɛ̀ɛgí Kolocɔlɔɔ na lè.

Nehemii 7:3

A mii be pye: «Zyerusalɛmi kpàánweegèle a ra múru í fwɔɔ bi taa cángi í da wáragi. Kpàánweegèle wélefɔɔlɔ a núngo í bi taa kɔ̀riyi í tɔ́n bi sɔ̀ʔɔ. Zyerusalɛmi wóbèle pe a pye kpaàwelebèle. Pèle a pye be kpaàwele-tɛ́ɛyɛ ni, bele si pye be kpaaya yɛ́ʔɛ ma.»

Zyɔbi 1:1

Nànwaa maa pye yaà Usi tári ni, pe i wi yiri Zyɔbi. Wi maa tɔ̀nɔ n pye kajoolo fun syɔ́ɔn, níì sín. Wi maa ni fɛ̀ɛgí Kolocɔlɔɔ na, ní i còʔoró kapeebyeri na.

Ŋúnuyi 101:6

Mii nyɛ́nɛ a pye tágala syɛ́ɛnbèle na be nyɛ lè tári ni, koro ga pye be tɛ́ɛn mii taana. Wee wi táanri kajoolo fun syɛ́ɛnbèle kólogi ni lè, wee bee fɔ́lɔ a ra báara mii ma.

Yirile 18:21

Nǎnbèle pèle cɔɔnri syɛ́ɛnmi myɛ ni be pye báriga syɛ̀ɛnnɛ, pé wɔ́ɔ ra fɛ̀ɛgí Kolocɔlɔɔ na, si pye nǎnbèle pèle, bele be tan kányɛɛgi na lè, pe si o tɔ̀nɔpeeo caa í. Mi bele bee télege be pye kùndigibéle. Poro pèle a pye syɛ̀ɛnnɛ saala kagunɔ kagunɔ kùndigibéle, pèle si pye dabata-daa kùndigibéle, pèle si pye togoye siin-ziin ní kpɔrigɔ kpɔrigɔ kùndigibéle, pèle si pye kɛɛ-gɛɛ kùndigibéle.

Danyɛli 6:4

Danyɛli tiimaa si maa sɔ̀lɔ kùndigibèle, ní tári kacɔɔnribéle na, níì cán bìngaara pile maa pye wi ni, a fànʔafɔw i sɔ̀ngí bi wi télege fǎngi myɛ nyúngo na.

Córolo 12:7

Kánmi bee si na ban mii falipyew Mowizi kéeli nyɛ í. Wi i nyɛ tágala syɔ́ɔn mii kpáagi myɛ ni.

Matye 24:45

«Wìí wi nyɛ falipyejǎnw níì cìlige, wee wi Kàfɔw a télege wi narigbaagi syɛ̀ɛnnɛ yɛ́ʔɛ na lè, jàngó waa be lìíli kaangi be ma li làrigaanni ni?

Matye 25:21

A wi kàfɔw wi pye: ‹Gee bee n nyɔɔ. Mɔ i nyɛ falipyejàɔn, mii n tága mɔ na, mɔ n sámaga n báara kérigèle kèle cɛɛri ni, mii si a mɔ télege kèle saʔa nyúngo na.› Níì wi pye: ‹Ba jée mii fundaanri ni.›

1 Korɛnti ye 4:2

Ki si n yɛlɛ kacɔɔnriɔ í pye tágala syɔ́ɔn.

2 Timɔte 2:2

Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.