Nehemii 7:1 - Cebaara Bible 2010

¹ Lǎli ni tǒw níì faan n kwɔ́ɔ lè, á mii kpàánweegèle kɔ̀riyɔ le n kwɔ́ɔ, a mii kpàánweegèle kɔ̀rɔsiifɔɔlɔ, ní ŋùuvɔbèle, ní Levii ye télege be fáliw tɛ́ɛyɛ ni,

Nehemii 7:1 Iomraidhean Croise

2 Fànʔafɔbèle 7:10

A be kári n sáà kěgi kpàánweele kɔrɔsiifɔwaa yeri níì syɛ́ɛnri naa joo wi ma níì jo: «Wolo n sáà jée Sirii ye tɛɛ̀tɛ́ɛngi ni, wéle, syɔɔn faala ní o yaà í, syɔɔn faala joomɔ o lúro yaà í. Yafyɛn o yaà kapye syɔ́ɔnyi ní jòfanibèle ban be yaà wobwɔɔbéle ní lè í, ní fànikpaayi be yaʔa yi kánmi na lè.»

2 Cányi kèlē 31:2

A Ezekyasi sáriga-wòlobèle ní Levii ye télege n yɛlɛ ní be kabiyi ní, pe myɛ nibin nibin, n yɛlɛ ní be fáliw ní, pe lè sáriga-wòlobèle, ní Levii ye, paa sáriga-sórigow, ní pínɛnyɛnnɛgi sáriga wóo, pe wɔ́ɔ ra fáliw kpéʔele, si wɔ́ɔ ra bariga kaanni, ní kpɔ̀ʔɔrɔli ŋúnuyo ŋúu Yawe tɛɛ̀tɛ́ɛngi kpàánweegéle na.

Ɛsidirasi 3:8

Pe nan lè Kolocɔlɔɔ kpáagi na Zyerusalɛmi ni, a ki ga pye yɛɛziin wóli yeziin wóʔo na, Zorobabɛli wi lè Syeyalityɛli jáaw, ní Zyozuwe wi lè Yosadaki jáaw, ní be senyɛnzanbèle be lè sáriga-wòlobèle, ní Levii ye n fàra bele myɛ na pe da yìri púlori na n lúru n pan Zyerusalɛmi ma lè, a poro fáliw séli. Levii wóbèle be yɛ̀ʔɛlɛ toko toko taa lè, ní poro yɛ́ʔɛ ma wóbèle, a be poro télege paa Yawe kpáagi fáli kɔ̀rɔsíi.

Nehemii 10:39

Lǎli ni Levii ye ga ni maa ní yáʔaw yáʔa ní lè wolo Kolocɔlɔw kpaʔa ma, ba lége lɔ́ri tɛɛkɔngɔ kpaafunyo ni, Aarɔn yòdaʔayi sáriga-wòloo a pye ní be ní.

Nehemii 11:3

Tári kùndigibéle pe baa tɛ́ɛn Zyerusalɛmi ni lè, poro be nyɛ bele naa. Pe myɛ nibin nibin n sáà tɛ́ɛn Zyuda kěyi ni, be tálɛɛgéle ni, be kèye ni, gee bee n jo Isirayɛli ye, ní sáriga-wòlobèle, ní Levii ye, ní Netinyɛbèle, ní Salomɔn falipyebèle yòdaʔaya.

Nehemii 12:24

Levii ye kùndigibèle be pye lè Hasyabya, ní Syerebya, ní Zyozuwe wi lè Kadimyɛli jáaw, ní be senyɛnbèle, poro má ki da kaan paa yèré bele zìnmɛ na, bàā Yawe sòoló sáā wi kpɔ̀ʔɔrɔ́ kabiya kabiya bi yɛlɛ ní gee ní Kolocɔlɔɔ syɔ́ɔnw Davidi da joo n gbàn lè.

Nehemii 6:1

Lǎli ni si Sanbala, ní Tobiya, ní Gesyɛmi wi lè Arabuw, ní wolo nigoobèle bele gi lóʔo lè mii n níì tǒw faan n kwɔ́ɔ, weegaa ga níì kòro wi na sìndɔn ni í, lǎli bee ni mii da kɔ́ɔ̀ kpàánweegèle kɔ̀riyɔ le í,

Nehemii 6:15

Tǒw n faan n kwɔ́ɔ Eluli yégi canya toko ní kagunɔ wógi na, canya togoye siin ní kpɔrigɔ ní siin fúngo ni.

Nehemii 6:19

Alí pe maa ni wi mɛ́ɛtaangi yiri mii nyɛ́nɛ na, ní wɔ́ɔ i mii syɛ́ɛnri lée n sa ni nyuu wi ma. Tobiya maa ni sɛ́bɛbéle tórogi koro ga pye bi fyáara lége mii ni.