Nehemii 6:9 - Cebaara Bible 2010

⁹ Syɛ́ɛnbèle bee myɛ maa ni caa bi wolo kàriga wolo í da fɛ̀ɛgí, níì jo: «Pe bárigaw a kwɔ́ɔ, fáliw si a ní kpéʔele í.» Tɔ́ɔliw ni, fànʔa le mii kɔ́yi ni ee Kolocɔlɔɔ.

Nehemii 6:9 Iomraidhean Croise

2 Cányi kèlē 15:7

Yele si na, ki n yɛlɛ ye nìrimɛ le, yele a kɔ́ yele kɔ́yi yaʔa yi fɔlɔ í. Níì cán yele kapyegèle a ba sàra.»

2 Cányi kèlē 32:18

A be i nyuu ni yákpogèle wáa gbanʔama Zyuda ye syɛ́ɛnri ni koro ga pye bi fyáara ní zɔ̀nviikɔnirɔ wáa Zyerusalɛmi syɛ́ɛnbèle bele na pe da pye lè tǒw ǹjoʔo ni, koro ga pye poro í gbǎn kěgi syɔɔ taa kánmi bee na.

Ɛsidirasi 1:6

Bele myɛ pe da be màʔa lè a poro be dɛ̀ɛmɛ ní wálifiio, ní tɛɛ̀ yárira ní n fàra kɔlɔ̀ yataara, ní yaweere, ní lɔnɛʔɛrɛ na, n wɔ́ɔ̀ fàra kínidɛnɛgi yakaanra féleye myɛ na.

Nehemii 6:14

Ee mii Kolocɔlɔw, sɔ̀ngi mi taa Tobiya, ní Sanbala, ní be kapyegèle na, n fàra kanyaajoocew Nowadya, ní kanyaajoobèle bele na pe da ni caa bi fyáara lége mii ni lè.

Ŋúnuyi 138:3

Cángee na mii mɔ mɛ́ɛgi yeri lè, a mɔ lóʔo mii ma, níì nìrimɛ le mii ni, n fànʔa le mii pǐli ni.

Ŋúnuyi 56:3

Bele be mii laba lè pe i tìngí ni tɔ́ngi mii na canbogi myɛ ni. Pe n nɛʔɛ, bele be kapɛɛnni kpúmɔn ní mii ní lè ní nɛ̀ɛnyɛnɛgɛ ní!

Ŋúnuyi 68:35

Yaa gi jáari yé jo fǎngi i nyɛ Kolocɔlɔɔ wóʔo! Wi fǎngi i nyɛ Isirayɛli ye nyúngi na, wi séew si i nyɛ fàfaanyi ǹjoʔo ni.

Ŋúnuyi 71:1

Ee Yawe, mɔ láari ni mii fàn n làra, fɛ̀ɛrɛ ga yɛlɛ di mii taa nyáana í!

Ezayi 40:29

Wi i fànʔa kaangi wee má wi fɔ̀rɔ lè, wi i kàa fàrá wee báriga na wi nan tɛɛ̀kwɔɔli na lè.

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Zyeremii 38:4

A syɛɛnkpolobèle gi joo fànʔafɔw ma níì jo: «Nǎnw naa n yɛlɛ pe wi kpóo! Níì cán kapɛɛnkpumɔn-nǎnbèle be kòro kěgi naa ni lè, woro wi be bárigaw kwóo, n fàra syɛɛnsanbèle myɛ na, àmɛɛ wi syɛ́ɛnri naa félege nyuu be ma lè. Nǎnw naa o syɛ́ɛnbèle naa nyɔɔmɔ caa í, fwɔɔ be wɔʔɔgi.»

Ezekyɛli 30:24

Mii a fànʔa le Babilɔni fànʔafɔw kɔ́yɔ ni, si mii ŋɔséew le wi kɔ́gi ni. Mii a Faraɔnw kɔ́yɔ kabagi, wi a ra cɛ́ɛn wi yɛʔɛ̀ ma àmɛɛ wàa nyɛ, wee wi nyɛ kúkoliw na lè.

Zakarii 10:12

Mii a be kpéʔele nànniribēle Yawe ni, pe a ra táanri wi mɛ́ɛgi na.» Yawe wi jo nya.

2 Korɛnti ye 12:9

a wi mii yari: «Mii kpɔ́ʔɔri n yɛlɛ ní mɔ ní, níì cán mii fǎngi i gi kapyeli forogi mɔ ma lǎli ni mɔ nyɛ lè fànʔa-fǔnmi ni.» Gee bee na ki n mii dɛ́nɛ gbanʔama n sɔ̀lɔ mii í niyɛɛ gbɔ́ʔɔ ní mii fànʔa-fǔnmi kèlē ní, koro ga pye Kirisi fǎngi í pye mii ni bàā mii dɛ̀ɛmɛ́.

Efɛzi ye 3:16

Mii i wi nyɛ́ɛri jàngó wi Pǐli í fànʔa kaan yele ma yele í nìri yele fúnyi ni bi yɛlɛ ní wi nìjangbɔɔri lɔnɛʔɛrɛ ní,

Efɛzi ye 6:10

Gee gi syɛɛnsanri kwɔ́ɔ lè, àmɛɛ yele nyɛ lè Kàfɔw ni, ki n yɛlɛ ye nìrimɛ le yeyɛɛ ni wi séekpɔɔw fànʔa báriga ni.

Filipikaʔa ye 4:13

Mii fánʔa i nyɛ kérigèle myɛ na bàā ge kpéʔele Kirisi bárigaw ni, woro wee wi fǎngi kaangi mii ma lè.

Heburubèle 12:12

Gee bee na gi yɛlɛ ye nìrimɛ le kɔ́yi ni yi fɔ̀rɔ lè, ní fànʔa fun yégunyi ni.

1 Pyɛri 5:10

Kolocɔlɔɔ wi lè kpɔ́ʔɔri myɛ kaanfɔlɔ, woro wee wi yele yeri lè koro ga pye yele í lɛɛlɛ taa wi kwɔ́ɔmɔ fun nijangbɔɔri ni Kirisi ni, yele ga wɔʔɔ n làla cɛɛri kwɔ́ɔ, wi tiimaa a yele sámaga foro, si nìrimɛ lége yele ni, si fànʔa kaan yele ma yele í sámaga yére.

1 Samyɛli 30:6

A gi tɔ̀nɔ n pye Davidi na wɔʔɔgbɔʔɔ, níì cán syɛ́ɛnbèle maa jo poro a wi wábagi ní kàdɛnɛri ní. Pe myɛ nibin nibin maa tɔ̀nɔ n pye funbɛɛnrɛ na pe nànbiigèle ní be calipiigèle kéele na. Kàjáa Davidi maa nìrimɛ le Yawe wi Kolocɔlɔw báriga ni.