Nehemii 6:6 - Cebaara Bible 2010

⁶ Ki maa sɛ́bɛ wi ni n jo: «Ki i nyuu ni máari syɛɛnfeleyi nínge ni, àmɛɛ Gasyimu wɔ́ɔ baa gi joo mii ma lè, níì jo, mɔ ní Zyefubèle ní, yele i sɔ̀ngí bi céemɛ kpéʔele, koro na mɔ ní i tǒw faanri. A gi wɔ́ɔ i nyuu níì jo mɔ a ba pye be fànʔafɔw.

Nehemii 6:6 Iomraidhean Croise

Ɛsidirasi 4:12

Fànʔafɔw n yɛlɛ bi gi cán Zyefubèle bele be yìri yaà mɔ ma lè ní baa nan naa wolo na Zyerusalɛmi ni lè, pe i naa n ní ba ni céemi kàʔa faanri ki lè kèpeegi, pe i gi tǒw, ní gi kàpɔɔnw sámagi.

Ɛsidirasi 4:15

jàngó be caa be wéle yaà mɔ tóolɛɛbèle sɔ̀ngudaara kèlē sɛ́bɛ ni. Mɔ a gi nyaa sɔ̀ngudaari kèlē sɛ́bɛ ni bi cán kěgi naa i nyɛ céemɛ kaʔa, koro gee gi fànʔafɔbèle ní tátɛɛyi bɔ̀nɔ lè, a céemɛ wɔ́ɔ̀ pye kěgi naa ni booma ni. Koro na pe da kěgi naa jaa.

Nehemii 2:19

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, ní Gesyɛmi wi lè Arabuw, a poro ga kéeli bee lóʔo, a be i peyɛɛ nyɛ́nɛ wolo na ní i wolo faari. Pe n jo: «Nyàʔá ye kpéʔele gee? A yele a fànʔafɔw cée lé wii?»

Nehemii 6:13

Amɛɛ pe wi syɔɔ wáli na kánmi bee na lè pe maa ni sɔ̀ngí mii a fyáa si taʔa wi syɛ́ɛnri na si kapeele pye. Pe a dée mii mɛ́ɛgi kálagi si faʔara wáa mii na.

Nehemii 6:5

A Sanbala wi falipye-nigɔcariw tórigo mii ma tɔkagunɔ wógi na ní syɛ́ɛnri bee wonijanra ní, lɛ́tiri si i nyɛ wi kɔ́gi ni womúguo ní.

Nehemii 6:7

A mɔ caà kanyaajoobéle télege paa gi nyuu mɔ kéeli na Zyerusalɛmi ni, si jo: ‹Fànʔafɔlɔ i nyɛ Zyuda ni,› kéeli bee si a nan fànʔafɔw na. Koro na da maa wo ba woyɛɛ nyaa wo pínɛ wo joo.»

Zyeremii 20:10

Mii i syɛɛnnɛʔɛmɛ syɛɛn-ŋúnuŋunuro lúro a pe i gi nyuu níì jo: «Fyáakpɔɔrɔ i nyɛ kàbanyi myɛ na! Yaa gi nyuu yaa tèé! Waa gi nyuu waa tèé!» Bele myɛ pe da pye ní mii ní lè yɛɛ̀nyinge na, pe i mii tooli caa ní i gi nyuu níì jo: «Dɔ̀ʔɔ́ wi a wiyɛɛ yaʔa be fáana pùuni, wolo si wi taa jáa, si gɔ̀lɔ́w wòlo wi na!»

Matye 5:11

Lǎli ni pe ga ni yele teeri lè ní i yele wɔʔɔ, ní i jànvaaw syɛɛnpeere féleye myɛ nyuu ni wáa yele na mii kéeli na lè, lǎli bee ni yele i nyɛ dùba pìibēle.

Luki 23:2

n sa ni Pilati sɔ́ɔn wi na níì jo: «Wolo n nǎnw naa nyaa wi i wolo tári syɛ̀ɛnnɛ fáana ni pùuní, wi i be yéregi níì jo pe a kɔ́ ra nyǔnyi lɔ́rɔ kaangi Sezari ma í, ní wɔ́ɔ̀ jo woro tiimaa wi nyɛ Kirisi, ní i nyɛ fànʔafɔlɔ.»

Zyan 19:13

A Pilati ga syɛ́ɛnri bee lóʔo, a wi Zyezu yirige kàfugi na, ní sáà tɛ́ɛn kútiijoo-koli na, pe i tɛ́ɛgi bee yiri Tɛɛwɔlɔgɔgɔ, ní i gi yiri Heburu-syɛ́ɛnri ni Gabata.

Wɔrɔmi ye 3:8

Ki ga pye nya, nyàʔá na ki ga yɛlɛ wolo í da kapeegèle kpéʔele koro ga pye kacǎngèle sáā taagi kapeegèle kpéʔelele báriga ni í? Syɛ́ɛnbèle pèle i wolo mɛ́ɛyi kálagi níì jo wolo i gi nyuu nya. Kútiiw toolo n yɛlɛ bele bee na.

2 Korɛnti ye 6:8

Pe i wolo kpɔ́ʔɔgi ní wɔ́ɔ i wolo faari, pe i wolo mɛ́ɛpɛɛnyi yiri, ní wɔ́ɔ i wolo mɛ́ɛtaanyi yiri. Pe i wolo córo jànvaafɔɔlɔ, bi gi taa wolo i nyɛ kányɛɛjoobéle.

1 Pyɛri 3:16

Ki si n yɛlɛ yaa gee bee kpéʔele ní fûnnyinge, ní kpɔʔɔrɔ ní, yé pye funviire fɔ̀ɔlɔ, koro ga pye, àlí pe ga wíre ni yele mɛ́ɛpɛɛnyi yiri, ní i yele nàʔajǎnmi faari, bee yele náari Kirisi ni lè, fɛ̀ɛrɛ í be taa.