Nehemii 6:2 - Cebaara Bible 2010

² a Sanbala ní Gesyɛmi tun mii ma níì jo: «Da maa wo ba woyɛɛ nyaa wo joo Kefiirimi ni, Onɔ jǐnlɔgi ni.» Pe maa gi tímana bi kapeʔe kpéʔele mii na.

Nehemii 6:2 Iomraidhean Croise

2 Samyɛli 20:9

A Zyowabi Amasa pye: «A mɔ cólogo lé, ni senyɛnnɛ̀?» Níì fala n wi kàliige kɔ́gi tɛ́ʔɛ n Amasa cò bàʔajɔɔw na bi wi syɔɔnri syɔɔnri.

2 Samyɛli 3:27

Lǎli ni Abinɛɛri lúru n pan Heburɔn ma lè, a Zyowabi baa wi kɔ́ri n kàri kɔlɔ̀ na, a be jée kpàánweeli ni n gi pye mɔ a jo woro i caa bi syɛɛnrɛ làrá joo wi ma. A Zyowabi sáà wi súu yaà beè fícɛnni nínge ni, a wi kùu. Kánmi bee na Zyowabi Abinɛɛri kpóo woro cɔnɔw Azayɛli sìsyaanw wolo kéele na.

1 Cányi kèlē 8:12

Elipaali jáabèle be nyɛ: Ebɛɛri, ní Misyeyami, ní Syemɛdi, woro wi Onɔ, ní Lɔdi, ní gi tɛ́nɛmi kèye faan.

Nehemii 11:35

ní Lɔdi, ní Onɔ ní n fàra yáriri sámagafɔɔlɔ jǐnlɔgɔ na.

Nehemii 3:22

Sáriga-wòlobèle be pye lè wodɛ́ɛnbéle ní tɛɛfiigi na, a poro báara n taʔa wi na,

Nehemii 6:3

A mii tundunbéle tun be ma ní syɛɛnlurugori naa ní níì jo: «Mii i naa falikpɔɔɔ na bi wi foro, mii a gbǎn tìgi yaà í. Nyàʔá na fáliw yɛlɛ wi yére bi lǎli bee kwɔ́ɔ lǎlee ni mii a wi yaʔa si tìgi yaà yele ma lè?»

Ŋúnuyi 12:2

Ee Yawe, ki n yɛlɛ mi wo syɔɔ, níì cán Kolocɔlɔɔ yɛ́ɛgi fyáafɔɔlɔ i kwóo ni syée. Tágala syɛɛnnɛ ní o beè syɔɔn ye níngi ni í.

Ŋúnuyi 37:12

Syɛɛnpeew i kanbeemɛ tímana syɛɛnsinw kánma na, wi i gǎngèle kúru wi kánmi na.

Ŋúnuyi 37:32

Syɛɛnpeew i syɛɛnsinw kɔ̀rɔsíi, ní i wi kpóoganmi caa.

Syɛɛnjóow 4:4

Mii n gi nyaa ncan faligbanw myɛ, ní falinyɔɔgwɔɔw myɛ i nyɛ syɔɔn nyabɛɛnni wi syɛɛnnyɛnw kánma na. Koro wɔ́ɔ i nyɛ gbanzan, ní bi taʔa Káfalaga na da nɛnɛ.

Zyeremii 41:2

Lǎli bee ni a Netanya jáaw Isimayɛli yìri ní nǎnbèle kɛɛ ní n fàra wiyɛɛ na n Gedaliya kpúmɔn ní ŋɔsée ní, Gedaliya wi lè Ahikami jáaw, Ahikami wi lè Syafan jáaw. Kánmi bee na wi wi kpóo, woro wee Babilɔni fànʔafɔw da télege tári nyúngo na lè.

Ezekyɛli 33:31

Pe i kpóʔoro ni maa mɔ ma syɛɛnnɛʔɛmɛ, mii syɛ́ɛnbèle i tɛ̀ɛ́n mɔ yɛ́ʔɛ ma. Pe i mɔ syɛ́ɛnri lúro, kàjáa pe o táanri di na í, pe i gi kpéʔele ní syɛɛntaanra ní pe nyɔ́ɔyi na, á tɔ̀nɔpeew kári ní be fúnyi ní.