Nehemii 6:16 - Cebaara Bible 2010

¹⁶ Lǎli ni wolo nigoobèle myɛ kéeli bee lóʔo lè, syɛɛnfeleyi myɛ yi wolo màʔa lè, a yi fyáa. A yi tɔ̀nɔ n yiyɛɛ nyaa fɛ̀ɛrɛ wóyo ní, ní wɔ́ɔ̀ gi cán fáliw n kpéʔele n foro n yɛlɛ ní wolo Kolocɔlɔw nyɛ́nɛ kéele ní.

Nehemii 6:16 Iomraidhean Croise

Nehemii 2:10

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, a poro ga kéeli bee lóʔo, a gi tɔ̀nɔ n be bɛɛn gbanʔama, àmɛɛ nànwaa pan lè n ba ni Isirayɛli yòdaʔayi wòolo nyɔɔmɔ caa.

Nehemii 4:1

Kàjáa lǎli ni Sanbala, ní Tobiya, ní Arabubèle, ní Amɔn ye, ní Asidɔdi ye gi lóʔo lè Zyerusalɛmi tǒw fáli i syée yɛʔɛ̀ ma, ncan pe n séli ni wi tɛɛ̀walagiyi tɔ́ngi, a be fúnyi tanʔa gbanʔama.

Nehemii 4:7

Koro na mii syɛ́ɛnbèle télege tɛɛmariyi ni, tǒw kàdoʔo ma, ní tɛɛwaayi na. Mii maa be télege nariduluyo nariduluyo, pe ŋɔséebèle, ní be tàbaabèle, ní be sedeyi si i nyɛ be ma.

Nehemii 6:17

Cányi bee ni wɔ́ɔgēle, Zyuda mɛ́ɛkpoloyi fɔ̀ɔlɔ maa ni sɛ́bɛbéle tórogi Tobiya ma tɔlɔyɔ saʔa, a Tobiya wóbèle wɔ́ɔ i maa be ma.

Ŋúnuyi 109:27

Koro ga pye pe gi cán mɔ kɔ́lɔ kapyele lii, pe gi cán bi cán mɔ Yawe wi gee bee kpéʔele.

Ŋúnuyi 126:2

Lǎli bee ni wolo nyɔ́ɔyi maa nyìn kataanri na, wolo nyíngèle maa ni fundaanra yákpogéle wáa. Lǎli bee ni a ki i nyuu syɛɛnfeleyi nínge ni níì jo: «Yawe n kakpoloyo kpéʔele be ma!»

Ŋúnuyi 129:5

Bele myɛ be Siyɔn para lè, ki n yɛlɛ fɛ̀ɛrɛ í be taa pe lúru kàdoʔo ma.

Ŋúnuyi 147:2

Yawe ní i Zyerusalɛmi faanri, wi i Isirayɛli wóbèle kpóʔoro, bele pe da kɔ́ri n kári lè.

Yirile 14:25

Wi maa be kapɛɛnkpumɔn-wòtorobèle sàkoyo kɔ́nɔgi n táriga, a be tánʔani kéele gbàn. Lǎli bee ni a Ezyipiti ye jo: «Ye tíi waa fé Isirayɛli ye na. Níì cán Yawe i kapɛɛnni kpúmɔn ní wolo Ezyipiti ye ní ni kaangi be ma.»

Zyeremii 33:9

Kěgi naa a pye mii ma fundaanra yáriga bi pye sòololo, ní fèrere yáriga, tári syɛɛnfeleye myɛ nínge ni, yoro yee yi a kacǎngèle myɛ kéele lóʔo, gele mii kpéʔele be na lè. Fyáari a tɔ̀nɔ́ be cò paa cɛ̀lɛ́, kacǎnyi myɛ, ní ŋɔ́ndaali myɛ kéele na mii kaangi be ma lè.›

Córolo 23:23

Dɛ̀ɛ́mi a gbǎn yafyɛn pye Zyakɔbi na í. Kanyaajoori a gbǎn yafyɛn pye Isirayɛli na í. Làridɛ̀ɛ́nni ni ki a ba joo Zyakɔbi ní Isirayɛli kéeli na, gee Kolocɔlɔɔ kpéʔele lè.

Kapyegèle 5:38

Gee si mii a joo yele ma lè tɔ́ɔliw ni koro gi nyɛ, ki n yɛlɛ ye láʔa nǎnbèle naa na, yé be yaʔa peyɛɛ ma. Kapye syɔɔn wi kéeli naa tímana, wàlá kapye syɔɔn má fáliw naa yìri, wi a kálagi.

Zyozuwe 2:11

Wolo gee bee lóʔo lè, a koro wolo bárigaw kwɔ́ɔ, zɔ̀n ga níì pye syɔɔn faala ni yele yɛ́ʔɛ ma í. Níì cán Yawe wi lè yele Kolocɔlɔw, woro wi nyɛ Kolocɔlɔɔ nyɛ̀ʔɛni na yaà ǹjoʔo ma ní nɛɛ naa tári na táàma.

Zyozuwe 2:9

ní sáà be pye: «Mii n gi cán ncan Yawe n tári naa kaan yele ma. Yele fyáari n wolo cò. Yele kéeli n tári naa syɛ̀ɛnnɛ myɛ fànʔa kwɔ́ɔ.

Zyozuwe 5:1

Amɔri ye fànʔafɔbèle myɛ be pye lè Zyuridɛn jeligi na canʔajeemɛ ma n fàra Kanaan ye fànʔafɔbèle myɛ na be pye lè Sólomi Lòkpɔʔɔ nyɔ́ɔ na, a pe ga gi lóʔo Yawe n Zyuridɛnw waʔa Isirayɛli ye yɛ́ʔɛ ma fwɔɔ n taa a be sɔ̀lɔ, zɔ̀n ga níì pye be ni í, a fyáari be cò Isirayɛli ye yɛ́ʔɛ ma.